ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໄລຍະພັກວັນກຳມະກອນສາກົນໄດ້ຜ່ານໄປແລ້ວ, ແຕ່ງານມະຫະກຳພືດສວນໂລກປັກກິ່ງກໍຍັງໄດ້ຮັບຄວາມນິຍົມຊົມຊອບຢູ່ຄືເກົ່າ. ເຂດງານມະຫະກຳມີເນື້ອທີ່ກວ້າງຂວາງ, ມີຫໍວາງສະແດງຕ່າງໆນານາຢ່າງຫຼາກຫຼາຍ ແລະ ຍັງມີກິດຈະກຳຕ່າງໆທີ່ຫຼາກຫຼາຍສີສັນອີກດ້ວຍ ຈົນເຮັດໃຫ້ນັກທ່ອງທ່ຽວຕ່າງໆບໍ່ຢາກກັບ. ໃນນີ້, ຫໍວາງສະແດງຈີນ, ຫໍວາງສະແດງສາກົນ, ຫໍສຳຜັດຊີວິດທີ່ທັນສະໄໝແມ່ນຫໍວາງສະແດງທີ່ໄດ້ຮັບຄວາມນິຍົມຫຼາຍກວ່າໝູ່ ໂດຍມີກິດຈະກຳແຫ່ຂະບວນລົດໂຖດອກໄມ້ທີ່ມີທຸກວັນ ເຊິ່ງໄດ້ຮັບຄວາມນິຍົມທີ່ສຸດ. ແຫຼ່ງຂ່າວຈາກສຳນັກງານງານມະຫະກຳພືດສວນໂລກປັກກິ່ງໃຫ້ຮູ້ວ່າ: ໃນໄລຍະງານມະຫະກຳທີ່ດຳເນີນເປັນເວລາ 162 ວັນນັ້ນ, ຈະມີກິດຈະກຳແຫ່ຂະບວນລົດໂຖດອກໄມ້ 180 ເທື່ອ ເຊິ່ງຈະສາມາດສະແດງໃຫ້ນັກທ່ອງທ່ຽວໄດ້ເຫັນແລະໄດ້ແລກປ່ຽນໃນກິດຈະກຳຕາມຫົວຂໍ້ຂອງງານມະຫະກຳ.
ງານມະຫະກຳພືດສວນໂລກປັກກິ່ງ 2019 ໄດ້ເລີ່ມຈັດຂຶ້ນໃນວັນທີ 29 ເມສາຜ່ານມາ ແລະຈະດຳເນີນໄປຈົນເຖິງວັນທີ 7 ຕຸລາປີນີ້ ລວມທັງໝົດມີ 162 ວັນ ເຊິ່ງຫົວຂໍ້ຂອງງານຄັ້ງນີ້ຄື: “ຊີວິດແບບສີຂຽວ, ບ້ານເມືອງທີ່ສວຍງາມ”.
ຄຳເຫັນ
0