ຕາມຂ່າວCRI: ໃນເວລາ 11 ໂມງຕອນແລງວັນທີ 31 ມັງກອນນີ້ຕາມເວລານະຄອນຫຼວງລອນດອນ, ອັງກິດໄດ້ຖອນອອກຈາກເອີຣົບຢ່າງເປັນທາງການ, ໄດ້ສິ້ນສຸດຖານະທີ່ເປັນປະເທດສະມາຊິກຂອງສະຫະພາບເອີຣົບເປັນເວລາ 47 ປີ.
ໃນຕອນແລງມື້ດຽວກັນ, ທ່ານໂບຣິສ ໂຈນຊົນ, ນາຍົກລັດຖະມົນຕີອັງກິດກ່າວເນັ້ນໃນເວລາກ່າວປາຖະກະຖາຕໍ່ທົ່ວປະເທດວ່າ, ອັງກິດຈະຮັກສາຄວາມສາມັກຄີແຫ່ງຊາດໃນຂະນະທີ່ຖອນອອກຈາກສະຫະພາບເອີຣົບ.
ທ່ານເຮເຣມີ ໂຄບີນ, ຜູ້ນຳພັກກຳມະກອນເຊິ່ງເປັນພັກຝ່າຍຄ້ານຂອງອັງກິດຮຽກຮ້ອງໃຫ້ອັງກິດບໍ່ຄວນ “ປິດປະຕູອັດຕັນ” ຫຼັງຈາກຖອນອອກຈາກສະຫະພາບເອີຣົບ.
ຢູ່ສະໜາມຫຼວງປາລຽມເມັນດ໌ parliament ນະຄອນຫຼວງລອນດອນ, ຜູ້ສະໜັບສະໜູນອັງກິດຖອນອອກຈາກສະຫະພາບເອີຣົບໄດ້ຊູທຸງແລະຮ້ອງຄຳຂວັນເພື່ອອຳລາຈາກສະຫະພາບເອີຣົບ.
ນັບແຕ່ເວລາ 23 ໂມງວັນທີ 31 ມັງກອນນີ້ເປັນຕົ້ນໄປ, ອັງກິດແລະສະຫະພາບເອີຣົບໄດ້ເຂົ້າສູ່ໄລຍະຂ້າມຜ່ານຂອງການຖອນອອກຈາກສະຫະພາບເອີຣົບ, ເຊິ່ງອັງກິດເສຍຄຸນວຸດທິເປັນປະເທດສະມາຊິກສະຫະພາບເອີຣົບ, ແຕ່ຍັງຕ້ອງເຄົາລົບກົດລະບຽບຂອງສະຫະພາບເອີຣົບ, ຈ່າຍຄ່າງົບປະມານຂອງສະຫະພາບເອີຣົບ. ຕາມການຈັດວາງໃນປັດຈຸບັນນີ້, ໄລຍະຂ້າມຜ່ານຈະສິ້ນສຸດລົງໃນທ້າຍປີນີ້. ຢູ່ໃນໄລຍະນີ້, ສອງຝ່າຍຈະເຈລະຈາກັນກ່ຽວກັບການພົວພັນການຄ້າໃນອະນາຄົດ.
ພາຍຫຼັງອັງກິດຖອນຕົວອອກ, ສະຫະພາບເອີຣົບຍັງມີ 27 ປະເທດສະມາຊິກ.
ຄຳເຫັນ
0