ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ກຸມພານີ້, ສົມເດັດອັບດຸນລາ ຊຸນຕັນ ອາຮາມັດ ຊາ ປະມຸກລັດສູງສຸດມາເລເຊຍໄດ້ຮັບຮອງໃບລາອອກຈາກຕຳແໜ່ງຂອງທ່ານມາຮາເຕຍ ບິນ ໂມຮາມັດ ນາຍົກລັດຖະມົນຕີມາເລເຊຍ, ເຫັນດີໃຫ້ທ່ານລາອອກຈາກຕຳແໜ່ງນາຍົກລັດຖະມົນຕີ, ແຕ່ຍັງແຕ່ງຕັ້ງໃຫ້ທ່ານເປັນນາຍົກລັດຖະມົນຕີໄລຍະຂ້າມຜ່ານ.
ທ່ານມາຮາເຕຍໄດ້ຍື່ນໃບລາອອກຈາກຕຳແໜ່ງໃຫ້ສົມເດັດອັບດຸນລາໃນວັນທີ 24 ກຸມພານີ້, ຫຼັງຈາກນັ້ນທ່ານປະກາດວ່າຈະລາອອກຈາກຕຳແໜ່ງປະທານກິຕິມະສັກຂອງພັກປຣິບູມີ ເບີຊະຕູມາເລເຊຍ. ພັກດັ່ງກ່າວກໍໄດ້ປະກາດວ່າຈະຖອນຕົວອອກຈາກສະຫະພັນຄວາມຫວັງທີ່ກຳອຳນາດ. ແຕ່ທ່ານມາຮາເຕຍບໍ່ໄດ້ເປີດເຜີຍສາເຫດລາອອກຈາກຕຳແໜ່ງ.
ສະຫະພັນຄວາມຫວັງທີ່ນຳໂດຍທ່ານມາຮາເຕຍໄດ້ຮັບໄຊຊະນະໃນການເລືອກຕັ້ງທົ່ວໄປເມື່ອເດືອນພຶດສະພາປີ 2018. ພາຍຫຼັງທ່ານມາຮາເຕຍໄດ້ດຳລົງຕຳແໜ່ງນາຍົກລັດຖະມົນຕີແລ້ວ, ທ່ານເຄີຍກ່າວຫຼາຍເທື່ອວ່າຈະມອບຕຳແໜ່ງນາຍົກລັດຖະມົນຕີໃຫ້ທ່ານອັນວາ ອິບຣາຮິມ ອະດີດຮອງນາຍົກລັດຖະມົນຕີໃນອີກໄລຍະໜຶ່ງ, ແຕ່ບໍ່ໄດ້ກຳນົດເວລາລະອຽດມາໂດຍຕະຫຼອດ, ຈຶ່ງເຮັດໃຫ້ຫາງສຽງພາຍນອກເກີດມີຄວາມລະແວງສົງໄສຕໍ່ເລື່ອງນີ້.
ຄຳເຫັນ
0