ກ່ອນນີ້ 70 ປີ, ບ້ານ​ຈົ່ງ​ກ່ວນ​ ​ເປັນ​ພຽງ​ແຕ່​ບ້ານ​ນ້ອຍໆ​ທີ່​ບໍ່​ມີ​ຊື່​ມີ​ສຽງ​ໃນ​ນະ​ຄອນຫຼວງ​ປັກ​ກິ່ງ​ຂອງ​ຈີນ, ແຕ່​ໃນ​ວັນ​ນີ້​, ຫຼັງ 70 ປີຜ່ານ​ໄປ, ບ້ານ​ຈົ່ງ​ກ່ວນ​​ໄດ້​ກາຍ​ເປັນ​ເຂດ​ສາ​ທິດ​ການ​ປະ​ດິດ​ສ້າງ​ໃໝ່​ຢ່າງເປັນ​ເຈົ້າ​ຕົນ​ເອງ​ລະ​ດັບ​ຊາດ, ກາຍ​ເປັນ​ຄັນທຸງ​​ນຳ​ໜ້າ​ໃນ​ການ​ພັດ​ທະ​ນາ​ການ​ປະ​ດິດ​ສ້າງ​ໃໝ່​ຂອງ​ຈີນ​ ແລະ​ເປັນ “​ສັນ​ຍະ​ລັກ​ແຫ່ງການ​ປະ​ດິດ​ສ້າງ​ໃໝ່”ທີ່​ມີ​ຊື່​ສຽງ​ຂອງ​ໂລກ. ຕາມ​​ສະ​ຖິ​ຕິ, ​ປີ 2018, ໃນ​ເຂດ​ສາ​ທິດ​ຈົ່ງ​ກ່ວນ​ຊຸ່ນ, ​ມີ​ບໍ​ລິ​ສັດ​​ເຕັກ​ນິກ​ສູງ​ 2,2 ໝື່ນກວ່າ​ແຫ່ງ, ລາຍ​ໄດ້​ກວມ​ລວມ​ຫຼາຍກວ່າ 5.800 ຕື້ຢວນ​ສະ​ກຸນ​ເງິນ​ຈີນ, ບັນ​ລຸລາຍ​ໄດ້​ດ້ານ​ເຕັກ​ນິກຫຼາຍກວ່າ ພັນ​ຕື້ຢວນ​ເປັນ​ຄັ້ງ​ທຳ​ອິດ, ການ​ພັດ​ທະ​ນາ​ດ້ວຍ​ຄຸນ​ນະ​ພາບ​ສູງ​​ຢູ່​ເຂດ​ຈົ່ງ​ກ່ວນ​ຊຸ່ນ​ພວມ​ມີ​ປະ​ສິດ​ທິ​ຜົນ.