ເມືອງຊວນໂຈ່ວເປັນນະຄອນແຫ່ງວັດທະນະທຳອາຊີຕາເວັນອອກຂອງຈີນ ແລະແມ່ນຈຸດເລີ່ມຕົ້ນຂອງເສັ້ນທາງສາຍໄໝເທິງທະເລ, ໄດ້ຂະໜານນາມວ່າເປັນ "ທ່າກ່ຳປັ່ນໃຫຍ່ອັນດັບໜຶ່ງຢູ່ຕາເວັນອອກ".
ວັດທະນະທຳຫຼາຍເຄົ້າໄດ້ເຊື່ອມໂຍງເຂົ້າກັນຢູ່ເມືອງຊວນໂຈ່ວ, ອາຫານຊວນໂຈ່ວກໍໄດ້ດູດຊຶມເອົາທາດບຳລຸງຈາກວັດທະນະທຳດັ້ງເດີມຂອງຈີນ, ວັດທະນະທຳຟູຈ້ຽນ ແລະວັດທະນະທຳທະເລ, ແລ້ວກາຍເປັນວັດທະນະທຳອາຫານທີ່ມີເອກະລັກພິເສດຂອງເມືອງຊວນໂຈ່ວ.
ນັບແຕ່ບູຮານນະການມານີ້, ອາຫານກິນຫຼິ້ນຂອງເມືອງຊວນໂຈ່ວກໍມີຊື່ສຽງທີ່ສຸດ, ຂະໜົມຮູບເຕົ່າລ້ານປີ, ຂະໜົມຮູບເຕົ່າທີ່ເຮັດດ້ວຍເຂົ້າສານ, ຂະໜົມຮູບຖ້ວຍ ແລະອື່ນໆ, ມີລົດຊາດຈາງແລະສົດນົວ. ປັດຈຸບັນ, ອາຫານທຳມະດາໃນຄອບຄົວຄົນຊວນໂຈ່ວທີ່ມີການພົວພັນຢ່າງແໜ້ນແຟ້ນກັບຮີດຄອງປະເພນີຄ່ອຍໆຖືກຄົ້ນຄວ້າຄືນອີກ, ຊາວຈີນຕ່າງດ້າວທີ່ຕັ້ງພູມລຳເນົາຢູ່ຕ່າງປະເທດກັບຄືນບ້ານເກີດ ກໍເພື່ອຊອກຫາ "ລົດຊາດໃນຄວາມຊົງຈຳ".
