ຫວ່າງ​ມໍ່ໆ​ມາ​ນີ້, ​ໂດຍ​ແນ​ໃສ່​ແກ້​ໄຂ​ບັນຫາ​ທີ່ການ​ແຜ່​ລະບາດ​ຂອງ​ພະຍາດ​ອັກ​ເສບ​ປອດ​ຈາກ​ເຊື້ອ​ຈຸລະ​ໂລກ​ສາຍ​ພັນ​ໃໝ່NCOV ຮຸນ​ແຮງ​ຂຶ້ນ​ຕື່ມ, ຄະນະ​ປະຈຳ​ກົມ​ການ​ເມືອງ​ສູນ​ກາງ​ພັກ​ກອມ​ມູນິດ​ຈີນ​ໄດ້​ຈັດ​ກອງ​ປະຊຸມ​ສະ​ເພາະ​ເພື່ອຮັບ​ຟັງ​ການ​ລາຍ​ງານ​ວຽກ​ງານປ້ອງກັນ ແລະ ຄວບຄຸມການແຜ່ລະບາດຂອງພະຍາດ, ທັງໄດ້ຄົ້ນຄວ້າ ວາງແຜນ ແລະ ລະດົມຂົນຂວາຍຕື່ມອີກກ່ຽວກັບການປ້ອງກັນ ແລະ ຄວບຄຸມການແຜ່ລະບາດຂອງພະຍາດ ໂດຍສະເພາະແມ່ນການປິ່ນປົວ​ຜູ້​ເປັນ​ພະຍາດ​ດັ່ງກ່າວ. ທ່ານ​ສີ​ຈິ້ນ​ຜິ​ງ ​ເລຂາທິການ​ໃຫຍ່​ຄະນະ​ກຳມະການ​ສູນ​ກາງ​ພັກ​ກອມ​ມູນິດ​ຈີນ​ໄດ້​ເປັນ​ປະທານ​ຂອງ​ກອງ​ປະຊຸມ ​ແລະ ປະກອບ​ຄຳ​ເຫັນ​ທີ່​ສຳຄັນ. ​ໃນ​ຂະນະ​ທີ່​ຫົວລ້ຽວຫົວ​ຕໍ່, ຄວາມ​ເວົ້າ​ທີ່​ອົບ​ອຸ່ນ​ຂອງ​ທ່ານ​ສີ​ຈິ້ນ​ຜິ​ງ​ໄດ້​ເພີ່ມ​ທະວີ​ຄວາມ​ໝັ້ນ​ໃຈ ​ແລະ ຄວາມ​ຕັດສິນ​ໃຈ​ຂອງ​ປະຊາຊົນ​ໃນ​ການ​ເອົາ​ຊະນະ​ບັ້ນ​ ປ້ອງ​ກັນ ​ແລະຄວບຄຸມ​ການ​ແຜ່​ລະບາດ​ຂອງ​ພະຍາດ​ອັກ​ເສບ​ປອດ​ຈາກ​ເຊື້ອ​ຈຸລະ​ໂລກ​ສາຍ​ພັນ​ໃໝ່NCOV.