ເມືອງຊ້າວຊິ່ງຕັ້ງຢູ່ແຂວງເຈີ້ຈ່ຽງທີ່ສວຍງາມແລະມີຊັບໃນດິນສິນໃນນ້ຳທີ່ອຸດົມສົມບູນ ແລະມີປະຫວັດສາດທີ່ຍາວນານ, ໄດ້ຂະໜານນາມວ່າເປັນ "ເມືອງທີ່ມີວັດຖຸບູຮານຢ່າງຫຼວງຫຼາຍ ແລະອູ່ເຂົ້າອູ່ນ້ຳ".
ອາຫານຊ້າງຊິງມີລົດຊາດແບບພາກໃຕ້ແມ່ນ້ຳຢາງຊີກຽງ, ສ່ວນຫຼາຍແມ່ນອາຫານທີ່ປຸງແຕ່ງດ້ວຍປາ, ກຸ້ງ, ໄກ່, ເປັດ, ປະເພດຖົ່ວ ແລະປະເພດໜໍ່ໄມ້ໄຜ່, ວິທີປຸງແຕ່ງມັກໃຊ້ແກງແບບດັ້ງເດີມ, ໃສ່ນ້ຳມັນໜ້ອຍ, ບໍ່ໃສ່ໝາກເຜັດ, ນ້ຳແກງມີລົດ ທີ່ເຂັ້ມຂຸ້ນ. ມັກເອົາເຄື່ອງສົດກັບເຄື່ອງດອງ ຫຼືແຮມ ມາໜຶ້ງ ຫຼືຕົ້ມນຳກັນ, ແລະສ່ວນຫຼາຍຈະມັກໃສ່ເຫຼົ້າຊ້າວຊິງເປັນເຄື່ອງປຸງ, ສະນັ້ນ ຈິ່ງມີກິ່ນຫອມຫວນ. ເມື່ອໄປທ່ຽວເມືອງຊ້າວຊິ່ງ, ຕ້ອງຊິມຂົ້ວໝູສາມຊັ້ນໃສ່ຜັກດອງ, ນີ້ເປັນອາຫານທີ່ມີຊື່ສຽງຂອງເມືອງຊ້າວຊິ່ງ ເຊິ່ງປະຊາຊົນມັກແຕ່ງກິນເລື້ອຍໆ, ຫອມແລະນົວ, ທັງນຸ້ມອ່ອນ, ສົດແຕ່ບໍ່ມັນ, ເປັນອາຫານຊ້າວຊິງທີ່ແທ້ໆ. ນອກນີ້, ອາຫານດອງຊ້າວຊິ່ງກໍມີຊື່ສຽງຄືກັນ, ເຊັ່ນ ເປັດດອງ, ຫ່ານດອງ ແລະຜັກດອງ. ຍັງມີຕົ້ມໄກ່ນ້ຳໃສ, ກຸ້ງຂີ້ເມົາ ຂອງຊ້າວຊິງກໍໄດ້ຮັບຄວາມນິຍົມຊົມຊອບຈາກຄົນທັງຫຼາຍ
