ວັນທີ 22 ກັນຍານີ້, ຊາວໜຸ່ມຫຼາຍກວ່າ 3000 ຄົນທີ່ມາຈາກແຂວງກວາງຕຸ້ງ, ຮົງກົງ ແລະມາກາວໄດ້ເຕົ້າໂຮມກັນຢູ່ນະຄອນກວາງໂຈ່ວແຂວງກວາງຕຸ້ງ ເພື່ອຮ່ວມກັນຊັກທຸງຊາດຂຶ້ນສູ່ຍອດເສົາ, ຮ້ອງເພງຊາດ, ເພື່ອສະແດງຄວາມອອກເຖິງຄວາມເຄົາລົບ ແລະອວຍພອນຢ່າງເລິກເຊິ່ງຕໍ່ປະເທດຊາດ ເນື່ອງໃນໂອກາດສະເຫຼີມສະຫຼອງສປ ຈີນສະຖາປະນາຂຶ້ນຄົບຮອບ 70 ປີ.
ໃນຕອນເຊົ້າມື້ດຽວກັນ, ຢູ່ສະໜາມຫຼວງພາກຕາເວັນຕົກຂອງສູນປະຊຸມປາຍຢຸນນະຄອນກວາງໂຈ່ວ, ມີຊາວໜຸ່ມຫຼາຍກວ່າ 3000 ຄົນທີ່ມາຈາກແຂວງກວາງຕຸ້ງ, ເຂດບໍລິຫານພິເສດຮົງກົງ, ມາກາວໄດ້ປະກອບເປັນໂຕອັກສອນມະນຸດດ້ວຍຄຳວ່າ “ສະບາຍດີປະເທດຊາດ” ແລະຢືນກົງເຄົາລົບທຸງຊາດດ້ວຍສາຍຕາຈ້ອງເບິ່ງຜືນທຸງ. ທຸກຄົນຮ່ວມກັນແກວ່ງທຸງຊາດ ແລະຮ້ອງເພງ “ຂ້ອຍ ແລະປະເທດຊາດຂອງຂ້ອຍ” ຢ່າງຄຶກຄື້ນມ່ວນຊື່ນ.
ເຂດອ່າວໃຫຍ່ກວາງຕຸ້ງ-ຮົງກົງ-ມາກາວພວມສ້າງສາພັດທະນາຢ່າງເປັນຂະບວນຟົດຟື້ນ, ຊາວໜຸ່ມຮົງກົງ ແລະມາກາວກ່າວວ່າ: ຊາວໜຸ່ມຈາກ 3 ເຂດຖືເອົາໂອກາດນີ້ເປັນເວທີແລກປ່ຽນ, ພັດທະນາຮ່ວມກັບເຂດອ່າວໃຫຍ່ ແລະກ້າວໜ້າເດີນໄປໜ້າພ້ອມກັບປະເທດຊາດ.
PreviousNext
ຄຳເຫັນ
0