覃海芳

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ເຂດ​ນິ​ຄົມ​ອຸດ​ສາ​ຫະ​ກຳ​ກະ​ສິ​ກຳ​ທັນ​ສະ​ໄໝ​ນຳ​ພາ​ການ​ພັດ​ທະ​ນາຊົນ​ນະ​ບົດ​ແຂວງກວາງ​ຕຸ້ງ​ພັດ​ທະ​ນາ​ໃຫ້​ຈະ​ເລີນ

2019-07-22 16:16:26 cri

图片默认标题_fororder_haofhlsfjisfjksfjksfjisfese1
 

  CRI ລາຍ​ງານ​ວ່າ: ເຂດ​ນິ​ຄົມ​ອຸດ​ສາ​ຫະ​ກຳ​ເຂົ້າ​ຊື​ມຽວ​​ທີ່​ຢູ່ເມືອງ​ຮຸ້ຍ​ເຊີງ​ນະ​ຄອນ​ຮຸ້ຍ​ໂຈ່ວແຂວງກວາງ​ຕຸ້ງ ສ​ປ ຈີນ​ໄດ້​ອອກ​ແຮງ​ພັດ​ທະ​ນາ​ຮູບ​ແບບ​ເຂດ​ນິ​ຄົມ​ອຸດ​ສາ​ຫະ​ກຳ​ກະ​ສິ​ກຳ​ທັນ​ສະ​ໄໝ. ທ່ານ​ເຊີນ​ໂຢ່ວ​ເພິງ ເປັນກະ​ສິ​ກອນ​ຮ່ວມ​ມື​ຂອງ​ບໍ​ລິ​ສັດ​ກະ​ສິ​ກຳ​ໄຫ​ນ້າກວາງ​ຕຸ້ງ​ຈຳ​ກັດ ເຊິ່ງ​ເປັນ​ຫົວ​ໜ່ວຍ​ທຸ​ລະ​ກິດ​ທີ່​ນຳ​ໜ້າ​ປະ​ຕິ​ບັດ​ຮູບ​ແບບ​ພັດ​ທະ​ນາ​ດ້ວຍ​ການ​ສ້າງ​ເຂດ​ນິ​ຄົມ​ອຸດ​ສາ​ຫະ​ກຳ. ທ່ານ​ເຊີນ​ໂຢ່ວ​ເພິງ ພ້ອມ​ພັນ​ລະ​ຍາ​​ເປັນ​ຜູ້ຄຸ້ມ​ຄອງເນື້ອ​ທີ່​ປູກ​ຝັງ 20 ກວ່າ​ເຮັກ​ຕາ​ໃນ​ເຂດ​ນິ​ຄົມ ເຊິ່ງ​ສາ​ມາດ​ສ້າງ​ລາຍ​ຮັບ​ໄດ້ຫຼາຍກວ່າ​ແສນຢວນ​ຕໍ່​ປີ.


图片默认标题_fororder_haofhlsfjisfjksfjksfjisfese4
 

 ບໍ​ລິ​ສັດ​ກະ​ສິ​ກຳ​ໄຫ​ນ້າ​ຈຳ​ກັດ​ໄດ້​ນຳ​ໃຊ້​ຮູບ​ແບບ​ການ​ປູກ​ຝັງ​ແລະ​ລ້ຽງ​ສັດ​ທີ່​ທັນ​ສະ​ໄໝ ໂດຍ​ຖື​ເອົາ​ການ​ປູກ​ຝັງ​ປະ​ສານ​ສົມ​ທົບ​ກັບ​ການ​ລ້ຽງ​ສັດ​ຢ່າງ​ມີ​ປະ​ສິດ​ທິ​ພາບ ເຊິ່ງ​ສາ​ມາດ​ຮັກ​ສາ​ສິ່ງ​ແວດ​ລ້ອມ​ທຳ​ມະ​ຊາດ​ແລະ​​ພ້ອ​ມ​ທັງໄດ້​ຮັບ​ປະ​ສິດ​ທິ​ຜົນ​ດ້ານ​ເສດ​ຖະ​ກິດ​ອີກ​ດ້ວຍ. ທ່ານຈົ່ງ​ເຈີ້ນ​ຟ່າງ ປະ​ທານ​ບໍ​ລິ​ສັດ​ກະ​ສິ​ກຳ​ໄຫ​ນ້າ​ຈຳ​ກັດ​ໃຫ້​ຮູ້​ວ່າ: ຮູບ​ແບບ​ການ​ປູກ​ຝັງ​ແລະ​ລ້ຽງ​ສັດ​ທີ່​ທັ​ນ​ສະ​ໄໝ​ໄດ້​ຍົກ​ສູງ​ປະ​ສິດ​ທິ​ຜົນ​ດ້ານ​ເສດ​ຖະ​ກິດ​ຢ່າງຫຼວງຫຼາຍ, ມູນ​ຄ່າ​ການ​ຜະ​ລິດ​ຂອງ​ເນື້ອ​ທີ່​ປູກ​ຝັງສາ​ມາດ​ບັນ​ລຸ​ຫຼາຍກວ່າ 150.000 ​ຢວນ​ຕໍ່​ເຮັກ​ຕາ, ເມື່ອ​ທຽບ​ໃສ່​ຮູບ​ແບບ​ການ​ຜະ​ລິດ​ດ້ວຍ​ການ​ປູກ​ຝັງ​ພຽງ​ຢ່າງ​ດຽວ​ໃນ​ເມື່ອ​ກ່ອນ​ແລ້ວ, ​ຜົນ​ໄດ້​ຮັບ​ເພີ່ມ​ຂຶ້ນຫຼາຍກວ່າ 1 ເທົ່າ.


图片默认标题_fororder_haofhlsfjisfjksfjksfjisfese5
 

ພາຍ​ໃຕ້​ການ​ຊີ້​ນຳ​ຈາກ​ແນວ​ຄວາມ​ຄິດ​ການ​ພັດ​ທະ​ນາ​ດັ່ງ​ກ່າວ, ບໍ​ລິ​ສັດ​ກະ​ສິ​ກຳ​ໄຫ​ນ້າ​ຈຳ​ກັດ​ໄດ້​ພັດ​ທະ​ນາ​ທຸ​ລະ​ກິດ​ການ​ທ່ອງ​ທ່ຽວ​ເລີ່ມ​ມາ​ແຕ່​ເດືອນ​ພະ​ຈິກ​ປີ 2017, ນອກ​ຈາກວາງ​ສະ​ແດງ​ໃຫ້​ຄວາມ​ຮູ້​ດ້ານ​ວິ​ທະ​ຍາ​ສາດ​ຢູ່​ສູນ​ທົດ​ລອງ​ຕ່າງໆ​ເຊັ່ນ ການ​ເພາະ​ພັນ​ແລະ​ປູກ​ເຂົ້າ, ກົນ​ຈັກ​ກະ​ສິ​ກຳ​ທັນ​ສະ​ໄໝ, ການ​ປູກ​ຝັງ​ແລະ​ລ້ຽງ​ສັດ​ປະ​ສົມ​ປະ​ສານ​ກັນ, ການ​ປ້ອງ​ກັນ​ແລະ ຄວບ​ຄຸມ​ສັດ​ຕູ​ພືດ​ທາງ​ຊີ​ວະ​ພາບ ແລະ​ອື່ນໆ​ແລ້ວ, ຍັງ​ໄດ້​ພັດ​ທະ​ນາ​ທຸ​ລະ​ກິດ​ການ​ທ່ອງ​ທ່ຽວ​ແບບ​ໃຫ້​ນັກ​ທ່ອງ​ທ່ຽວ​​ສາ​ມາດເກັບ​ຜັກ​ແລະ​ໝາກ​ໄມ້​ໃນ​ສວນ​ດ້ວຍ​ຕົນ​ເອງ, ທົ່ງ​ດອກ​ໄມ້, ການ​ສຶກ​ສາ​ແບບ​ຕັ້ງແຄມ( Camp Education )ແລະ​ອື່ນໆ, ມາ​ຮອດ​ປັດ​ຈຸ​ບັນ​ໄດ້​ຕ້ອນ​ຮັບ​ນັກ​ທ່ອງ​ທ່ຽວ​ ເຖິງ 3 ແສນ​ເທື່ອ​ຄົນ​ແລ້ວ.

 

图片默认标题_fororder_haofhlsfjisfjksfjksfjisfese3

 

 

ຄຳ​ເຫັນ

0