ໃນຫຼາຍມື້ມໍ່ໆມານີ້, ລາຍການພິເສດ “ຄລີນິກບົ່ງມະຕິແລະປິ່ນປົວທົ່ວໂລກ” ຂອງສະຖານີວິທະຍຸໂທລະພາບສູນກາງຈີນ ຫຼື CMG ໄດ້ເຊື້ອເຊີນພະນັກງານການແພດ ແລະ ຜູ້ຊ່ຽວຊານຈີນແລະຕ່າງປະເທດ ທີ່ຕ້ານກັບການແຜ່ລະບາດຂອງພະຍາດໂຄວິດ-19 ຢູ່ແນວໜ້າມາອອກລາຍການ ເພື່ອແລກປ່ຽນແລະຖອດຖອນບົດຮຽນເຊິ່ງກັນແລະກັນ ແລະ ແບ່ງປັນບົດຮຽນຕ້ານກັບການແຜ່ລະບາດຂອງພະຍາດຢູ່ຈີນ ໂດຍຜ່ານທາງວິດີໂອ.
ໃນລາຍການວິດີໂອໃນຕອນຄ່ຳວັນທີ 19 ມີນານີ້, ຜູ້ຊ່ຽວຊານການແພດຈາກສະຫະພາບເອີຣົບ, ອາເມຣິກາ ແລະ ອິສລາແອນໄດ້ຮ່ວມກັບແພດໝໍຈີນທີ່ນະຄອນອູຮັ້ນ, ແລກປ່ຽນຄວາມເຫັນກ່ຽວກັບການປ້ອງກັນແລະຄວບຄຸມພະຍາດ ແລະ ການບົ່ງມະຕິແລະປິ່ນປົວພະຍາດໂຄວິດ-19.
ນ.ຫຼີເຊິ້ງຊິ່ງ ຫົວໜ້າພະແນກລະບົບຫາຍໃຈຂອງໂຮງໝໍຮວ້າຊານທີ່ຂຶ້ນກັບມະຫາວິທະຍາໄລຟູ້ຕ້ານກ່າວວ່າ: ພວກເຮົາໄດ້ແບ່ງປັນບົດຮຽນກັບໝູ່ຮ່ວມງານຕ່າງປະເທດ, ຫວັງວ່າ, ເຂົາເຈົ້າຈະສາມາດຊອກຫາໄດ້ວິທີປິ່ນປົວທີ່ດີທີ່ສຸດໂດຍໄວ ເພື່ອຊ່ວຍເຫຼືອຜູ້ເປັນພະຍາດໂຄວິດ-19 ທີ່ມີອາການໜັກ.
ພະນັກງານການແພດ ແລະ ຜູ້ຊ່ຽວຊານປະເທດຕ່າງໆທີ່ເຂົ້າຮ່ວມລາຍການລ້ວນແຕ່ກ່າວວ່າ, ບົດຮຽນແລະຂໍ້ສະເໜີຂອງຊ່ຽວຊານຈີນມີຜົນປະໂຫຍດຫຼາຍ.
ຂ່າວແຈ້ງວ່າ, ໃນການປິ່ນປົວພະຍາດໂຄວິດ-19 ຢູ່ແຂວງຫູເປີຍ, ອັດຕາການນຳໃຊ້ການແພດແລະຢາພື້ນເມືອງຈີນບັນລຸເຖິງ 91,91%, ໃນລາຍການພິເສດຂອງ CMG ໃນວັນທີ 18 ມີນານີ້, ທ່ານຈ່າງໂປຫຼີ ບັນດິດຂອງສະພາບັນດິດວິສະວະກຳຈີນ ແລະ ຜູ້ຊ່ຽວຊານຈີນຫຼາຍທ່ານໄດ້ແບ່ງປັ່ນບົດຮຽນຕ້ານກັບການແຜ່ລະບາດຂອງພະຍາດດັ່ງກ່າວດ້ວຍການແພດແລະຢາພື້ນເມືອງຈີນ ກັບແພດໝໍອາເມຣິກາ.
ແພດໝໍອາເມຣິກາກ່າວວ່າ: ມີຜູ້ປ່ວຍຄີງຮ້ອນເປັນໜຶ່ງອາທິດ, ພວກເຮົາກໍບໍ່ມີວິທີແກ້ໄຂ, ຂ້າພະເຈົ້າຢາກຮູ້ວ່າ, ມີຢາພື້ນເມືອງຈີນທີ່ສາມາດຂັບຄວາມຮ້ອນຊຸ່ມອອກຈາກຮ່າງກາຍ ທີ່ເໝາະສຳລັບຜູ້ປ່ວຍຢູ່ອາເມຣິກາບໍ່.
ທ່ານຈ່າງໂປຫຼີ ບັນດິດຂອງສະພາບັນດິດວິສະວະກຳຈີນກ່າວວ່າ: ມີໃບສັ່ງຢາ 2 ຊະນິດ, ໃບໜຶ່ງແມ່ນແກ້ຄວາມຊຸ່ມແລະຂັບສານພິດ, ອີກໃບໜຶ່ງແມ່ນບຳລຸງປອດແລະຂັບສານພິດ, ຢາທັງ 2 ຊະນິດນີ້ ລ້ວນແຕ່ໄດ້ພິສູດມາແລ້ວ.
ມາຮອດປັດຈຸບັນ, ນັບລວມແລ້ວ, ທົ່ວໂລກມີ 5 ລ້ານກວ່າຄົນໄດ້ເຂົ້າຊົມລາຍການພິເສດ “ຄລີນິກບົ່ງມະຕິແລະປິ່ນປົວທົ່ວໂລກ” ຂອງ CMG ແລ້ວ ແລະ ມີການສະແດງຄວາມຄິດເຫັນຕໍ່ລາຍການຫຼາຍກວ່າ 1 ແສນເທື່ອ.
ຄຳເຫັນ
0