ວັນ​ທີ 3 ເມ​ສາ​ນີ້, ກະ​ຊວງ​ສາ​ທາ​ລະ​ນະ​ສຸກ​ມາ​ເລ​ເຊຍ​ໄດ້​ຈັດ​ຕັ້ງ​ສື່ມວນ​ຊົນ​ໄປ​ຢ້ຽມ​ຊົມ​ໂຮງ​ໝໍ​ຊົ່ວ​ຄາວ​ທີ່​ໄດ້​ດັດ​ແປງ​ສ້າງ​ຂຶ້ນ​ຢູ່​​ໃນຫໍ​ວາງ​ສະ​ແດງ​ກະ​ສິ​ກຳ​ຢູ່ ​ເຊ​ຣິ ເຄັມ​ບານ​ການ ​ໃກ້​ກັບ​ນະ​ຄອນຫຼວງ​ກົວ​ລາ​ລຳ​ເປີ. ໂຮງ​ໝໍ​ຊົ່ວ​ຄາວແຫ່ງ​ນີ້​ມີ​ຊື່​ວ່າ “ສູນ​ກັກ​ບໍ​ລິ​ເວນ​ແລະ​ປິ່ນ​ປົວພະ​ຍາດ​ໂຄວິດ-19ທີ່​ມີ​ຄວາມ​ສ່ຽງ​ຕ່ຳ” ເຊິ່ງ​ປະ​ກອບ​ມີ​ຕຽງ​ນອນ​ຄົນ​ເຈັບ 600 ກວ່າ​ຕຽງ, ມີ​ຫ້ອງ​ປິ່ນ​ປົວ, ຫ້ອງກອບ​ກູ້​ສຸກ​ເສີນ,ຫ້ອງ​ສ່ອງ​ໄຟ​ຟ້າ​,ຫ້ອງ​ທົດ​ລອງ​ແລະ​ອື່ນໆ​ເພື່ອ​ຮັບ​ຮອງ​ປິ່ນ​ປົວຜູ້​ທີ່​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ທີ່​ບໍ່​ມີ​ອາ​ການຫຼື​ມີ​ອາ​ການ​ເບົາ. ເມື່ອ​ອຸ​ປະ​ກອນ​ການ​ແພດ​ຕ່າງ​ໆ​ໄດ້​ຖືກຕິດ​ຕັ້ງ​ໃຫ້​​ຄົບ​ຊຸດແລ້ວ, ໂຮງ​ໝໍ​ຊົ່ວ​ຄາວ​ແຫ່ງ​ນີ້​ຈະ​ສາ​ມາດ​ເປີດ​ນຳ​ໃຊ້​ໄດ້​ເລີຍ.