ເມືອງຮວງຊ່ານຕັ້ງຢູ່ພາກກາງຂອງຈີນ, ໃນເມືອງຮວງຊ່ານມີພູຮວງຊ່ານທີ່ມີຊື່ສຽງ, ເປັນເມືອງທ່ອງທ່ຽວທີ່ມີຊື່ສຽງໃນສາກົນ. ເມືອງຮວງຊ່ານກໍເປັນໜຶ່ງໃນແຫຼ່ງກຳເນີດຂອງວັດທະນະທຳຮຸ່ຍໂຈ່ວ ເຊິ່ງເປັນໜຶ່ງໃນສາມວັດທະນະທຳທ້ອງຖິ່ນທີ່ມີຊື່ສຽງຂອງຈີນ, ໄດ້ສ້າງນັກທຸລະກິດຮຸ່ຍໂຈ່ວທີ່ມີຊື່ສຽງມາເປັນເວລາ 500 ກວ່າປີ ໃນລາຊະວົງມິງ ແລະລາຊະວົງຊິ່ງເມືອງຫວງຊ່ານຖືກເອີ້ນວ່າເປັນ "ບ້ານເກີດຂອງອາຫານຮຸ່ຍໂຈ່ວຂອງຈີນ". ວິທີປຸງແຕ່ງອາຫານຮຸ່ຍໂຈ່ວເອົາໃຈໃສ່ໃນດ້ານຂົ້ວ, ອົບ, ໜຶ້ງ ແລະຂົ້ວໃສ່ແປ້ງສິງກະໂປ, ພິຖີພິຖັນເລື່ອງເຄື່ອງປຸງ ແລະຄວາມແຮງຂອງໄຟ, ສົ່ງເສີມແກງແບບດັ້ງເດີມແລະລົດຊາດເດີມຂອງວັດຖຸດິບຂອງອາຫານ, ເອົາໃຈໃສ່ນຳການໃສ່ນ້ຳມັນແລະສີຂອງອາຫານ. ເມື່ອໄປຮອດເມືອງຮວງຊ່ານແລ້ວ, ຕ້ອງຊິມອາຫານທ້ອງຖິ່ນຕ່າງໆ ເຊັ່ນ ຕົ້ມປາໝັກ ຫຼືເອີ້ນວ່າ ປາເໝັນຮຸ່ຍໂຈ່ວ, ແລະອາຫານປະເພດຕ່າງໆທີ່ເຮັດດ້ວຍໜໍ່ໄມ້ໄຜ່ສົດ ຫຼືໜໍ່ໄມ້ໄຜ່ແຫ້ງ.
