ເມືອງອີ໋ປິ່ນເປັນເມືອງວັດທະນະທຳທີ່ມີຊື່ສຽງໃນປະຫວັດສາດຂອງຈີນ, ຕັ້ງຢູ່ຍ່ານເໜືອແມ່ນ້ຳຢາງຊີກຽງ, ເປັນຈຸດເລີ່ມຕົ້ນຂອງເສັ້ນທາງສາຍໄໝເສັ້ນໃຕ້. ເຫຼົ້າອູລຽງເຢ້ ເຫຼົ້າຂາວທີ່ມີຊື່ສຽງຂອງຈີນກໍຜະລິດຢູ່ແຫ່ງນີ້, ສະນັ້ນ, ອີ໋ປິ່ນໄດ້ຂະໜານນາມວ່າເປັນ "ນະຄອນເຫຼົ້າຂາວຂອງຈີນ".
ນອກຈາກເຫຼົ້າຂາວອູລຽງເຢ້ທີ່ມີຊື່ສຽງແລ້ວ, ອາຫານທີ່ແຊບນົວຂອງເມືອງອີ໋ປິ່ນກໍເປັນຕາກິນຫຼາຍ, ເຊັ່ນ: ໝີ່ໄໝ້ອີ໋ປິ່ນ, ໝູມັນຫຼີຈ່ວງ, ໝູແຫ້ງພິງຊ່ານ, ເຕົ້າຮູ້ແຫ້ງນານຊີ່, ເຂົ້າປຸ້ນນ້ຳຈຸ່ນລຽນ ແລະອື່ນໆ. ຂະແໜງການປຸງແຕ່ງອາຫານສຳເລັດຮູບຂອງເມືອງອີ໋ປິ່ນກໍໄດ້ເຕີບໃຫຍ່ຂະຫຍາຍຕົວເລື້ອຍໆ, ປັດຈຸບັນ, ມີເຕົ້າຮູ້ແຫ້ງເກືອບຮ້ອຍຍີ່ຫໍ້ຂອງເມືອງນານຊີ່ບໍ່ພຽງແຕ່ໄດ້ສົ່ງໄປຂາຍຢູ່ແຫ່ງຕ່າງໆພາຍໃນປະເທດຈີນເທົ່ານັ້ນ, ຍັງສົ່ງໄປຂາຍຢູ່ຕ່າງປະເທດ, ເມືອງນານຊີ່ໄດ້ກາຍເປັນແຫຼ່ງຜະລິດເຕົ້າຮູ້ແຫ້ງສຳເລັດຮູບທີ່ມີຊື່ສຽງໄປແລ້ວ.
