尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ນັກການເມືອງທີ່ອັບປະຍົດຂອງອາເມຣິກາຍັງໃສ່ຮ້າຍປ້າຍສີຈີນ​ໃນ​ຂະນະ​ທີ່ການແຜ່ລະບາດຂອງພະຍາດໂຄວິດ-19 ນັບມື້ນັບໜັກໜ່ວງ

2020-04-03 19:51:16 cri

ໃນກອງປະຊຸມຖະແຫຼງຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນວັນທີ 2 ເມສານີ້, ທ່ານນາງ ຮວ້າຊຸ່ນຢີງ ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວຈາກສຳນັກຂ່າວສານບລຸມເບີກ(Bloomberg News)ຂອງ​ອາ​ເມ​ຣິກາ​ເປັນເວລາ 10 ນາທີ ໂດຍໄດ້​ຍົກ​ເລື່ອງຈິງຕ່າງໆ ​ແລະ ຕອບ​ໂຕ້ນັກການເມືອງອາເມຣິກາຈຳນວນໜຶ່ງທີ່ໄດ້ປ່າວຂ່າວລືແລະໃສ່ຮ້າຍປ້າຍສີຈີນອີກແລ້ວອີກຕື່ມ.

ຫວ່າງກ່ອນນີ້ບໍ່ດົນ, ໃນເວລາຕອບຄຳຖາມຂອງຜູ້​ດຳ​ເນີນ​ລາຍການ​ຂອງ CNN ກ່ຽວກັບເລື່ອງທີ່ວ່າເປັນຫຍັງອາເມຣິກາຈຶ່ງຮັບມືກັບການແຜ່ລະບາດຂອງພະຍາດໂຄວິດ-19 ຊັກຊ້າຄືແນວນີ້, ທ່ານ ໄມ ​ເພນ ຮອງປະທານາທິບໍດີອາເມຣິກາພັດໄດ້ກ່າວວ່າ: “ຖ້າໃນເວລານັ້ນຈີນໄດ້ສະໜອງຂໍ້ມູນທີ່ຮອບດ້ານກວ່ານີ້, ສະພາບການຂອງພວກເຮົາໃນປັດຈຸບັນອາດຈະດີຂຶ້ນກວ່ານີ້ອີກ.” ​ເຊັ່ນ​ດຽວ​ກັນ, ທ່ານ ໄມ ພົມເພວ, ລັດຖະມົນຕີກະຊວງການຕ່າງປະເທດອາເມຣິກາທີ່ໄດ້ໃຫ້ສຳພາດດ້ວຍ​ການ​ກ່າວໂຈມຕີຈີນອີກ​ແລ້ວ​ອີກ​ຕື່ມ ​ໂດຍກ່າວ​ວ່າ​ຈີນໄດ້ເຜີຍ​ແຜ່ “ຂໍ້ມູນປອມ” ກ່ຽວກັບການແຜ່ລະບາດຂອງພະຍາດໂຄວິດ-19. ນອກນີ້, ເຈົ້າໜ້າທີ່ອົງການຂ່າວລັບອາເມຣິກາຍັງໄດ້ໃສ່ຮ້າຍປ້າຍສີວ່າ ຈີນໄດ້ລາຍງານ​ແບບປິດບັງຄວາມຈິງກ່ຽວກັບການແຜ່ລະບາດຂອງພະຍາດໂຄວິດ-19 ຢູ່​ພາຍ​ໃນປະເທດຕົນ.

ທີ່ຈິງແລ້ວ, ຈີນໄດ້ປິດບັງຄວາມຈິງຫຼືບໍ່? ຜູ້ທີ່ມີຄຸນວຸດທິຕີລາຄາແລະມີ​ສິດຕັດສິນທີ່ສຸດແມ່ນອົງການອະນາໄມໂລກກໍຄືຜູ້ຊ່ຽວຊານທີ່ກ່ຽວຂ້ອງ. ກ່ອນໜ້ານີ້, ທ່ານ ກາວເດັນ ກາລີ ຜູ້ຕາງໜ້າອົງການອະນາໄມໂລກປະຈຳຈີນທີ່ໄດ້ເຂົ້າຮ່ວມການຕ້ານກັບການແຜ່ລະບາດຂອງພະຍາດໂຄວິດ-19 ດ້ວຍ​ຕົນເອງ ໄດ້ເປີດເຜີຍຂໍ້ມູນ​ໂດຍສະແດງໃຫ້ເຫັນວ່າ: ກໍຍ້ອນວ່າຈີນໄດ້ແບ່ງປັນແລະລາຍງານຂໍ້ມູນທີ່ກ່ຽວຂ້ອງຕໍ່ອົງການອະນາໄມໂລກຢ່າງທັນເວລາ, ຈຶ່ງໄດ້ສ້າງພື້ນຖານໃຫ້ແກ່ອົງການຕົນໃນການວິເຄາະແລະປະເມີນສະພາບການພັດທະນາຂອງການແຜ່ລະບາດຂອງພະຍາດໂຄວິດ-19 ຢ່າງຖືກຕ້ອງໃນໄລຍະຕໍ່ມາ, ແລະໄດ້ເຕືອນໄພລ່ວງໜ້າຕໍ່ໂລກໃນການປ້ອງກັນ​ແລະ​ຄວບ​ຄຸມການແຜ່ລະບາດຂອງພະຍາດໂຄວິດ-19.

ຊັ້ນລັດຖະບານອາເມຣິກາພາກັນເຮັດຫຍັງ ທັ້ງໆ​ທີ່​ໄດ້​ຮັບ​ການເຕືອນໄພແລະການລາຍງານທີ່ທັນເວລາຈາກປະເທດຈີນ​ແລ້ວ?

ໃນຖານະເປັນຜູ້ຮັບຜິດຊອບທີ່​ມີອຳນາດສັ່ງ​ການ​ຢູ່ຂອງອາເມຣິກາໃນການບັນຊາການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19, ທ່ານ ໄມ ເພນ ສາມາດໃຫ້ຄວາມກະຈ່າງແຈ້ງ​ໄດ້ຫຼືບໍ່, ເປັນຫຍັງທ່ານໝໍ ນາງ ຮີເລັນ ຈູ ໄດ້ເຕືອນໃຫ້ລະມັດລະວັງການແຜ່ລະບາດຂອງພະຍາດໂຄວິດ-19 ພາຍໃນປະເທດອາເມຣິກາໃນເດືອນມັງກອນປີນີ້ ແລະ ໄດ້ລາຍງານຜົນການກວດຫາເຊື້ອພະຍາດຕໍ່ອົງການຕິດຕາມຄຸ້ມຄອງຂອງອາເມຣິກາໃນເດືອນກຸມພາປີນີ້, ​ແຕ່ພັດຖືກສັ່ງໃຫ້ປິດປາກງຽບແລະຢຸດຕິການສືບ​ຕໍ່ກວດຫາ​ເຊື້ອ​ພະຍາດ? ໃນຖານະເປັນເຈົ້າໜ້າທີ່ຂັ້ນສູງ​ສຸດ​ຂອງ​ກະຊວງການຕ່າງປະເທດອາເມຣິກາ, ທ່ານ ໄມ ພົມເພວ ສາມາດຕອບໄດ້ຫຼືບໍ? ທ່ານເອງໄດ້ເຮັດວຽກໃດຢ່າງ​ຈິງ​ຈັງ​ເພື່ອການຮ່ວມມືສາກົນ​ໃນ​ການຕ້ານກັບການແຜ່ລະບາດຂອງພະຍາດໂຄວິດ-19 ກໍຄືສຸຂະພາບຂອງປະຊາຊົນອາເມຣິກາ ພາຍຫຼັງໄດ້ປະສົບກັບການແຜ່ລະບາດຂອງພະຍາດໂຄວິດ-19. ເປັນຫຍັງສູນປ້ອງ​ກັນ​ແລະຄວບຄຸມພະຍາດຂອງອາເມຣິກາໄດ້ຢຸດຕິການເປີດເຜີຍຂໍ້ມູນກ່ຽວຂ້ອງກັບຈຳນວນຜູ້ຮັບກວດຫາ​ເຊື້ອພະຍາດໂຄວິດ-19 ແລະຈຳນວນຜູ້ເສຍຊີວິດຍ້ອນເປັນພະຍາດດັ່ງກ່າວນັບແຕ່ວັນທີ 2 ມີນາຜ່ານມານີ້? ເປັນຫຍັງໂຮງໝໍ New York Presbyterian ອາເມຣິກາ ຍັງຕ້ອງຮ້ອງຂໍ​ໃຫ້ພາກສ່ວນສາທາລະນະສຸກອາເມຣິກາດຳເນີນການກວດຫາ​ເຊື້ອ​ພະຍາດ​ໃຫ້ຜູ້ຖືກສົງໄສເປັນພະຍາດໂຄວິດ-19?

ຄຳຖາມເຫຼົ່ານີ້ ທ່ານ ໄມ ເພນ, ທ່ານ ໄມ ພົມເພວ ແລະ ​ເຈົ້າ​ໜ້າ​ທີ່​ອາ​ເມຣິກາທ່ານອື່ນໆຕອບໄດ້ບໍ່? ອາດຈະຕອບບໍ່ໄດ້ຈັກຂໍ້! ຊັ້ນແມ່ນໃຜເປັນຜູ້ປິດບັງຄວາມຈິງກັນແທ້ໃນການລາຍງານສະພາບການແຜ່ລະບາດຂອງພະຍາດໂຄວິດ-19 ​ແມ່ນມີຄວາມຈະແຈ້ງຢູ່​ແລ້ວ. ພວກເຂົາເຈົ້າໄດ້​ແນ​ປາຍ​ຫອກ​ໃສ່ຈີນ ກໍ​ເພື່ອ​ປົກ​ປິດ​ຄວາມຢ້ານກົວແລະຄວາມວິຕົກກັງວົນຂອງຕົນ​ເທົ່າ​ນັ້ນ.

图片默认标题_fororder_微信图片_20200403193511
ຂະນະດຽວກັນ, ນີ້ກໍເປັນການຢັ້ງຢືນ​ເລື່ອງ​ຄວາມ​ເປັນ​ຈິງ​ຂອງການເປີດເຜີຍຂ່າວຈາກເວັບໄຊ The Daily Beast ເຊິ່ງເປັນເວັບໄຊຂ່າວການເມືອງຂອງອາເມຣິກາ ຄື: ອີງຕາມເອກະສານໂທລະເລກລັບສະບັບໜຶ່ງ, ທຳນຽບຂາວອາເມຣິກາພວມວາງແຜນຮ່ວມກັບອົງການສະຫະລັດຫຼາຍແຫ່ງ, ກ່າວ​ໂຈມຕີຈີນວ່າ ຈີນໄດ້ “ປິດບັງຄວາມຈິງຂອງການແຜ່ລະບາດຂອງພະຍາດໂຄວິດ-19” ແລະ “ກໍ່​ໃຫ້​ເກີດພະຍາດ​ແຜ່ລະບາດໃນຂອບ​ເຂດທົ່ວໂລກ”, ແລະໄດ້ສັ່ງ​ໃຫ້​ອົງການ​ຕ່າງໆ​ຕ້ອງ ເນັ້ນໜັກວ່າ “ທຸກສິ່ງທຸກຢ່າງລ້ວນແຕ່ຕ້ອງກ່ຽວຂ້ອງກັບປະເທດຈີນ”. ຂ່າວລາຍງານຕື່ມວ່າ: ທຳນຽບຂາວມີແຜນການ​ໂດຍເນັ້ນໜັກຢ່າງ​ລວມສູນ​ວ່າເປັນ “ຄວາມຜິດພາດ” ຂອງຈີນ ​ເພື່ອຫັນ​ເຫການຕຳ​ໜິຕໍ່ຕົນ​ເອງທີ່ບໍ່​ສາມາດເຮັດວຽກປ້ອງກັນການແຜ່ລະບາດຂອງພະຍາດໂຄວິດ-19 ​ໄດ້ຢ່າງພຽງພໍ, ເຮັດໃຫ້ປະເທດຈີນກາຍເປັນຜູ້ຮັບ​​ໂທດແທນຕົນ. ພວກເຂົາເຈົ້າໄດ້ໃຊ້ກົນອຸບາຍທາງການເມືອງທີ່ອັບປະຍົດດ້ວຍການ​ໃຊ້ຊີວິດຂອງປະຊາຊົນເປັນປະກັນ, ພວມໄດ້ເພີ່ມຄວາມສ່ຽງສູງ​ຂຶ້ນ​ເລື້ອຍໆທີ່​ເຮັດໃຫ້ອາເມຣິກາເສຍໂອກາດ​ເທື່ອທີສອງ​ໃນ​ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19.

图片默认标题_fororder_微信图片_20200403193523
ຈາກການປັ້ນ​ແຕ່ງລັດທິຊາດນິຍົມ​ ຮອດການໃສ່ຮ້າຍປ້າຍສີ​ເພື່ອ​ທຳລາຍ​ບົດບາດ​ຊື່​ສຽງ​ຂອງຈີນ, ນັກການເມືອງອາເມຣິກາຈຳນວນໜຶ່ງໄດ້ທຳລາຍສຸຂະພາບຂອງປະຊາຊົນປະເທດຕົນຢ່າງບໍ່ຢຸດຢັ້ງ ແລະ ສະກັດກັ້ນການຮ່ວມມືສາກົນ​ໃນ​ການຕ້ານກັບການແຜ່ລະບາດຂອງພະຍາດໂຄວິດ-19 ບົນພື້ນຖານຜົນປະໂຫຍດສ່ວນຕົວທາງການເມືອງ, ລັດທິສວຍໂອກາດ ແລະ ແນວຄິດສົງຄາມເຢັນ ​ເຊິ່ງໄດ້ສະແດງໃຫ້ເຫັນ​ເຖິງ​ສະພາບ​ແວ​ດລ້ອມ​ດ້ານການເມືອງທີ່ຊົ່ວຮ້າຍຂອງວໍຊິງຕັນຢ່າງຈະ​ແຈ້ງ​ທີ່​ສຸດ.

ຄຳ​ເຫັນ

0