ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 2 ມີນານີ້, ທ່ານສີຈິ້ນຜິງ ປະທານປະເທດຈີນໄດ້ສຳຫຼວດກວດກາວຽກງານຄົ້ນຄວ້າວິທະຍາສາດ ເພື່ອປ້ອງກັນແລະຄວບຄຸມພະຍາດ COVID-19 ຢູ່ນະຄອນຫຼວງປັກກິ່ງໂດຍໄດ້ກ່າວວ່າ: ຢາວັກແຊງມີຄວາມສຳຄັນຫຼາຍຕໍ່ການປ້ອງກັນແລະຄວບຄຸມພະຍາດ. ຈີນຕ້ອງເລັ່ງລັດຊຸກຍູ້ການຄົ້ນຄວ້າແລະພັດທະນາວັກແຊງຕາມທິດທາງວິທະຍາສາດເຕັກນິກທີ່ມີຢູ່ແລ້ວ, ພ້ອມທັງຕິດຕາມສະພາບຄວາມຄືບໜ້າດ້ານການຄົ້ນຄວ້າພັດທະນາວັກແຊງຂອງຕ່າງປະເທດຢ່າງໃກ້ຊິດ, ເພີ່ມທະວີການຮ່ວມມືກັບຕ່າງປະເທດເພື່ອຍາດແຍງການຊຸກຍູ້ຢາວັກແຊງໃຫ້ໄດ້ຮັບການທົດລອງນຳໃຊ້ໃນການປິ່ນປົວແລະຜະລິດເປັນສິນຄ້າປ້ອນເຂົ້າຕະຫຼາດ. ຕ້ອງສ້າງຕັ້ງລະບົບຄັງສຳຮອງວັກແຊງແຫ່ງຊາດ, ກະກຽມຢ່າງຮອບຄອບເພື່ອວຽກງານປ້ອງກັນແລະຄວບຄຸມພະຍາດທີ່ອາດຈະສືບຕໍ່ປະຕິບັດໄປອີກນານ.
ທ່ານສີຈິ້ນຜິງກ່າວເນັ້ນວ່າ: ຕ້ອງວາງແຜນວຽກງານຊອກຫາແຫຼ່ງກຳເນີດຂອງເຊື້ອພະຍາດກໍຄືຊ່ອງທາງການແຜ່ລະບາດໃຫ້ເປັນເອກະພາບກັນ, ຊອກໃຫ້ເຫັນຢ່າງແນ່ນອນວ່າ ເຊື້ອໄວຣັສແມ່ນມາຈາກໃສ,ຈະລະບາດໄປທີ່ໃດ?ຍົກສູງຄວາມຖືກຕ້ອງແມ່ນຢ້ຳແລະມີປະສິດທິພາບໃນການຫາເຊື້ອພະຍາດ.
ຄຳເຫັນ
0