ເມືອງລານໂຈ່ວແມ່ນເທດສະບານແຂວງພຽງໜຶ່ງດຽວທີ່ມີແມ່ນ້ຳເຫຼືອງໄຫຼຜ່ານໃຈກາງເມືອງຂອງຈີນ, ເປັນຕົວເມືອງໃຈກາງແລະຊຸມທາງທາງພາກຕາເວັນຕົກສຽງເໜືອຂອງຈີນ, ເປັນຕົວເມືອງສຳຄັນຕາມ "ເສັ້ນທາງສາຍໄໝ" ເກົ່າ.
ອາຫານລານໂຈ່ວມີຊື່ສຽງໃນທົ່ວປະເທດຈີນ, ປີ 2010, ສະມາຄົມປຸງແຕ່ງອາຫານຈີນໄດ້ຂະໜານນາມ "ບ້ານເກີດຂອງໝີ່ດຶງລານໂຈ່ວ" ໃຫ້ແກ່ເມືອງລານໂຈ່ວ. ຕົ້ມໝີ່ໃສ່ຊີ້ນງົວຂອງລານໂຈ່ວມີປະຫວັດມາເປັນເວລາ 120 ປີແລ້ວ ເຊິ່ງໄດ້ຮັບຄວາມນິຍົມຊົມຊອບຈາກລູກຄ້າຈີນແລະຕ່າງປະເທດ ດ້ວຍແກງໃສ, ຊີ້ນນຸ້ມນວນ ແລະເສັ້ນໝີ່ແລບ. ນອກຈາກອາຫານໝີ່ປະເພດຕ່າງໆແລ້ວ, ຊີ້ງົວແລະຊີ້ນແກະກໍໄດ້ຮັບຄວາມນິຍົມຊົມຊອບຈາກຄົນທັງຫຼາຍ ເຊິ່ງມີຕົ້ມຊີ້ນແກະທີ່ຈັບກິນດ້ວຍມື, ປີ້ງຕີນແກະໃສ່ພິກໄທ ແລະອື່ນໆ. ພ້ອມກັນນັ້ນ, ອາຫານກິນຫຼິ້ນຂອງເມືອງລານໂຈ່ວທີ່ໄດ້ຮັບຄວາມນິຍົມຊົມຊອບຈາກຄົນທັງຫຼາຍຄືກັນ ຍັງມີເຂົ້າປຸ້ນນ້ຽງພີ ແລະອື່ນໆອີກ.
