ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານວາງສະແດງພືດສວນໂລກປັກກິ່ງໄດ້ຈັດກິດຈະກຳ “ວັນກຸ້ຍໂຈ່ວ” ແຕ່ວັນທີ 4-6 ສິງຫານີ້ ໂດຍໄດ້ຮວບຮວມເອົາພູຜາປ່າໄມ້, ນາຂັ້ນໄດ, ສາຍນ້ຳ, ພືດແລະສັດຕ່າງໆທີ່ມີສະເພາະຢູ່ແຂວງກຸ້ຍໂຈ່ວ ປະກອບເຂົ້າເປັນພາບວິວທິວທັດທຳມະຊາດທີ່ສວຍງາມ ແລະ ວັດທະນະທຳທີ່ເຂັ້ມຂຸ້ນຂອງແຂວງດັ່ງກ່າວ. ແຂວງກຸ້ຍໂຈ່ວຕັ້ງຢູ່ພາກຕາເວັນຕົກສຽງໃຕ້ຂອງຈີນ ໂດຍພູມສັນຖານຕົ້ນຕໍແມ່ນພູພຽງແລະພູດອຍ. ໃນຊຸມປີຜ່ານມາ, ໃນຖານະເປັນເຂດທົດລອງຄວາມສີວິໄລທາງລະບົບນິເວດແຫ່ງຊາດຈີນ, ແຂວງກຸ້ຍໂຈ່ວໄດ້ເອົາໃຈໃສ່ສ້າງໃຫ້ເປັນຈຸດໝາຍປາຍທາງການທ່ອງທ່ຽວເຂດພູດອຍທີ່ມີຊື່ສຽງໃນໂລກແລະໃຫ້ກາຍເປັນແຂວງໃຫຍ່ດ້ານການທ່ອງທ່ຽວເຂດພູດອຍ. ປັດຈຸບັນ, ອັດຕາການປົກຫຸ້ມຂອງປ່າໄມ້ຢູ່ແຂວງດັ່ງກ່າວໄດ້ເພີ່ມຂຶ້ນເປັນ 57%, ຄຸນນະພາບຂອງອາກາດໃນຕົວເມືອງແຫ່ງຕ່າງໆກໍໄດ້ຮັບການປັບປຸງໃຫ້ດີຂຶ້ນຢ່າງຫຼວງຫຼາຍ ເຊິ່ງເກືອບບໍ່ມີພົນລະພິດທາງອາກາດ ແລະ ຄວາມເປັນສີຂຽວພວມກາຍເປັນສັນຍະລັກທີ່ງົດງາມຂອງແຂວງກຸ້ຍໂຈ່ວ. ຂະນະທີ່ເຂດພູດອຍກາກສະເຕີຢູ່ເມືອງລີ້ໂປ່, ສວນສາທາລະນະທໍລະນີສາດແຫ່ງຊາດຕ່ານເສຍເມືອງຊື້ສຸຍ, ພູຢຸນຖາຍເມືອງຊື່ປິ໋ງ ແລະ ພູຟ້ານຈິ້ງນະຄອນຖົງເຣິ໋ນ ໃນດິນແດນແຂວງກຸ້ຍໂຈ່ວລ້ວນແຕ່ເປັນມໍລະດົກທຳມະຊາດໂລກ.
ຄຳເຫັນ
0