ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາແສງປາຢິ່ງ ທາງພາກຕາເວັນອອກສຽງໃຕ້ຂອງເມືອງຢຸ້ຍຈິ່ນທີ່ຕັ້ງຢູ່ຊາຍແດນລະຫວ່າງແຂວງຈ່ຽງຊີ່ກັບແຂວງຟູຈ້ຽນ ສປ ຈີນ ແມ່ນຕາແສງຢູ່ເຂດຫ່າງໄກສອກຫຼີກອ້ອຍຕ້ອຍ, ເຖິງຈະມີສະພາບແວດລ້ອມທຳມະຊາດທີ່ສວຍສົດງົດງາມກໍຕາມ, ແຕ່ການຄົມມະນາຄົມຍັງບໍ່ສະດວກ, ພື້ນຖານໂຄງລ່າງບໍ່ສົມບູນ, ສະນັ້ນ, ອັດຕາຄວາມທຸກຍາກໃນເຂດນີ້ຈະສູງກວ່າຕາແສງອື່ນໆຂອງເມືອງຢຸ້ຍຈິ່ນຢ່າງຈະແຈ້ງ. ໃນເມື່ອກ່ອນ, ຊາວບ້ານຈຳນວນບໍ່ໜ້ອຍມີແຕ່ໃຊ້ໄຟຟ້າແຮງຕ່ຳ ເຊິ່ງໃຊ້ໜຶ້ງເຂົ້າກໍບໍ່ສຸກຊ້ຳ.
ພາຍຫຼັງມາ, ຕາແສງປາຢິ່ງໄດ້ເລືອກເສັ້ນທາງແຫ່ງການຫຼຸດພົ້ນອອກຈາກຄວາມທຸກຍາກຄື: “ຖ້າຢາກຮັ່ງມີຂຶ້ນ, ຕ້ອງສ້າງທາງກ່ອນ”, ຄືຈະສ້າງພື້ນຖານໂຄງລ່າງໃຫ້ດີສາກ່ອນ. ສະນັ້ນ, ສອງສາມປີມານີ້, ຕາແສງດັ່ງກ່າວຈຶ່ງໄດ້ພະຍາຍາມສ້າງທາງໃຫ້ດີ, ເມື່ອມີທາງດີແລ້ວ, ລາຍໄດ້ກໍຈະສູງຂຶ້ນຕາມກັນ.
ຂະນະດຽວກັນ, ຕາແສງປາຢິ່ງຍັງໄດ້ຕັ້ງໜ້າສົ່ງເສີມໃຫ້ຊາວບ້ານພັດທະນາຂະແໜງການທີ່ເປັນເອກະລັກຂອງເຂດພູດອຍ ເຊັ່ນ: ນິຄົມລ້ຽງໄກ່ຕາມຫຼັກນິເວດ, ການລ້ຽງກົບ, ລ້ຽງກວາງ, ການປຸງແຕ່ງໄມ້ໄຜ່, ພັດທະນາເສດຖະກິດປ່າໄມ້ ແລະອື່ນໆ. ປັດຈຸບັນ, ຊາວບ້ານກໍສາມາດຂົນສົ່ງເຄື່ອງປ່າຂອງດົງໃນຂດພູດອຍອອກໄປຂາຍຢູ່ນອກໂດຍຜ່ານເສັ້ນທາງທີ່ສ້າງຂຶ້ນມາໃໝ່ ແລະບັນລຸການເພີ່ມລາຍໄດ້ ແລະຫຼຸດພົ້ນອອກຈາກຄວາມທຸກຍາກ.
ຄຳເຫັນ
0