ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັດທະນະທຳທີ່ມີມູນເຊື້ອຂອງຈີນໃຫ້ຄວາມສຳຄັນຫຼາຍທີ່ສຸດຕໍ່ເລື່ອງການສ້າງຄຸນສົມບັດໃຫ້ຕົນເອງ. ຢູ່ຈີນ, ເມື່ອເວົ້າເຖິງເລື່ອງການຄັດເລືອກຄົນແລະການໃຊ້ຄົນ ຕ້ອງເປັນຄົນທີ່ມີທັງຄວາມຮູ້ຄວາມສາມາດແລະມີຄຸນສົມບັດ, ໃນນັ້ນ, ຄຸນສົມບັດຕ້ອງໄປກ່ອນ. ບໍ່ວ່າຈະເປັນສ່ວນບຸກຄົນ, ຄອບຄົວຫຼືປະເທດ, ຕ້ອງເປັນດັ່ງຄຳບູຮານທີ່ວ່າ ຄົນທີ່ມີຄຸນສົມບັດ ບໍ່ມີຄວາມໂດດດ່ຽວປ່ຽວພອຍ ແນ່ນອນຕ້ອງມີຄົນທີ່ມີອຸດົມການດຽວກັນ ເຂົ້າມາໃກ້ເປັນໝູ່.ຕໍ່ໄປຈະອະທິບາຍ ສຳນວນອະມະຕະໃນຕຳລາບູຮານຈີນທີ່ທ່ານສີຈິ້ນຜິງຍົກໃຫ້ເຫັນໃນເວລາຊີ້ແຈງທັດສະນະທີ່ສຳຄັນຕ່າງໆນັ້ນເພື່ອເຂົ້າໃຈແລະເຊື່ອມຊຶມເນື້ອໃນຈິດໃຈຂອງທັດນະນະຂອງທ່ານສີຈິ້ນຜິງກ່ຽວກັບການສ້າງຄຸນສົມບັດໃຫ້ຕົນເອງໃນຍຸກໃໝ່.
ທ່ານສີຈິ້ນຜິງໃຫ້ຄວາມສຳຄັນສູງຕໍ່ການສ້າງຄຸນສົມບັດ, ຄັນຊັ້ນ, ຄວນສ້າງຄຸນສົມບັດຫຍັງແດ່? ທ່ານສີຈິ້ນຜິງເຄີຍກ່າວໄວ້ວ່າ: ຄ່ານິຍົມແກນກາງສັງຄົມນິຍົມຄື： ຮັ່ງມີເຂັ້ມແຂງ、ປະຊາທິປະໄຕ、ສີວິໄລ、ກົມກຽວປອງດອງ，ເສລີພາບ、ສະເໝີພາບ、ຍຸຕິທຳ、ລະບຽບກົດໝາຍ，ຮັກຊາດ、ຈັນຍາບັນ、 ຊື່ສັດ、ເປັນມິດ。ທີ່ຈິງແລ້ວ, ຄ່ານິຍົມແກນກາງສັງຄົມນິຍົມກໍເປັນຄຸນສົມບັດຢ່າງໜຶ່ງ ເຊິ່ງເປັນຄຸນສົມບັດຂອງຕົນເອງ ທັງເປັນຄຸນສົມບັດໃຫຍ່ ຄືຄຸນສົມບັດທາງສັງຄົມແລະສິນທຳຂອງຊາດ. ຄັນຊັ້ນ, ເຮົາຄວນສ້າງຄຸນສົມບັດແນວໃດ? ທ່ານສີຈິ້ຜິງເຄີຍກ່າວໄວ້ວ່າ: “ຄວນເລີ່ມຕົ້ນຈາກຕົນເອງ,ເລີ່ມຕົ້ນຈາກສິ່ງອ້ອມໂຕ, ເຮັດຈາກສິ່ງນ້ອຍໆ, ສະສົມເທື່ອລະເລັກເທື່ອລະໜ້ອຍ,ຝຶກຝົນຫຼໍ່ຫຼອມສ້າງໃຫ້ເປັນແນວຄິດທີ່ດີ ຄຸນສົມບັດທີ່ດີ.”
ກ່ຽວກັບຄຳວ່າ ເປັນຫຍັງຈິ່ງຕ້ອງສ້າງຄຸນສົມບັດ, ທ່ານສີຈິ້ນຜິງໄດ້ກ່າວວ່າ: “ໂກວອູເຕີປູ້ຊິງ,ເຢີນອູເຕີປູ້ລີ້” ແປວ່າ “ຊາດໃດໜຶ່ງຖ້າບໍ່ມີສິນທຳກໍຈະບໍ່ມີຄວາມຈະເລີນ,ຄົນໃດໜຶ່ງຖ້າບໍ່ມີຄຸນສົມບັດກໍຈະບໍ່ສາມາດຍືນຍົງຄົງຕົວໃນສັງຄົມໄດ້” ຄຳວ່າ “ຊາດໃດໜຶ່ງຖ້າບໍ່ມີສິນທຳກໍຈະບໍ່ມີຄວາມຈະເລີນ” ກໍໝາຍຄວາມວ່າ ສິນທຳມີຄຸນຄ່າແລະຄວາມໝາຍສຳຄັນຕໍ່ປະເທດໜຶ່ງ,ຊົນຊາດໜຶ່ງແລະສັງຄົມໜຶ່ງ. ພວກເຮົາຮູ້ດີແລ້ວວ່າ ໃນປະເທດໃດໜຶ່ງ,ຊົນຊາດໃດໜຶ່ງແລະສັງຄົມໃດໜຶ່ງຈະມີຄ່ານິຍົມແລະທັດສະນະຄຸນຄ່າທີ່ແຕກຕ່າງກັນຫຼາກຫຼາຍຮູບແບບ, ບາງຢ່າງຈົນ ຂັດແຍ້ງກັນແລະປະທັນກັນ, ຕົວຢ່າງເຊັ່ນ ທັດສະນະຄວາມຮັກ, ທັດສະນະເງິນຄຳເຫຼົ່ານີ້ເປັນຕົ້ນ. ແຕ່ວ່າ ສັງຄົມໜຶ່ງຢາກມີສະຖຽນລະພາບ,ມີຄວາມກົມກຽວປອງດອງແລະມີການພັດທະນາ ກໍຕ້ອງມີຄ່ານິຍົມແກນກາງຮ່ວມຢ່າງໜຶ່ງ. ຕໍ່ກັບເລື່ອງນີ້, ທ່ານສີຈິ້ນຜິງເຄີຍກ່າວວ່າ: “ຖ້າວ່າ ຊົນຊາດໜຶ່ງ,ປະເທດໜຶ່ງຫາກບໍ່ມີຄ່ານິຍົມແກນກາງຮ່ວມ, ຕ່າງຄົນຕ່າງຖືຄ່ານິຍົມໃຜລາວ, ການປະພຶດຕົວບໍ່ມີຫຼັກອ້າງອີງ, ດັ່ງນັ້ນ, ຊົນຊາດນີ້ແລະປະເທດນີ້ກໍຈະບໍ່ສາມາດກ້າວເດີນໄປ ໜ້າໄດ້ແນ່ນອນ.”
“ເຢີນອູເຕີປູ້ລີ້” ໝາຍຄວາມວ່າ ຄົນໃດໜຶ່ງຖ້າບໍ່ມີຄຸນສົມບັດກໍຈະບໍ່ສາມາດຍືນຍົງຄົງຕົວໃນສັງຄົມໄດ້, ໂດຍໄດ້ເນັ້ນວ່າ ຄຸນສົມບັດມີຄຸນຄ່າແລະຄວາມໝາຍສຳຄັນຕໍ່ການພັດທະນາແລະຄວາມກ້າວໜ້າຂອງຄົນໜຶ່ງ. ໃນປີ 2004, ໄລຍະທີ່ທ່ານສີຈິ້ນຜິງດຳລົງຕຳແໜ່ງເປັນເລຂາຄະນະພັກແຂວງເຈີ້ຈ່ຽງ, ທ່ານກໍໄດ້ ຊີ້ແຈງຢ່າງເລິກເຊິ່ງທີ່ສຸດຕໍ່ກັບບັນຫານີ້, ທ່ານກ່າວວ່າ: “ເຢິນເອີອູເຕີ ສິງຈື່ປູ້ຢວນ” ແປວ່າ ຄົນທີ່ບໍ່ມີຄຸນສົມບັດຈະບໍ່ສາມາດໄປໄກໄດ້. ໝາຍຄວາມວ່າ ຄົນຄົນໜຶ່ງຫາກບໍ່ມີຄຸນທາດຄຸນສົມບັດທີ່ດີແລະແນວຄິດທີ່ດີ, ເຖິງຈະມີຄວາມຮູ້ທີ່ເລິກເຊິ່ງແລະກວ້າງໄກກໍຕາມ ກໍ ຍາກທີ່ຈະເປັນຜູ້ທີ່ສາມາດແບກຫາບພາລະໜ້າທີ່ສ້າງພາລະກິດທີ່ຍິ່ງໃຫຍ່ໄດ້. ຄົນບູຮານຈີນກໍເນັ້ນ “ 3 ອະມະຕະ “ຄື “ສ້າງຄຸນສົມບັດ, ສ້າງຄຸນງາມຄວາມດີແລະສ້າງທິດສະດີ”. ຈາກນີ້ສາມາດເຫັນໄດ້ວ່າ: ການສ້າງຄຸນສົມບັດແມ່ນຢູ່ໃນອັນດັບໜຶ່ງ, ເຊິ່ງເປັນການເນັ້ນໜັກວ່າ ຄຸນສົມບັດມີບົດບາດພື້ນຖານທີ່ເປັນປະຖົມປັດໄຈໃນການເຮັດວຽກແລະການຮຽນຄວາມຮູ້. ສ່ວນຄຳວ່າ “ໂກວອູເຕີປູ້ຊິງ,ເຢີນອູເຕີປູ້ລີ້” ແປວ່າ “ຊາດໃດໜຶ່ງຖ້າບໍ່ມີສິນທຳກໍຈະບໍ່ມີຄວາມຈະເລີນ,ຄົນໃດໜຶ່ງຖ້າບໍ່ມີຄຸນສົມບັດກໍຈະບໍ່ສາມາດຍືນຍົງຄົງຕົວໃນສັງຄົມໄດ້” ທ່ານສີຈິ້ນຜິງຍັງມີຄຳຊີ້ແຈງທີ່ໜ້າປະທັບໃຈຄື:
“ແຕ່ລະຍຸກສະໄໝຕ່າງກໍມີຈິດໃຈຂອງຍຸກນັ້ນ, ແຕ່ລະຍຸກສະໄໝຕ່າງກໍມີທັດສະນະຄຸນຄ່າຂອງຍຸກນັ້ນ. ປະເທດໜຶ່ງມີສີ່ຫຼັກການຈະລິຍະທຳຄື ມະລະຍາດ, ຍຸຕິທຳ, ຄວາມປອດໃສຂາວສະອາດ ແລະ ຮູ້ຈັກລະອາຍ, ຖ້າວ່າ ສີ່ຫຼັກການຈະລິຍະທຳ ບໍ່ໄດ້ຮັບການປະຕິບັດ, ປະເທດນັ້ນກໍຈະດັບສູນ. ນີ້ຄື ຄວາມຮັບຮູ້ຂອງບັນພະບຸລຸດຊົນຊາດຈີນທີ່ມີຕໍ່ຄ່ານິຍົມແກນກາງໃນສະໄໝບູຮານ. ຢູ່ຈີນປັດຈຸບັນ, ຊາດເຮົາແລະປະເທດເຮົາຄວນຍຶດຖືແລະຮັກສາຄ່ານິຍົມແກນກາງແບບໃດ? ບັນຫານີ້ເປັນບັນຫາທິດສະດີ ທັງເປັນບັນຫາກ່ຽວກັບ ພຶດຕິກຳຕົວຈິງ.ພວກເຮົາສະເໜີໃຫ້ສົ່ງເສີມ ຮັ່ງມີເຂັ້ມແຂງ、ປະຊາທິປະໄຕ、ສີວິໄລ、ກົມກຽວປອງດອງ，ເສລີພາບ、ສະເໝີພາບ、ຍຸຕິທຳ、ລະບຽບກົດໝາຍ，ຮັກຊາດ、ຈັນຍາບັນ、 ຊື່ສັດ、ເປັນມິດ, ສົ່ງເສີມໃຫ້ຕັ້ງໜ້າອົບຮົມບົ່ມສອນແລະປະຕິບັດຄ່ານິຍົມແກນກາງສັງຄົມນິຍົມ. ໃນນີ້, ຮັ່ງມີເຂັ້ມແຂງ、ປະຊາທິປະໄຕ、ສີວິໄລ、ກົມກຽວປອງດອງ ເປັນຄວາມຮຽກຮ້ອງດ້ານຄຸນຄ່າລະດັບຊາດ, ເສລີພາບ、ສະເໝີພາບ、ຍຸຕິທຳ、ລະບຽບກົດໝາຍ ເປັນຄວາມຮຽກຮ້ອງດ້ານຄຸ່ນຄ່າລະດັບສັງຄົມ; ຮັກຊາດ、ຈັນຍາບັນ、 ຊື່ສັດ、ເປັນມິດ ເປັນຄວາມຮຽກຮ້ອງດ້ານຄຸນຄ່າລະດັບພົນລະເມືອງ. ຄວາມຈິງແລ້ວ, ບົດສະຫຼຸບນີ້ໄດ້ໃຫ້ຄຳຕອບຕໍ່ກັບບັນຫາສຳຄັນອັນໜຶ່ງຄື ພວກເຮົາຄວນສ້າງປະເທດແບບໃດ? ສ້າງສັງຄົມແບບໃດ? ແລະຄວນບຳລຸງກໍ່ສ້າງພົນລະເມືອງແບບໃດ? ”
ທ່ານສີຈິ້ນຜິງໄດ້ຢ້ຽມຢາມແລະໂອ້ລົມສົນທະນາກັບນັກສຶກສາແລະຄູອາຈານຂອງມະຫາວິທະຍາໄລປັກກິ່ງໃນວັນທີ 4 ພຶດສະພາປີ 2014.
ນີ້ຄືຄຳເວົ້າວັກໜຶ່ງທີ່ຄັດຈາກການປະກອບຄຳເຫັນຂອງທ່ານສີຈິ້ນຜິງທີ່ກ່າວໃນໂອກາດໂອ້ລົມສົນທະນາກັບນັກສຶກສາແລະຄູອາຈານຂອງມະຫາວິທະຍາໄລປັກກິ່ງໃນວັນທີ 4 ພຶດສະພາ ທີ່ເປັນວັນຊາວໜຸ່ມຂອງຈີນເມື່ອປີ 2014. ໃນຄວາມເວົ້າດັ່ງກ່າວ, ທ່ານສີຈິ້ນຜິງໄດ້ບັນລະຍາຍໂດຍຍົກເອົາຄຳບູຮານຂອງຈີນຄື “ຊື້ເວີຍປູ້ຈ່າງ,ໂກວໜາຍເມ້ວາງ” ເຊິ່ງຄຳນີ້ບັນທຶກໄວ້ໃນປຶ້ມກວນຈື ເຊິ່ງເປັນຕຳລາອະມະຕະທີ່ມີຊື່ສຽງໃນສະໄໝບູຮານຈີນ, ຄຳວ່າ 四维 ກໍໝາຍເຖິງ 4 ຫຼັກການໃຫຍ່ໃນການບໍລິຫານປະເທດ ຄື ມະລະຍາດ, ຍຸຕິທຳ, ຄວາມປອດໃສຂາວສະອາດ ແລະ ຮູ້ຈັກລະອາຍ, ໃນນີ້, ມາລະຍາດ ກໍໝາຍເຖິງຫຼັກການກົດໝາຍແລະຈະລິຍະທຳທີ່ຄົນໃນສັງຄົມຄວນເຄົາລົບແລະປະຕິບັດຮ່ວມກັນ. ຄຳວ່າ ຍຸຕິທຳ ກໍໝາຍເຖິງ ຄວາມທ່ຽງທຳ,ຄວາມເປັນທຳ, ເປັນຫຼັກການຈະລິຍະທຳ ທັງເປັນພື້ນຖານຂອງຄຸນສົມບັດ. ໃນປຶ້ມກວນຈື, ຄຳວ່າ ຍຸຕິທຳ ຍັງມີຄວາມໝາຍວ່າ ອ່ອນນ້ອມຖ່ອມຕົວແລະເສຍສະຫຼະ, ໝາຍຄວາມວ່າ ຈະສະກັດກັ້ນຕັນຫາຂອງຕົວເອງ ເພື່ອມອບໂອກາດໃຫ້ຜູ້ອື່ນຫຼາຍກວ່າເກົ່າ. ຄຳວ່າ ປອດໃສຂາວສະອາດ ກໍໝາຍເຖິງ ຍຸຕິທຳ, ບໍລິສຸດ,ບໍ່ອວດອົ່ງທະນົງຕົວ, ບໍ່ໂລບມາກໂລພາ, ບໍ່ປິດບັງສິ່ງອັບປະມຸງຄຸນແລະຊົ່ວຮ້າຍທຸກຢ່າງ, ເປັນທີ່ປອດໂປ່ງ,ຍຸຕິທຳແລະຊື່ກົງ. ຄຳວ່າ ຮູ້ຈັກລະອາຍ ກໍເຂົ້າໃຈໄດ້ງ່າຍ ກໍໝາຍຄວາມວ່າ ຄວນມີຄວາມຮູ້ສຶກລະອາຍ,ບໍ່ຄວນປ່ອຍປະໃຫ້ກະທຳຄວາມຊົ່ວຮ້າຍ. ເມື່ອໃດຂາດ 4 ຫຼັກການໃຫຍ່ນີ້ໄປແລ້ວ, ປະເທດກໍຈະຕົກຢູ່ໃນສະພາບອັນຕະລາຍ. ຫາກເມື່ອໃດ 4 ຫຼັກການໃຫຍ່ນີ້ຖືກຍົກເລີກໄປໝົດ, ປະເທດກໍອາດຈະຜະເຊີນໜ້າກັບສະພາບການທີ່ຈະຖືກດັບສູນ. ອັນນີ້ລະ ຄືຄວາມໝາຍເດີມຂອງຄຳວ່າ“ຊື້ເວີຍປູ້ຈ່າງ,ໂກວໜາຍເມ້ວາງ” ແປວ່າ ຖ້າວ່າ ສີ່ຫຼັກການຈະລິຍະທຳ ບໍ່ໄດ້ຮັບການປະຕິບັດ, ປະເທດນັ້ນກໍຈະດັບສູນ.
ແຕ່ລະຍຸກສະໄໝຕ່າງກໍມີຄ່ານິຍົມຂອງຍຸກສະໄໝນັ້ນເອງ. ມະລະຍາດ, ຍຸຕິທຳ, ຄວາມປອດໃສຂາວສະອາດ ແລະ ຮູ້ຈັກລະອາຍ ຄື ຄ່ານິຍົມທີ່ສະໄໝບູຮານຈີນປະຕິບັດໂດຍທົ່ວໄປ. ເວົ້າເຖິງທຸກມື້ນີ້ແລ້ວ, ການເຄົາລົບນັບຖືລະບຽບການທາງສັງຄົມ,ຍຶດໝັ້ນຄວາມຍຸຕິທຳແລະຄວາມເປັນທຳ, ຮູ້ຈັກລະອາຍແລະກະທຳໃນສິ່ງທີ່ດີ,ເຮັດບຸນກຸສົນ, ປອດໃສຂາວສະອາດປະຕິບັດໜ້າທີ່ເພື່ອຜົນປະໂຫຍດສ່ວນລວມ, ເມື່ອເຮັດໄດ້ແນວນີ້, ກໍຖືວ່າເປັນສິ່ງຮັບປະກັນຂັ້ນພື້ນຖານເພື່ອເຮັດໃຫ້ປະເທດຮັ່ງມີເຂັ້ມແຂງແລະສັງຄົມມີຄວາມສະຫງົບປອດໄພ.
ຄຳເຫັນ
0