ເມືອງຊີ່ຟູ້ເປັນບ້ານເກີດຂອງຂົງຈື້ ນັກປາດ,ນັກປັດຊະຍາ, ນັກການສຶກສາ ແລະຜູ້ລິເລີ່ມປັດຊະຍາສຳນັກຢູ໋ ທີ່ຍິ່ງໃຫຍ່ໃນສະໄໝບູຮານຂອງຈີນ, ໄດ້ຂະໜານນາມວ່າເປັນ "ເຢລູຊາເລັມຕາເວັນອອກ".
ຍ້ອນເປັນບ້ານເກີດຂອງຂົງຈື້, ອາຫານຊີ່ຟູ້ຈິ່ງມີສ່ວນກ່ຽວຂ້ອງກັບຂົງຈື້ຫຼາຍ. ອາຫານຊີ່ຟູ້ທີ່ມີຊື່ສຽງທີ່ສຸດແມ່ນອາຫານຕ່າງໆໃນງານລ້ຽງພຳນັກຂົງຈື້ ເປັນງານລ້ຽງລະດັບສູງຂອງພຳນັກຂົງຈື້ໃນສະໄໝກ່ອນ ເພື່ອຕ້ອນຮັບແຂກຜູ້ມີກຽດ ແລະເພື່ອສະຫຼອງການເລື່ອນຊັ້ນເສນາ, ວັນໄຫວ້ສຳຄັນຕ່າງໆ, ສະຫຼອງວັນເກີດ, ຈັດງານດອງ ຫຼືງານສົບ, ໃນນັ້ນ ຊຸດອາຫານທີ່ມີລະດັບສູງສຸດແມ່ນຊຸດອາຫານເຜົ່າມັງຊູແລະເຜົ່າຮັ້ນ ໃນເວລາຕ້ອນຮັບເຈົ້າຊີວິດ ແລະເສນາທີ່ແຕ່ງຕັ້ງຈາກຮ່ອງເຕ້, 10 ຄົນຕ້ອງໃຊ້ເວລາ 4 ວັນ, ຈິ່ງສາມາດຊິມອາຫານ 196 ເຍື່ອງໃນຊຸດອາຫານດັ່ງກ່າວໃຫ້ໝົດ. ວິທີປຸງແຕ່ງອາຫານໃນຊຸດອາຫານສຳນັກຂົງຈື້ຕົ້ນຕໍແມ່ນ ຈືນ, ຂົ້ວ ແລະໜຶ້ງ, ອາຫານທີ່ມີຊື່ສຽງມີ: ໜຶ້ງເປັດເທວະດາ, ເທວະດາ 8 ອົງຂ້າມຜ່ານທະເລເນືອງນັນອໍລະຫັນ ແລະອື່ນໆ. ອາຫານກິນຫຼິ້ນຂອງເມືອງຊີ່ຟູ້ເຕັມໄປດ້ວຍເອກະລັກພິເສດຂອງແຂວງຊ່ານຕົ່ງທີ່ເຂັ້ມຂຸ້ນ. ຂະໜົມຂອງພຳນັກຂົງຈື້ແຮ່ງບໍ່ຕ້ອງເວົ້າແລ້ວ, ເຂົ້າໜົມຈືນຊີ່ຟູ້ ແລະເຕົ້າຮູ້ຢ້າງ ກໍເປັນອາຫານກິນຫຼິ້ນທີ່ຕ້ອງຊິມໃນເວລາທ່ານໄປທ່ຽວຊີ່ຟູ້.
