ວັນ​ທີ 13 ພຶດສະພາ​ນີ້, ​ເຮືອບິນ​ໂດຍສານ​ຂະໜາດ​ໃຫຍ່ 4 ລຳ ​ໄດ້​ລົງ​ຈອດ​ຢູ່ສະໜາມ​ບິນ​ສາກົນ​ຕ້າ​ຊິ່ງປັກ​ກິ່ງ​ຢ່າງ​ສຳ​ເລັດ​ຜົນຕາມ​ລຳດັບ ​ເຊິ່ງ​ເປັນ​ຂີດ​ໝາຍ​ສະ​ແດງ​ໃຫ້​ເຫັນ​ວ່າ, ສະໜາມ​ບິນ​ດັ່ງກ່າວ​ໄດ້​ຜ່ານ​ການທົດ​ສອບດ້ານ​ເຕັກນິກການ​ຂຶ້ນລົງ​ຂອງ​ເຮືອບິນ​ຢ່າງ​ສຳ​ເລັດ​ຜົນ​ເປັນຄັ້ງທຳ​ອິດ. ຈາກ​ນີ້​ເປັນຕົ້ນ​ໄປ, ​ວຽກ​ງານຈຸດສຸມ​​​ໃນ​ການ​ສ້າງ​ສະໜາມ​ບິນ​ແຫ່ງ​ໃໝ່ຂອງ​ນະຄອນຫຼວງປັກ​ກິ່ງ​ໄດ້​​ເຂົ້າສູ່​ໄລຍະ​ກະກຽມ​ເພື່ອ​ນຳ​ໃຊ້​​ຕົວຈິງ. ສະໜາມ​ບິນ​ສາກົນ​ຕ້າ​ຊິ່ງປັກ​ກິ່ງ​ຈະ​ເປີດ​ນຳ​ໃຊ້​ຢ່າງ​ເປັນ​ທາງ​ການ​ກ່ອນ​ວັນ​ທີ 30 ກັນຍາ​ປີ​ນີ້.