ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນັບແຕ່ການແຜ່ລະບາດພະຍາດອັກເສບປອດຈາກໄວຣັສສາຍພັນໃໝ່ເປັນຕົ້ນມາ, ອິດທິກຳລັງຕາເວັນຕົກທີ່ເປັນປໍລະປັກກັບຈີນ ເຊິ່ງມີນັກການເມືອງ ແລະ ສື່ມວນຊົນຈຳນວນໜຶ່ງຂອງອາເມຣິກາເປັນຕົວແທນ ໄດ້ເລັ່ງລັດການປ່ອຍຂ່າວປອມ ແລະ ຂ່າວລືຕ່າງໆ ກ່ຽວກັບສາເຫດທີ່ພາໃຫ້ເກີດການແຜ່ລະບາດຂອງພະຍາດໃນຄັ້ງນີ້ ເພື່ອທຳລາຍບົດບາດແລະຊື່ສຽງຂອງຈີນໃນການຕ້ານກັບການແຜ່ລະບາດຂອງພະຍາດ. ການກະທຳແບບນີ້ຖືກເຈົ້າໜ້າທີ່ອົງການອະນາໄມໂລກຂະໜານນາມໃຫ້ເປັນ “ໄວຣັສດ້ານຂໍ້ມູນ”, ໝາຍຄວາມວ່າ ບໍ່ມີມູນຄວາມຈິງແຕ່ຢ່າງໃດ, ເປັນຂ່າວລອຍຂ່າວປອມທີ່ສ້າງຂຶ້ນບົນຈິນຕະນາການຂອງເຂົາທັງນັ້ນ.
ຄົນເຫຼົ່ານີ້ຫວັງຢາກຜ່ານ “ຂ່າວລື” ແບບນີ້, ສ້າງອຸປະສັກໃຫ້ແກ່ການຮ່ວມມືລະຫວ່າງຈີນກັບອົງການອະນາໄມໂລກ ແລະ ປະເທດອື່ນໆ, ແລະສະແຫວງຫາໂອກາດເພື່ອບັນລຸຜົນປະໂຫຍດດ້ານການເມືອງຂອງຕົນ. ພວກເຂົາທັງອິດສາຈີນທີ່ໄດ້ປະສົບຜົນສຳເລັດໃນການຕ້ານກັບການແຜ່ລະບາດຂອງພະຍາດໃນໄລຍະສັ້ນ ແລະ ມີຄວາມຄັດແຄ້ນໃຈວ່າ, ຖ້າຈີນສາມາດສະແດງໃຫ້ເຫັນທ່າແຮງດ້ານລະບອບ ແລະ ຄວາມສາມາດດ້ານການປົກຄອງ ໃນການຕ້ານກັບການແຜ່ລະບາດຂອງພະຍາດ, ຈະເຮັດໃຫ້ຄວາມບົກຜ່ອງຂອງຕົນໃນດ້ານລະບອບການເມືອງ ແລະ ການປົກຄອງຖືກເຜີຍແບອອກມາໝົດ. ໃນໄລຍະສຳຄັນທີ່ປະຊາຄົມໂລກສາມັກຄີ ແລະ ຮ່ວມມືກັນຕ້ານກັບການແຜ່ລະບາດຂອງພະຍາດ, “ຂ່າວລື” ທີ່ມີເຈດຕະນາຮ້າຍເຫຼົ່ານີ້ເໝືອນດັ່ງວ່ານເກືອໃສ່ບາດແຜ, ໄຮ້ມະໂນທຳແຫ່ງຄວາມເປັນມະນຸດ, ເປັນການທ້າທາຍຕໍ່ເສັ້ນເພດານຕ່ຳສຸດໃນດ້ານຈະລິຍະທຳ. ໃນທີ່ສຸດ, ອາດຈະເປັນຄືຄຳເຕືອນຂອງທ່ານ KJ Noh ນັກການເມືອງພູມມີພາກທີ່ມີຊື່ສຽງຂອງຣັດເຊຍໄດ້ກ່າວໄວ້ວ່າ: “ຖ້າໃຜກໍ່ເລື່ອງຂຶ້ນໃນຮູບຖານຈິດສຳນຶກທີ່ຄຽດຊັງຕໍ່ພາຍນອກ, ກໍຈະຖືກຮູບຖານຈິດສຳນຶກດັ່ງກ່າວສະໜອງຕອບແບບນັ້ນໃນທີ່ສຸດ”.
ຄຳເຫັນ
0