ວັນ​ທີ 18 ກໍ​ລະ​ກົດ​ນີ້, ທ່ານທາງ​ລິງ​ລົງ​ແລະ​ນາງ​ຊ້າວ​ຈູ​ລຽນແມ່ນ​ຊາວ​ບ້ານ​ຂອງ​ບ້ານ​ຈື່​ຈ່ຽງ​ຕາ​ແສງ​ເຊ້ຍ​ຢາ​ນະ​ຄອນ​ຈ້ຽນ​ເຕີ​ແຂວງ​ເຈີ້​ຈ່ຽງ, ຜົວ​ເມຍ​ຄູ່​ນີ້ແມ່ນ​ຊາຍ​ແບບ​ແລະ​ນາງ​ແບບ​ຫາ​ປາ​ທີ່​ມີ​ຊື່​ສຽງ​ຂອງ​ທ້ອງ​ຖິ່ນ. ໃນ​ເມື່ອ​ກ່ອນ, ​ເຂົາ​ເຈົ້າ​ໄດ້​ດຳ​ເນີນ​ທຸ​ລະ​ກິດ​ຢູ່​ນະ​ຄອນ​ຈ້ຽນ​ເຕີ, ໃນ​ປີ 2010, ຄຽງ​ຄູ່​ກັບການ​ພັດ​ທະ​ນາ​ການ​ທ່ອງ​ທ່ຽວ​ຊົນ​ນະ​ບົດ​ດີ​ຂຶ້ນ, ສອງຜົວ​ເມຍ​ຈຶ່ງ​ຕົກ​ລົງ​ກັບ​ຄືນ​ບ້ານ​ເກີດ, ​ເພື່ອສະ​ແດງ​ວິ​ຖີ​ຊີ​ວິດໃນ​ການ​ຫາ​ປາ​ຂອງ​ຕົນ. ໃນ​ລະ​ດູ​ການ​ທ່ອງ​ທ່ຽວ​ແຕ່​ເດືອນ​ພຶດ​ສະ​ພາ​ຫາ​ເດືອນ​ກັນ​ຍາ, ເຂົາ​ເຈົ້າ​ຈະ​ສະ​ແດງ​ການ​ຫາ​ປາ​ມື້​ລະ​ສອງ​ເທື່ອ​ເກືອບ​ທຸກວັນ. ພວກ​ເຂົາ​ເວົ້າ​ວ່າ, ສາ​ມາດ​ຫາ​ເງິນ​ຢູ່​ໜ້າ​ປະ​ຕູ​ບ້ານ​ໄດ້, ທັງ​ໄດ້​ເພີ່ມ​ຄວາມ​ສວຍ​ງາມ​ໃຫ້​ແກ່​ທິວ​ທັດ​ຂອງ​ບ້ານ​ເກີດ, ເຖິງວ່າ​​ຈະລຳ​ບາກ​ກໍ​ຕາມ​ແຕ່​ເປັນ​ຊີ​ວິດ​ທີ່​ມີ​ຄວາມ​ສຸກ​ທີ່​ໜ້າ​ພໍ​ໃຈ.