ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມີ້ງຈື ບຸກຄົນຕົວແທນທີ່ສຳຄັນຜູ້ໜຶ່ງຂອງແນວຄິດປັນຊະຍາຂົງຈື້ ໄດ້ກ່າວວ່າ: ເມື່ອທຽບໃສ່ຄຳສັ່ງດຳລັດທີ່ດີແລ້ວ, ການສຶກສາທີ່ດີສາມາດພິຊິດໃຈປະຊາຊົນໄດ້ງ່າຍກວ່າ. ຄັນຊັ້ນ, ການອົບຮົມບົ່ມສອນຈິດໃຈປະຊາຊົນຈະສອນຫຍັງແດ່? ນັ້ນກໍຄືອົບຮົມບົ່ມສອນຈິດໃຈປະຊາຊົນໃຫ້ມີຄຸນທາດຄຸນສົມບັດ,ສອນໃຫ້ປະຊາຊົນມີຄວາມເມດຕາ,ໃຫ້ຮັບຮູ້ກຽດສະຫງ່າແລະຄວາມອັບອາຍ, ໃຫ້ປະຊາຊົນມີຄວາມຊື່ສັດ, ມີຄວາມເຂັ້ມງວດຕໍ່ຕົນເອງ ແລະ ຮູ້ຈະລິຍະທຳ. ທ່ານສີຈິ້ນຜິງກ່າວວ່າ:
“ການສ້າງຄຸນສົມບັດ, ຄວນຕັ້ງອຸດົມການທີ່ສູງສົ່ງກວ້າງໄກ ຍັງຄວນປະຕິບັດໃຫ້ຕິດແທດກັບສະພາບຄວາມເປັນຈິງ, ຄວນຕັ້ງອຸດົມການທີ່ຕອບບຸນແທນຄຸນປະເທດຊາດແລະຮັບໃຊ້ປະຊາຊົນ, ນີ້ຄື ຄຸນສົມບັດທີ່ຍິ່ງໃຫຍ່, ສ້າງຄຸນສົມບັດທີ່ຍິ່ງໃຫຍ່ຈິ່ງຈະສາມາດສ້າງຜົນງານທີ່ຍິ່ງໃຫຍ່ໃຫ້ສຳເລັດໄດ້. ຂະນະດຽວກັນຍັງຕ້ອງເລີ່ມຕົ້ນຈາກການເຮັດສິ່ງເລັກນ້ອຍໃຫ້ດີແລະບໍລິຫານສິ່ງປີຍ່ອຍດ້ານມະລະຍາດໃຫ້ດີ, “ເມື່ອພົບຄວາມດີ,ກໍຈະປະຕິບັດໄປນຳ, ເມື່ອມີຄວາມຜິດກໍຈະແກ້ທັນທີ” ສ້າງຄຸນສົມບັດທາງສັງຄົມ ແລະຄຸນສົມບັດຕົນເອງຢ່າງໜັກແໜ້ນ, ຮຽນຮູ້ການອອກແຮງງານ, ຮຽນຮູ້ຄວາມດຸໝັ່ນ ແລະການປະຢັດ, ຮຽນຮູ້ການຮູ້ບຸນຄຸນ, ຮຽນຮູ້ການຊ່ວຍເຫຼືອຜູ້ອື່ນ,ຮຽນຮູ້ຄວາມຄ່ຽມຄົມອ່ອນນ້ອມຖ່ອມຕົວ,ຮຽນຮູ້ຄວາມໂອບອ້ອມອາລີ,ຮຽນຮູ້ການສຳຫຼວດຕົນເອງ, ແລະເຂັ້ມງວດຕໍ່ຕົວເອງ.
ດັ່ງທີ່ຮູ້ກັນແລ້ວວ່າ ປັດຈຸບັນ,ຈີນໄດ້ກາຍເປັນກຸ່ມເສດຖະກິດໃຫຍ່ອັນດັບສອງຂອງໂລກ, ເມື່ອໄດ້ພັດທະນາຄືແນວນີ້ແລ້ວ, ຈີນໃນຖານະເປັນປະເທດໃຫຍ່ຢູ່ບົນເວທີສາກົນຕ້ອງແບກຫາບໜ້າທີ່ຮັບຜິດຊອບຫຼາຍກວ່າເກົ່າ, ດັ່ງນັ້ນ, ການອົບຮົມບົ່ມສອນຈິດໃຈປະຊາຊົນເປັນສິ່ງທີ່ມີຄວາມໝາຍສຳຄັນຫຼາຍຍິ່ງຂຶ້ນ. ໃນທຸກມື້ນີ້, ການທີ່ອີງໃສ່ວັດທະນະທຳຈີນທີ່ມີມູນເຊື້ອອັນດີງາມ, ການອົບຮົມບົ່ມສອນແລະປະຕິບັດຕາມຄ່ານິຍົມແກນກາງສັງຄົມນິຍົມ ເຊິ່ງເປັນການສະແດງໃຫ້ເຫັນເຖິງການອົບຮົມບົ່ມສອນຈິດໃຈປະຊາຊົນໃຫ້ມີຄຸນສົມບັດໃນຍຸກໃໝ່.
ທ່ານສີຈິ້ນຜິງກ່າວໃນໂອກາດພົບປະໂອ້ລົມກັບນັກສຶກສາແລະຄູອາຈານມະຫາວິທະຍາໄລປັກກິ່ງເມື່ອວັນທີ 4 ພຶດສະພາປີ2014
ຄຳເວົ້າຂອງທ່ານສີຈິ້ນຜິງກ່າວໃນໂອກາດພົບປະໂອ້ລົມກັບນັກສຶກສາແລະຄູອາຈານມະຫາວິທະຍາໄລປັກກິ່ງ ເມື່ອວັນທີ 4 ພຶດສະພາປີ2014. ໃນນີ້, ທ່ານສີຈິ້ນຜິງໄດ້ຍົກເອົາສຳນວນອະມະຕະໃນຕຳລາບູຮານຈີນ ຄືຄຳວ່າ “ຈ້ຽນຊ້ານເຈີຊຽນ ໂຢໂກວເຈີກາຍ” ແປວ່າ: “ເມື່ອພົບຄວາມດີ,ກໍຈະປະຕິບັດໄປນຳ, ເມື່ອມີຄວາມຜິດກໍຈະແກ້ທັນທີ” ຄຳນີ້ໄດ້ບັນທຶກໄວ້ໃນ ປຶ້ມ “ໂຈ່ວຢີ້” ເຊິ່ງໄດ້ຄັດຈາກຄຳເດີມທີ່ວ່າ “ຈຸ່ນຈືຢີ ຈ້ຽນຊ້ານເຈີຊຽນ ໂຢໂກວເຈີກາຍ” ແປວ່າ “ຜູ້ທີ່ມີຄຸນສົມບັດ ເມື່ອພົບຄວາມດີ,ກໍຈະປະຕິບັດໄປນຳ, ເມື່ອມີຄວາມຜິດກໍຈະແກ້ທັນທີ”, ນີ້ໄດ້ໝາຍເຖິງເຫດຜົນຂອງການສ້າງຄຸນສົມບັດໃຫ້ຕົນເອງ, ຄື ຄົນເຮົາຄວນເຮັດແນວໃດຈິ່ງຈະເປັນຄົນທີ່ດີກວ່າເກົ່າ. ເວົ້າໃນທຸກມື້ນີ້ກໍຄື ເຮັດແນວໃດຈິ່ງຈະເປັນພົນລະເມືອງທີ່ດີ? ສິ່ງທີ່ຄວນເຮັດກໍຄື ເມື່ອເຮົາສັງເກດເຫັນວ່າ ຕົນເອງດ້ອຍກວ່າຜູ້ອື່ນຢູ່ບ່ອນໃດແລະບ່ອນໃດທີ່ຜູ້ອື່ນເດັ່ນກວ່າເຮົາ, ເຮົາກໍຄວນຮ່ຳຮຽນນຳເຂົາ ໂດຍພະຍາຍາມຫຍັບມໍ່ເຂົ້າໃກ້ສິ່ງທີ່ດີກວ່ານັ້ນໃຫ້ຫຼາຍຂຶ້ນ, ນັ້ນກໍຄື “ຈ້ຽນຊ້ານເຈີຊຽນ” ແປວ່າ ເມື່ອພົບຄວາມດີ,ກໍຈະປະຕິບັດໄປນຳ. ອີກຢ່າງ, ເມື່ອເຮົາສັງເກດເຫັນວ່າ ມີສິ່ງໃດທີ່ເຮົາເຮັດຜິດ, ມີສິ່ງໃດທີ່ເຮັດບໍ່ໄດ້ດີເທົ່າທີ່ຄວນ, ເຮົາຄວນເຮັດແນວໃດ? ເຮົາກໍຕ້ອງດັດແປງແນ່ນອນ, ບໍ່ຄວນຢ້ານການດັດແປງຄວາມຜິດ ຄືດັ່ງຄຳທີ່ວ່າ “ຈ້ຽນຊ້ານເຈີຊຽນ ໂຢໂກວເຈີກາຍ”ແປວ່າ: “ເມື່ອພົບຄວາມດີ,ກໍຈະປະຕິບັດໄປນຳ, ເມື່ອມີຄວາມຜິດກໍຈະແກ້ທັນທີ” ເມື່ອເຮັດແນວນັ້ນຈິ່ງຈະມີຄວາມກ້າວໜ້າຢ່າງບໍ່ຢຸດຢັ້ງແລະຈິ່ງຈະສາມາດເປັນຜູ້ທີ່ມີຄຸນສົມບັດ. ຄັນເວົ້າສະເພາະປັດຈຸບັນກໍແມ່ນ ເມື່ອເຮັດແນວນັ້ນເຮົາຈິ່ງສາມາດກາຍເປັນພົນລະເມືອງທີ່ໄດ້ມາດຕະຖານແລະເປັນພົນລະເມືອງທີ່ດີກວ່າເກົ່າ.
ສະຫຼຸບແລ້ວ, ຄຳວ່າ “ຈ້ຽນຊ້ານເຈີຊຽນ ໂຢໂກວເຈີກາຍ” ຍັງສາມາດອະທິບາຍໃຫ້ເປັນຄວາມໝາຍ 3 ດ້ານ ຄື
ໜຶ່ງ: ພວກເຮົາຕ້ອງຍຶດຖືຈິດໃຈທີ່ສະແຫວງຫາຄວາມກ້າວໜ້າແລະບໍ່ຄວນພໍໃຈນຳຕົວເອງຕະຫຼອດໄປ. ບໍ່ວ່າຈະເປັນ “ຈ້ຽນຊ້ານເຈີຊຽນ”，ເມື່ອພົບຄວາມດີ,ກໍຈະປະຕິບັດໄປນຳ,ກໍຄື “ໂຢໂກວເຈີກາຍ” ເມື່ອມີຄວາມຜິດກໍຈະແກ້ທັນທີ” ລ້ວນແຕ່ໝາຍຄວາມວ່າ ເຮົາຕ້ອງມີຄວາມກ້າວໜ້າ,ເຮົາຕ້ອງຝຶກຝົນຫຼໍ່ຫຼອມຕົນເອງໃຫ້ດີກວ່າເກົ່າ,ຈົບງາມກວ່າເກົ່າ.
ຄວາມໝາຍ ອັນທີສອງ ຄື ທຸກໆຄົນຕ້ອງຝຶກຝົນຕົນເອງດ້ວຍຄວາມມານະອົດທົນເພື່ອສຳຫຼວດຕົນເອງ, ປັດຊະຍາຂົງຈືສົ່ງເສີມໃຫ້ “ອູຢື້ຊ່ານສິ້ງອູເຊີນ” ແປວ່າ ແຕ່ລະມື້ເຮົາໄດ້ສຳຫຼວດຕົນເອງຫຼາຍເທື່ອ, ໃນນີ້ ຄຳວ່າ “ສິ້ງ” ກໍໝາຍຄວາມວ່າ ສຳຫຼວດກວດກາຕົນເອງ. ເມື່ອເຮົາສຳຫຼວດຕົນເອງຢູ່ສະເໝີຈິ່ງຈະມີຄວາມກ້າວໜ້າໄດ້ຢ່າງບໍ່ຢຸດຢັ້ງ.
ຄວາມໝາຍອັນທີ 3 ກໍຄື: “ຈ້ຽນຊ້ານເຈີຊຽນ”，ໝາຍຄວາມວ່າ ເມື່ອເຮົາສັງເກດເຫັນຄົນທີ່ດີກວ່າເຮົາຫຼືສິ່ງທີ່ດີກວ່າ, ເຮົາຄວນຄົ້ນຄຶດວ່າ ຕ້ອງປະຕິບັດແນວໃດເພື່ອເຮັດໃຫ້ໄດ້ແບບທີ່ເຮົາເຫັນຜູ້ອື່ນທີ່ມີທັງຄວາມຮູ້ຄວາມສາມາດແລະມີຄຸນສົມບັດ,ກໍຖືເພິ່ນເປັນແບບຢ່າງໃນການຮ່ຳຮຽນໃຫ້ທ່ວງທັນເພິ່ນ. ສະນັ້ນ,ພວກເຮົາສາມາດສັງເກດເຫັນວ່າ ບັນດານັກຮຽນຮູ້ປັນຊາຊົນທີ່ດີເດັ່ນທີ່ສຸດໃນສະໄໝບູຮານຈີນນັ້ນ, ເຂົາເຈົ້າສາມາດຮ່ຳຮຽນຈາກການອ່ານໜັງສືໂດຍເຊື່ອມຊຶມເອົາຄວາມຮູ້ເຂົ້າໃນກະດູກແລະສາຍເລືອດຂອງຕົນໄດ້ ແລະສາມາດນຳເອົາຄວາມຮູ້ເຫດຜົນທີ່ຕົນຮຽນມາຈາກປຶ້ມນັ້ນນຳໃຊ້ໃນການປະພຶດຕົວຈິງ ທັງສົ່ງຜົນສະທ້ອນທີ່ດີໃຫ້ແກ່ສັງຄົມ. ເຂົາເຈົ້າຊ່າງສຳຫຼວດຕົນເອງທີ່ສຸດ,ກ້າດັດແປງຄວາມຜິດຂອງຕົນ, ສາມາດນຳເອົາຄວາມຮູ້ທິດສະດີປະສົມປະສານເຂົ້າໃນການປະພຶດຕົວຈິງ ເພື່ອຝຶກຝົນຫຼໍ່ຫຼອມຕົນເອງໃຫ້ໄດ້ຮັບຄວາມກ້າວໜ້າຢ່າງບໍ່ຢຸດຢັ້ງ. ສັງຄົມທຸກມື້ນີ້ພັດທະນາຢ່າງວ່ອງໄວ, ໃນດ້ານວິທະຍາສາດເຕັກໂນໂລຊີ,ດ້ານວັດຖຸແລະດ້ານຄວາມຮູ້, ພວກເຮົາຄວນພາກພູມໃຈທີ່ສາມາດລື່ນຄົນບູຮານຢ່າງຫຼວງຫຼາຍ ເພາະວ່າ ໃນດ້ານເຫຼົ່ານີ້ພວກເຮົາເກັ່ງກວ່າຄົນບູຮານຫຼາຍ. ແຕ່ວ່າໃນດ້ານຈິດໃຈ, ທິດທາງທີ່ຄົນບູຮານຊີ້ບອກໃຫ້ມີຄວາມກ້າວໜ້າເຫຼົ່ານີ້ແມ່ນຄວນຖອດຖອນເປັນບົດຮຽນ ທັງເປັນບົດຮຽນທີ່ບໍ່ມີເທື່ອໃດວ່າຈະຫຼ້າຫຼັງຍຸກສະໄໝ.
ຖ້າວ່າພວກເຮົາຊ່າງສຳຫຼວດຕົນເອງແລະກ້າດັດແປງຄວາມຜິດ, ພວກເຮົາກໍຈະກາຍເປັນຄົນທີ່ມີຄຸນສົມບັດ.ຄົນເຮົາປາຖະໜາແລະສະແຫວງຫາຊີວິດທີ່ດີງາມແລະຊີວິດທີ່ມີຄຸນສົມບັດນັ້ນບໍ່ວ່າໃນສະໄໝບູຮານກໍຄືໃນທຸກມື້ນີ້ ມັນເປັນເອກະພາບກັນ.ກໍຄືດັ່ງຄຳບູຮານກ່າວວ່າ: ຄຸນສຸມບັດບໍ່ໄດ້ໄກຈາກຄົນເຮົາ, ຫາກເປັນຄົນທີ່ມີຄຸນສົມບັດແລ້ວແນ່ນອນຕ້ອງມີຄົນທີ່ມີອຸດົມການດຽວກັນເຂົ້າມາໃກ້ເປັນໝູ່.
ຈີນໃນປັດຈຸບັນ, ການອົບຮົມບົ່ມສອນຈິດໃຈປະຊາຊົນກໍສະແດງໃຫ້ເຫັນຢ່າງໂດດເດັ່ນໃນການອົບຮົມບົ່ມສອນແລະການປະຕິບັດຕາມ ຄ່ານິຍົມແກນກາງສັງຄົມນິຍົມ： ຮັ່ງມີເຂັ້ມແຂງ、ປະຊາທິປະໄຕ、ສີວິໄລ、ກົມກຽວປອງດອງ，ເສລີພາບ、ສະເໝີພາບ、ຍຸຕິທຳ、ລະບຽບກົດໝາຍ，ຮັກຊາດ、ຈັນຍາບັນ、 ຊື່ສັດ、ເປັນມິດ.
ກ່ອນວັນເດັກນ້ອຍສາກົນ 1 ມິຖຸນາ 2014 ໃກ້ຈະວຽນມາເຖິງ, ທ່ານສີຈິ້ນຜິງໄດ້ເດີນທາງໄປຢ້ຽມຢາມໂຮງຮຽນປະຖົມຊົນເຜົ່າເມືອງໄຮຕ້ຽນນະຄອນຫຼວງປັກກິ່ງ
ກ່ອນວັນເດັກນ້ອຍສາກົນ 1 ມິຖຸນາ 2014 ໃກ້ຈະວຽນມາເຖິງ, ທ່ານສີຈິ້ນຜິງໄດ້ເດີນທາງໄປຢ້ຽມຢາມໂຮງຮຽນປະຖົມຊົນເຜົ່າເມືອງໄຮຕ້ຽນນະຄອນຫຼວງປັກກິ່ງໂດຍໄດ້ໂອ້ລົມແລະແລກປ່ຽນກັບຄູແລະນັກຮຽນກ່ຽວກັບການອົບຮົມບົ່ມສອນແລະປະຕິບັດຕາມຄ່ານິຍົມແກນກາງສັງຄົມນິຍົມມາແຕ່ນ້ອຍຢ່າງຕັ້ງໜ້າ. ໃນໂອກາດດັ່ງກ່າວ, ທ່ານສີຈິ້ນຜິງໄດ້ສະເໜີວ່າ ຢາກອົບຮົມບົ່ມສອນແລະປະຕິບັດຕາມຄ່ານິຍົມແກນກາງສັງຄົມນິຍົມ ກໍຕ້ອງຈົດຈຳຄຳວ່າ “ຈື່ຈຳຄວາມຮຽກຮ້ອງ,ຕັ້ງແບບຢ່າງໃນໃຈ,ເຮັດມາແຕ່ນ້ອຍແລະຮັບເອົາການຊ່ວຍເຫຼືອ.” ສຸດທ້າຍ, ທ່ານສີຈິ້ນຜິງຍັງກ່າວວ່າ: ການບົ່ມສ້າງຄຸນສົມບັດນ້ອຍສາມາດສ້າງຕົວໃຫ້ເປັນຄົນທີ່ມີຄຸນສົມບັດໃຫຍ່, ຄວນຈາລຶກເນື້ອໃນພື້ນຖານຂອງຄ່ານິຍົມແກນກາງສັງຄົມນິຍົມໄວ້ໃນໃຈຢ່າງໜັກແໜ້ນເພື່ອຫວ່ານແນວພັນແຫ່ງຄ່ານິຍົມແກນກາງສັງຄົມນິຍົມຢູ່ໃນໃຈຂອງນັກຮຽນເພື່ອໃຫ້ເກີດຮາກ,ແຕກດອກອອກຜົນ.
ຄຳວ່າ ຄຸນສົມບັດ ມັນມີຄຸນສົມບັດໃຫຍ່ແລະຄຸນສົມບັດນ້ອງ, ສ່ວນຄ່ານິຍົມແກນກາງສັງຄົມນິຍົມກໍເປັນຄຸນສົມບັດຢ່າງໜຶ່ງ ເຊິ່ງເປັນຄຸນສົມບັດຂອງຕົນເອງ ທັງເປັນຄຸນສົມບັດທາງສັງຄົມແລະສິນທຳຂອງຊາດ. ເວົ້າສຳລັບປະເທດໜຶ່ງຫຼືຊົນຊາດໜຶ່ງແລ້ວ, ພະລັງແຮງທີ່ຍືນຍົງທີ່ສຸດ,ກວ້າງຂວາງທີ່ສຸດແລະເລິກເຊິ່ງທີ່ສຸດໄດ້ແກ່ຄ່ານິຍົມແກນກາງທີ່ທົ່ວປວງຊົນຍອມຮັບ,ເຄົາລົບແລະປະຕິບັດຮ່ວມກັນ.
ຄຳເຫັນ
0