ວັນ​ທີ 26 ມິ​ຖຸ​ນາ​ນີ້, ການ​ສະ​ແດງດອກ​ໄມ້​ໄຟ​ໃນ​ຫົວ​ຂໍ້ “ເປັນ​ເພື່ອນ​ຮ່ວມ​ທາງ​ເພື່ອ​ສ້າງ​ຄວາມ​​ໄຝ່​ຝັນ​ໃນ​ອະ​ນາ​ຄົດ”​ໄດ້​ຈັດ​ຂຶ້ນ​ຢູ່ດອນ​​ຈ​ວີຈື​ຫຼື​ດອນ​ໝາກ​ກ້ຽງ ນະ​ຄອນ​​ຊາງ​ຊ່າ ​ແຂວງ​ຮູ​ນານ ເພື່ອ​ຄຳ​ນັບ​ຮັບ​ຕ້ອນ​ງານ​ວາງ​ສະ​ແດງ​ເສດ​ຖະ​ກິດ​ການ​ຄ້າ​ຈີນ-ອາ​ຟ​ຣິ​ກາ​ຄັ້ງ​ທຳ​ອິດ ທີ່​ຈະ​ຈັດ​ຂຶ້ນ​ແຕ່​ວັນ​ທີ 27-29 ມິ​ຖຸ​ນາ​ນີ້​. ງານ​ວາງ​ສະ​ແດງ​ຄັ້ງ​ນີ້​ມີ​ຫົວ​ຂໍ້​ວ່າ “ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ,ສົ່ງ​ເສີມ​ການ​ພົວ​ພັນ​ດ້ານ​ເສດ​ຖະ​ກິດ​ການ​ຄ້າ​ຈີນ-ອາ​ຟ​ຣິກກາ​ໃຫ້​ຕິດ​ແທດ​ຕົວ​ຈິງ”​ ເຊິ່ງ​ຈະ​ສຸມ​ໃສ່​ຂົງ​ເຂດ​ສຳ​ຄັນ​ຕ່າງໆ​ເປັນ​ຕົ້ນ ການ​ສົ່ງ​ເສີມ​ການ​ຄ້າ, ການໂຄ​ສະ​ນາ​ເພື່ອ​​ດຶງ​ດູດການ​ລົງ​ທຶນ, ເຕັກ​ໂນ​ໂລ​ຊີ​ກະ​ສິ​ກຳ,ພະ​ລັງ​ງານ​ໄຟ​ຟ້າ,​ ນິ​ຄົມການ​ຮ່ວມ​ມື, ພື້ນ​ຖານ​ໂຄງ​ລ່າງ​,ການ​ຮ່ວມ​ມື​ລະ​ດົມ​ທຶນ​ແລະ​ອື່ນໆ ໂດຍ​ຈະ​ຈັດ​ກິດ​ຈະ​ກຳ​ຕ່າງໆ​ທີ່​ມີຫຼາຍ​ຮູບຫຼາຍ​ແບບ.