ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
(ງານລາຕີສະຫຼອງບຸນກຸດຈີນ 2020 ສະໜອງອາຫານຕາທີ່ສວຍງາມໃຫ້ແກ່ຜູ້ຊົມທົ່ວໂລກ)
(ງານລາຕີສະຫຼອງບຸນກຸດຈີນ 2020 ສະໜອງອາຫານຕາທີ່ສວຍງາມໃຫ້ແກ່ຜູ້ຊົມທົ່ວໂລກ)
ວັນທີ 24 ມັງກອນນີ້ແມ່ນວັນສິ້ນປີເກົ່າຕາມຈັນຕະຄະຕິຂອງຈີນ. ຕອນແລງມື້ດຽວກັນ, ສະຖານີວິທະຍຸໂທລະພາບສູນກາງຈີນໄດ້ຈັດງານລາຕີສະຫຼອງບຸນກຸດຈີນ 2020 ດ້ວຍເຕັກນິກໃໝ່ຫຼາຍຢ່າງເຊັ່ນ 5G ໂດຼນແລະອື່ນໆ ອັນໄດ້ນຳເອົາອາຫານຕາທີ່ປະສົມປະສານດ້ວຍເຕັກນິກກ້າວໜ້າທັນສະໄໝແລະວັດທະນະທຳຫຼາກຫຼາຍສີສັນມາໃຫ້ຜູ້ຊົມໃນທົ່ວໂລກ
ງານລາຕີສະຫຼອງບຸນກຸດຈີນທີ່ສະຖານີວິທະຍຸໂທລະພາບສູນກາງຈີນເປັນຜູ້ຈັດຂຶ້ນປີນີ້ມີການສະແດງເປັນເວລາ 4 ຊົ່ວໂມງປາຍ ລວມມີລາຍການຮ້ອງເພງ, ການເຕັ້ນແລະຟ້ອນ, ການຫຼິ້ນກົນ, ກາຍຍະສິນ, ງິ້ວທ້ອງຖີ່ນຕ່າງໆແລະລະຄອນຕະຫຼົກ ເຊິ່ງສະທ້ອນໃຫ້ເຫັນຍຸກສະໄໝໃໝ່ ແລະສັງຄົມໃນປະຈຸບັນນີ້, ໄດ້ສະແດງໃຫ້ເຫັນຄວາມຮັກແພງຕໍ່ຄອບຄົວ, ຕໍ່ບ້ານເກີດເມືອງນອນ, ແລະສັນລະເສີນປະຊາຊົນກໍ່ຄືປະເທດຊາດ ເຊິ່ງລາຍການທີ່ມີ ຫລາກຫລາຍສີສີທີ່ປະສົມປະສານປະເພນີດັ້ງເດີມແລະຍຸກສະໄຫມ, ກາຍເປັນອາຫານວັດທະນະທຳໃນຄຳຄືນສົ່ງທ້າຍປີເກົ່າ.
ງານລາຕີສະຫຼອງບຸນກຸດຈີນປີນີ້ ໄດ້ຈັດໃຫ້ມີເວທີສະແດງສາມຊັ້ນ, ປະກອບດ້ວຍສາກແລະຈໍໂທລະພາບຮູບວົງຈອນ 360 ອົງສາ, ເຮັດໃຫ້ຜູ້ຊົມຈະໄດ້ເຫັນພາບ 3 ມິຕິຢ່າງງົດງາມ. ພ້ອມກັນນັ້ນ, ມະນຸດກົນຈັກແລະໂດຼນໄດ້ເຂົ້າຮ່ວມການຖ່າຍທອດສົດດ້ວຍເຕັກນິກ VR ເຊິ່ງເຕັກນິກໃໝ່ຫຼາຍຢ່າງເຮັດໃຫ້ງານລາຕີສະຫຼອງບຸນກຸດຈີນປີນີ້ເຕັມໄປດ້ວຍນະວະຕະກຳ ທີ່ໂດດເດັ່ນ.
ນອກຈາກເວທີສະແດງຢູ່ປັກກິ່ງແລ້ວ ປີນີ້ຍັງຈັດເວທີສະແດງຢູ່ເມືອງ ເຈິ້ງໂຈວ ແຂວງເຫີໜານ ພາກກາງຂອງຈີນ ແລະ ເຂດອ່າວໃຫຍ່ກວາງຕຸງ－ຮົງກົງ－ມາກາວຈະສະແດງໃຫ້ເຫັນສິນລະປະທ້ອງຖີ່ນທີ່ມີເອກະລັກພິ ເສດ, ງານລາຕີປີນີ້ຍັງໄດ້ອອກອາກາດຜ່ານທາງຫຼາຍສື່ເຮັດໃຫ້ປະເທດ ຕ່າງໆສາມາດໄດ້ຊົມການຖ່າຍທອດສົດຜ່ານທາງໂທລະພາບແລະອິນ ເຕີແນັດພ້ອມກັນ.
ປີນີ້ ສະຖານີວິທະຍຸໂທລະພາບສູນກາງຈີນຍັງຈະຜະລິດຮູບເງົາສາລະ ຄະດີກ່ຽວກັບງານລາຕີສະຫຼອງບຸນກຸດຈີນ 2020 ແລະຈະອອກອາກາດ ຜ່ານອົງການສື່ມວນຊົນ 500 ກວ່າອົງການຂອງ 170 ກວ່າປະເທດ ເຊັ່ນ ລາວ, ສິງກະໂປ, ມາເລເຊຍ, ໄທ, ອາເມລິກາ, ອັງກິດ, ຍີ່ປຸ່ນ, ຣັດເຊຍ, ເບຼຊິນ, ອາຣາບີຊາອຸດິດ ແລະ ສາຍຢູ່ໂຮງສາຍຮູບເງົາຂອງ 20 ກວ່າປະ ເທດ.
ງານລາຕີສະຫຼອງບຸນກຸດຈີນເລີ່ມມີຂຶ້ນແຕ່ປີ 1983 ເປັນຕົ້ນມາ ເປັນ ງານສະແດງສິນລະປະທີ່ຍິ່ງໃຫຍ່ອາລັງການ ທີ່ຈັດຂຶ້ນໃນຄ່ຳຄືນວັນ ສິ້ນປີເກົ່າຕາມຈັນທະຄະຕິຈີນ. ຕະຫຼອດໄລຍະ 30 ປີມາ, ງານລາຕີນີ້ໄດ້ ກາຍເປັນລາຍການໂທລະພາບທີ່ປະຊາຊົນຈີນທັງປວງຕ້ອງເບິ່ງໃນມື້ສົ່ງ ທ້າຍປີເກົ່າ ແລະໄດ້ຖືກບັນທຶກເຂົ້າສະຖິຕິໂລກປື້ມກິນເນັສ.ໃນມື້ສົ່ງທ້າຍ ປີເກົ່າ, ທຸກຄອບຄົວເຕົ້າໂຮມກັນ, ຫໍ່ເຂົ້າໜົມກ້ຽວ, ເບິ່ງງານລາຕີສະຫຼອງ ກຸດຈີນ, ກິນເຂົ້າແລງທີ່ມີຄວາມສຸກມ່ວນຊື່ນນຳກັນ ແລະມອບຊອງອັງ ເປົ່າໃຫ້ເດັກນ້ອຍໄດ້ກາຍເປັນປະເພນີຍາມບຸນທີ່ສຳຄັນຂອງຈີນແລ້ວ.
ຄຳເຫັນ
0