ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ແບບແຜນຂອງພັກດີຫຼືບໍ່ດີ, ພົວພັນເຖິງການສະໜັບສະໜູນ ຫຼື ການຄັດຄ້ານຂອງປະຊາຊົນ; ການສະໜັບສະໜູນ ຫຼື ການຄັດຄ້ານຂອງປະຊາຊົນ, ບໍ່ພຽງແຕ່ໄດ້ຕັດສິນຊີ້ຂາດຊາຕາກຳຂອງການສ້າງສາສັງຄົມນິຍົມເທົ່ານັ້ນ, ຍັງໄດ້ຕັດສິນຊາຕາກຳຂອງພັກ.” ເມື່ອ 30 ກວ່າປີກ່ອນ, ທ່ານສີຈິ້ນຜິງເຄີຍກ່າວຄວາມນີ້ໃນເວລາທີ່ເຮັດວຽກຢູ່ເມືອງເຈີ້ງຕິ້ງ,ສະແດງໃຫ້ເຫັນເຖິງຄວາມເຊື່ອໝັ້ນ ແລະ ຄວາມຕັດສິນໃຈທີ່ເດັດດ່ຽວຂອງທ່ານໃນການກຳແໜ້ນວຽກງານການກໍ່ສ້າງແບບແຜນຂອງພັກໃຫ້ດີ, ເຊິ່ງໄດ້ສ້າງພາບປະທັບໃຈຢ່າງເລິກເຊິ່ງໃຫ້ແກ່ພະນັກງານພັກທັງຫຼາຍຂອງເມືອງເຈີ້ງຕິ້ງ.
ວັນທີ 6 ທັນວາປີ 1983, ຄະນະພັກເມືອງເຈິ້ງຕິ້ງປະກາດ“ຂໍ້ກຳນົດຈຳນວນໜຶ່ງຂອງຄະນະພັກເມືອງເຈີ້ງຕິ້ງກ່ຽວກັບການປັບປຸງແບບແຜນການນຳ”
ຢູ່ຫ້ອງມ້ຽນເອກະສານຂອງເມືອງເຈີ້ງຕິ້ງໄດ້ເກັບມ້ຽນເອກະສານສະບັບໜຶ່ງໄວ້ເປັນຢ່າງດີ, ເຖິງວ່າໜ້າເຈ້ຍເກົ່າກາຍເປັນສີເຫຼືອງແລ້ວກໍຕາມ ແຕ່ຕົວໜັງສືຢູ່ເທິງເຈ້ຍຍັງຊັດເຈນຢູ່. ຫົວຂໍ້ຂອງເອກະສານສະບັບນີ້ຄື “ຂໍ້ກຳນົດຈຳນວນໜຶ່ງຂອງຄະນະພັກເມືອງເຈີ້ງຕິ້ງກ່ຽວກັບການປັບປຸງແບບແຜນການນຳ”, ເຊິ່ງທ່ານສີຈິ້ນຜິງ ດຳລົງຕຳແໜ່ງເລຂາຄະນະພັກເມືອງບໍ່ດົນ, ພົບເຫັນວ່າພະນັກງານພັກບາງຄົນຂີ້ຄ້ານມັກງ່າຍ ລະບຽບວິໄນບໍ່ເຄັ່ງຄັດ, ໄຮ້ຄວາມຫ້າວຫັນ, ແບບແຜນບໍ່ໜັກແໜ້ນ, ບໍ່ເອົາໃຈໃສ່ການຄົ້ນຄວ້າສຳຫຼວດ, ຂາດຄວາມຮັບຜິດຊອບໃນການປະຕິບັດໜ້າທີ່ວຽກງານ, ຈຶ່ງໄດ້ຊີ້ນຳການສ້າງຂໍ້ກຳນົດເຫຼົ່ານີ້ຂຶ້ນ, ໂດຍມີທັງໝົດ 6 ມາດຕາເຊິ່ງຖືກເອີ້ນຫຍໍ້ວ່າ: ຂໍ້ກຳນົດ 6 ມາດຕາ, ເນື້ອໃນຕົ້ນຕໍຄືດັ່ງນີ້:
ທ່ານເສີງປາວຮວຍທີ່ເປັນເຈົ້າເມືອງເມືອງເຈີ້ງຕິ້ງໃນເວລານັ້ນບອກນັກຂ່າວວ່າ, “ຂໍ້ກຳນົດ 6 ມາດຕາ” ມີຄວາມຮຽກຮ້ອງຢ່າງລະອຽດ, ມີຄວາມເປັນໄປໄດ້ຫຼາຍ, ໂດຍແນໃສ່ແກ້ໄຂປະກົດການຫຍໍ້ທໍ້ອັນພົ້ນເດັ່ນໃນເວລານັ້ນ, ໄດ້ກຳນົດລະບຽບວິໄນໃຫ້ແກ່ພະນັກງານການນຳ, ແລະກາຍເປັນລະບຽບການ, ເຊິ່ງເປັນຫຼັກການດຽວກັນກັບ ກົດເຫຼັກ 8 ຂໍ້ຂອງສູນກາງພັກກອມມູນິດຈີນໃນປະຈຸບັນນີ້, ເຊິ່ງສ່ອງແສງໃຫ້ເຫັນເຖິງທ່ານສີຈິ້ນຜິງມີຄວາມເຂົ້າໃຈຢ່າງເລິກເຊິ່ງ ພິຈາລະນາຢ່າງຕໍ່ເນື່ອງ ແລະ ການຍຶດໝັ້ນຢ່າງສະເໝີຕົ້ນສະເໝີປາຍຕໍ່ການກໍ່ສ້າງແບບແຜນຂອງພັກ.
ຫຼັງຈາກການປະກາດໃຊ້ “ຂໍ້ກຳນົດ 6 ມາດຕາ”ບໍ່ດົນ, ທ່ານສີຈິ້ນຜິງກໍໄດ້ຕັດສິນໃຈປັບປຸງແບບແຜນເອກະສານ ແລະ ແບບແຜນຈັດກອງປະຊຸມ.
ເລື່ອງນີ້ແມ່ນມາຈາກການສຳຫຼວດ ແລະ ຄົ້ນຄວ້າວຽກງານເທື່ອໜຶ່ງເມື່ອຕົ້ນປີ 1984. ທ່ານສີຈິ້ນຜິງລົງຮາກຖານໄປຮອດຕາແສງຈູ່ເຮີ, ເລຂາຄະນະພັກຕາແສງພົບທ່ານສີຈິ້ນຜິງແລ້ວກໍຈົ່ມວ່າ: ສະເພາະແຕ່ເດືອນກຸມພາເດືອນດຽວ, ພະນັກງານຕາແສງກໍໄດ້ໄປເຂົ້າຮ່ວມກອງປະຊຸມ 17 ຄັ້ງຢູ່ໃນເມືອງ, ບວກກັບກອງປະຊຸມໃນຕາແສງ, ຖືວ່າມີກອງປະຊຸມຫຼາຍໂພດ. ນອກຈາກນັ້ນ, ຍັງທວງໃຫ້ສະເໜີເອກະສານຕ່າງໆໃຫ້ຂັ້ນເທິງ, ພ້ອມກັບພາກສ່ວນຕ່າງໆຂັ້ນເມືອງຢາຍເອກະສານ, ບົດລາຍງານ ແລະແຈ້ງການຕ່າງໆຫຼາຍໂພດ, ຍິ່ງກວ່ານັ້ນ, ອົງການຂັ້ນເທິງມີຄົນມາແລ້ວກໍສັ່ງວ່າຕ້ອງໃຫ້ເລຂາຄະນພັກຕາແສງ ແລະ ທ່ານຕາແສງຕ້ອນຮັບເອງ,ເຊິ່ງເລື່ອງທັງໝົດເຫຼົ່ານີ້ໄດ້ເປືອງພະລັງແຮງຫຼາຍໂພດ.
ວັນທີ 10 ມີນາ 1984, ຄະນະພັກເມືອງ ແລະ ອົງການປົກຄອງເມືອງເຈີ້ງຕິ້ງໄດ້ເຜີຍແຜ່ຂໍ້ກຳນົດກ່ຽວກັບການປັບປຸງແບບແຜນເອກະສານ ແລະ ແບບແຜນກອງປະຊຸມ, ໂດຍມາດຕະການປັບປຸງມີຄວາມເຂັ້ມແຂງ ແລະ ຕິດແທດກັບຄວາມເປັນຈິງຢ່າງຫຼວງຫຼາຍ. ເອກະສານທຸກປະເພດຂອງຄະນະພັກ ແລະ ອົງການປົກຄອງເມືອງລ້ວນແຕ່ໄດ້ປັບຫຼຸດ 1 ສ່ວນ 3 ບົນພື້ນຖານຈຳນວນຂອງປີຜ່ານມາ; ກອງປະຊຸມຂອງພະນັກງານ 3 ຂັ້ນພາຍໃນທົ່ວເມືອງ ປົກກະຕິແລ້ວບໍ່ໃຫ້ຫຼາຍກວ່າ 2 ຄັ້ງຕໍ່ປີ, ສຳລັບວຽກງານຂອງພາກສ່ວນໃດໜຶ່ງ ແລະ ວຽກງານໄລຍະໃດໜຶ່ງຈະບໍ່ຈັດກອງປະຊຸມ; ສ້າງລະບຽບການພິຈາລະນາອະນຸມັດຈັດກອງປະຊຸມ, ຕ້ອງໄດ້ຮັບການອະນຸມັດແລ້ວຈຶ່ງໃຫ້ຈັດກອງປະຊຸມໄດ້, ເລຂາຄະນະພັກ ແລະ ທ່ານຕາແສງເຂົ້າຮ່ວມກອງປະຊຸມຕ້ອງຜ່ານການອະນຸມັດຂອງເລຂາຄະນະພັກເມືອງ ແລະ ເຈົ້າເມືອງ.
ວັນທີ 29 ມິຖຸນາ ປີ 1984, ໃນກອງປະຊຸມວຽກງານເສດຖະກິດທົ່ວເມືອງ, ທ່ານສີຈິ້ນຜິງລິເລີ່ມວ່າ: “ເວົ້າສັ້ນ, ຈັດກອງປະຊຸມສັ້ນ, ຢາຍເອກະສານສັ້ນ, ສຳລັບສິ່ງທີ່ສາມາດຕັດສິນໂດຍໄວໄດ້, ກໍບໍ່ຄວນໜິ້ງກັນຮັບຜິດຊອບ; ສຳລັບສິ່ງທີ່ ສາມສີ່ຄົນລົມກັນແບບໜ້າຕໍ່ໜ້າກໍສາມາດຕັດສິນໄດ້ນັ້ນ, ກໍບໍ່ຄວນຊອກຫາຫຼາຍໆຄົນມານັ່ງເຝົ້າຄຽງຂ້າງລ້າໆ; ປະຊຸມເຄິ່ງຊົ່ວໂມງກໍແກ້ໄຂບັນຫາໄດ້ແລ້ວ, ບໍ່ຄວນປະຊຸມຮອດໜຶ່ງຊົ່ວໂມງ.”
ທ່ານລິວເສີງຢົງ ທີ່ເຄີຍເປັນຜູ້ວ່າການຟາມລ້ຽງໄກ່ຂອງເມືອງເຈີ້ງຕິ້ງໃນເວລານັ້ນຫວນຄືນວ່າ: “ຂ້າພະເຈົ້າເປັນກຳມະການປະຈຳຄະນະພັກເມືອງ, ຍັງຈື່ໄດ້ວ່າມີກອງປະຊຸມສະພາປະຊາຊົນເທື່ອໜຶ່ງ, ຂ້າພະເຈົ້ານັ່ງຢູ່ທາງຫຼັງຂອງສະຫາຍສີຈິ້ນຜິງ, ກ່ອນການຜ່ານບົດລາຍງານ, ເພິ່ນໄດ້ເອົາໂມງໃສ່ແຂນໃຫ້ຂ້າພະເຈົ້າ ແລະບອກວ່າ ‘ເບິ່ງເວລາຊ່ວຍເດີ້, ຂ້າພະເຈົ້າຈະກ່າວເຄິ່ງຊົ່ວໂມງ, ບໍ່ໃຫ້ກາຍ 1 ນາທີ’. ຫຼັງຈາກເພິ່ນກ່າວໝົດແລ້ວ, ຂ້າພະເຈົ້າເບິ່ງໂມງ, ກາຍໄປພຽງແຕ່ 10 ກວ່າວິນາທີເທົ່ານັ້ນ.”
ເຖິງວ່າພະນັກງານການນຳໄດ້ຫຼຸດພົ້ນອອກຈາກ “ພູເອກະສານ ແລະ ທະເລ ກອງປະຊຸມ”ແລ້ວກໍຕາມ, ແຕ່ຍັງມີບັນຫາທີ່ພິຈາລະນາແລ້ວແຕ່ບໍ່ຕົກລົງ, ຕົກລົງແລ້ວແຕ່ບໍ່ປະຕິບັດ. ໂດຍສະເພາະພະນັກງານການນຳຢູ່ບາງພາກສ່ວນ, ເຮັດວຽກບໍ່ມີປະສິດທິຜົນ, ແກ່ຍາວເວລາ, ເຊິ່ງເປັນສິ່ງຂີດກວ້າງຕໍ່ການຊຸກຍູ້ວຽກງານທຸກປະການ.
“ປັບປຸງຂັ້ນຕອນເຮັດວຽກໃຫ້ຮັດກຸມ, ຄັດຄ້ານການຖ່ວງດຶງ ແລະ ໜິ້ງກັນຮັບຜິດຊອບວຽກ”. ເດືອນກໍລະກົດປີ 1984, ພາຍໃຕ້ການລິເລີ່ມຂອງທ່ານສີຈິ້ນຜິງ, ທົ່ວເມືອງເຈີ້ງຕິ້ງໄດ້ຈັດກິດຈະກຳ “ເດືອນແຫ່ງປະສິດທິພາບ”.
ທ່ານສີຈິ້ນຜິງສະເໜີອອກຢ່າງຈະແຈ້ງວ່າ: ຄວາມໄວກໍແມ່ນປະສິດທິພາບ, ການປະສານງານກໍແມ່ນປະສິດທິພາບ, ຄວາມຮັດກຸມກໍແມ່ນປະສິດທິພາບ, ການກຳນົດຄວາມຮັບຜິດຊອບຢ່າງຈະແຈ້ງກໍແມ່ນປະສິດທິພາບ, ການທີ່ເກີດຄວາມຜິດພາດໜ້ອຍທີ່ສຸດກໍແມ່ນປະສິດທິພາບ, ເຮັດວຽກອັນໃດກໍສຳເລັດວຽກອັນນັ້ນກໍແມ່ນປະສິດທິພາບ.
ກ່ອນໜ້ານັ້ນ, ຫ້ອງການການຄ້າເມືອງເຈີ້ງຕິ້ງກໍເຄີຍເກີດເຫດການ “ແກ່ຍາວເວລາ”ຢ່າງພົ້ນເດັ່ນ. ສະຫະກອນຈຳໜ່າຍຂັ້ນຮາກຖານ25 ແຫ່ງ ຮີບຮ້ອນຈະເຊັນສັນຍາຮັບເໝົາກັບຫ້ອງການການຄ້າເມືອງ, ແຕ່ຖ່ວງດຶງເວລາຫຼາຍເດືອນແລ້ວ, ເອກະສານສັນຍາຍັງຖືກປະໄວ້ໃນລີ້ນຊັກຂອງຫ້ອງການການຄ້າ, ບໍ່ໄດ້ເຊັນສັນຍາຈັກສະບັບເລີຍ.
ພາຍຫຼັງເມືອງເຈີ້ງຕິ້ງດຳເນີນກິດຈະກຳ “ເດືອນແຫ່ງປະສິດທິພາບ”ແລ້ວ,ຫ້ອງການການຄ້າເມືອງກໍໄດ້ອອກ ແຮງປັບປຸງປົວແປງພະຍາດຊຳເຮື້ອໃນດ້ານແບບແຜນວິທີເຮັດວຽກໂດຍໃຊ້ມາດຕະການຕ່າງໆເຊັ່ນສຳລັບ ຜູ້ທີ່ປະຕິບັດໜ້າທີ່ວຽກງານຢ່າງຊັກຊ້າ,ແກ່ຍາວເວລາຫຼືຕັ້ງແກ້ງບໍ່ປະຕິບັດໜ້າທີ່ວຽກງານນັ້ນຕ້ອງທາວຫາ ຄວາມຮັບຜິດຊອບຂອງຜູ້ກ່ຽວ,ຈົນກວ່າຈະຢຸດການເບີກເງິນອຸດໜູນໃຫ້ແລະຖືກສັບຊ້ອນວຽກງານໃໝ່.ຈາກນັ້ນ, ພະນັກງານໃນຫ້ອງການການຄ້າ30ກວ່າຄົນກໍຮີບຟ້າວໄປພົວພັນວຽກງານຢູ່ສະຫະກອນຈຳໜ່າຍຂັ້ນຮາກຖານ ຕ່າງໆ, ໃຊ້ເວລາພຽງ 2 ມື້ກໍໄດ້ສຳເລັດການເຊັນສັນຍາຮັບເໝົາກັບສະຫະກອນຈຳໜ່າຍຂັ້ນຮາກຖານ 25 ແຫ່ງແລະ ບໍລິສັດ 13 ແຫ່ງຢ່າງຮຽບຮ້ອຍ.
ຄຳເຫັນ
0