ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄຽງຄູ່ກັບພະຍາດໂຄວິດ-19 ເລັ່ງລັດແຜ່ລະບາດໃນທົ່ວໂລກ, ເສດຖະກິດການຄ້າສາກົນໄດ້ຮັບຜົນກະທົບຢ່າງໜັກໜ່ວງ, ການພັດທະນາເສດຖະກິດຂອງຈີນໄດ້ຜະເຊີນກັບສິ່ງທ້າທາຍໃໝ່. ເມື່ອບໍ່ດົນມານີ້, ທ່ານສີຈິ້ນຜິງ ປະທານປະເທດຈີນໄດ້ເດີນທາງເຖິງແຂວງເຈີ້ຈ່ຽງ ທາງພາກຕາເວັນອອກຂອງຈີນເພື່ອສຳຫຼວດຄົ້ນຄວ້າ ແລະ ໄດ້ອະທິບາຍເປັນພິເສດກ່ຽວກັບວິກິດການວ່າ: “ວິກິດການແລະໂອກາດແມ່ນເກີດຂຶ້ນຮ່ວມກັນມາໂດຍຕະຫຼອດ, ເມື່ອຜ່ານຜ່າວິກິດການແລ້ວກໍຈະຕ້ອນຮັບມາດ້ວຍໂອກາດພັດທະນາ.”
ຈຳແນກການປ່ຽນແປງຢ່າງຖືກຕ້ອງ
ເຖິງວ່າການແຜ່ລະບາດຂອງພະຍາດໂຄວິດ-19 ໄດ້ເຮັດໃຫ້ຫຼາຍໆຄົນຈຳເປັນຕ້ອງປ່ຽນແປງຮູບການດຳລົງຊີວິດຂອງຕົນກໍຕາມ, ແຕ່ມັນກໍ່ໄດ້ສ້າງຄວາມອາດເປັນໄປໄດ້ໃໝ່ຫຼາຍກວ່າເກົ່າ.
ໃນ “ບຸນເຈົ້າຍິງວັນທີ 8 ມີນາ” ທີ່ຜ່ານມາ, ວັນທີ່ມີມູນຄ່າຂາຍເຄື່ອງທາງການຖ່າຍທອດສົດຂອງເວທີການຄ້າເອເລັກໂຕຼນິກຖ່ຽນມ່າວໄດ້ເພີ່ມຂຶ້ນ 650% ເມື່ອທຽບໃສ່ໄລຍະດຽວກັນຂອງປີຜ່ານມາ. ການຂາຍເຄື່ອງໂດຍຜ່ານການຖ່າຍທອດສົດພຽງເປັນດ້ານໜຶ່ງເທົ່ານັ້ນ, ການແຜ່ລະບາດຂອງພະຍາດເຮັດໃຫ້ເຕັກນິກສູງໃໝ່ຈຳນວນໜຶ່ງທີ່ຍັງບໍ່ທັນໄດ້ເຜີຍແຜ່ໃຫ້ທົ່ວເຖິງນັ້ນໄດ້ກ້າວເຂົ້າສູ່ຄອບຄົວທົ່ວໄປຂອງຈີນ, ອຸດສາຫະກຳພັດທະນາໃໝ່ຂອງຈີນກໍ່ໄດ້ຕ້ອນກັບໂອກາດພັດທະນາຮ່ວມກັນຄັ້ງໜຶ່ງ.
ຊີວິດດີຈີຕອນເຫຼົ່ານີ້ບໍ່ສາມາດແຍກອອກຈາກການຄ້ຳຊູຂອງວິສາຫະກິດການຜະລິດຕ່າງໆ. ພັດທະນາຕາມສະພາບການທີ່ເປັນໄປ, ອຸດສາຫະກຳພັດທະນາໃໝ່ຂອງຈີນໄດ້ສະແດງໃຫ້ເຫັນພະລັງຊຸກດັນທີ່ເກີດຈາກພາຍໃນແລະກຳລັງບົ່ມຊ້ອນດ້ານການເຕີບໃຫຍ່ທີ່ເຂັ້ມແຂວງ.
ຮັບມືກັບການປ່ຽນແປງຕາມຫຼັກວິທະຍາສາດ
ປີ 2016, ກະຊວງອຸສາຫະກຳແລະເຕັກໂນໂລຊີຂໍ້ມູນຂ່າວສານຈີນໄດ້ປະເມີນແລະຄັດເລືອກໂຄງການຜະລິດອັດສະລິຍະ, ວິສາຫະກິດຜະລິດຢຸກຢາທີ່ໄດ້ຮັບການຄັດເລືອກມີພຽງແຕ່ 3 ແຫ່ງເທົ່ານັ້ນ. ໃນນັ້ນ, ກຸ່ມບໍລິສັດຜະລິດຢຸກຢາສືເຈ່ຍຈ່ວງແຂວງເຫີເປີຍແມ່ນໄດ້ຮັບຄັດເລືອກ ຍ້ອນວ່າໄດ້ພະຍາຍາມຢ່າງສຸດຂີດໃນດ້ານການຫັນເປັນແບບອັດສະລິຍະ. ໃນໄລຍະເກີດການແຜ່ລະບາດຂອງພະຍາດໂຄວິດ-19, ຈຳນວນການຜະລິດ Arbidol Hydrochloride Tablets ເຊິ່ງເປັນຢາທີ່ຕ້ອງການໃນການປິ່ນປົວພະຍາດດັ່ງກ່າວ ຂອງວິສາຫະກິດແຫ່ງນີ້ໄດ້ຈາກ 3 ໝື່ນກັບຕໍ່ມື້ເພີ່ມຂຶ້ນເປັນ 1 ແສນກັບຕໍ່ມື້.
ການຜະລິດແບບອັດສະລິຍະບໍ່ພຽງແຕ່ແມ່ນຍົກສູງຄຸນນະພາບແລະປະສິດທິຜົນເທົ່ານັ້ນ, ການຕ້ານກັບການແຜ່ລະບາດຂອງພະຍາດໂຄວິດ-19, ຈີນສາມາດປ່ຽນແປງສະພາບການທີ່ຂາດເຄື່ອງອຸປະກອນປ້ອງກັນແລະປິ່ນປົວພະຍາດໄດ້ຢ່າງວ່ອງໄວໃນໄລຍະສັ້ນ, ກໍຍ້ອນວ່າວິສາຫະກິດການຜະລິດອັດສະລິຍະຫຼາຍແຫ່ງ ຕົວຢ່າງວ່າວິສາຫະກິດຜະລິດລົດໄດ້ປ່ຽນມາຜະລິດຜ້າປິດປາກແລະເຄື່ອງຊ່ວຍຫາຍໃຈຢ່າງເດັດດ່ຽວແລະວ່ອງໄວ. ການປ່ຽນແປງການຜະລິດເພື່ອຮັບມືກັບການແຜ່ລະບາດຂອງພະຍາດໂຄວິດ-19 ຢ່າງວ່ອງໄວເຫຼົ່ານີ້, ກໍຍ້ອນວ່າວິສາຫະກິດເຫຼົ່ານີ້ໄດ້ສະແຫວງຫາການປ່ຽນແປງຢ່າງເປັນເຈົ້າການໃນໄລຍະບໍ່ໄດ້ເກີດວິກິດການ.
ການສະແຫວງຫາການປ່ຽນແປງເປັນເຈົ້າການ
ໃນໄລຍະວິກິດການນ້ຳມັນເຊື້ອໄຟສອງເທື່ອກ່ອນນີ້ 40 ກວ່າປີ, ອຸສາຫະກຳເຄມີໜັກຂອງປະເທດຕ່າງໆໄດ້ຖືກກະທົບຢ່າງໜັກໜ່ວງ, ແຕ່ວ່າອາເມຣິກາທີ່ມີບົດຮຽນໃນການຮັບມືກັບວິກິດການດັ່ງກ່າວໄດ້ສຸມກຳລັງພັດທະນາອຸດສາຫະກຳຄອມພິວເຕີ, ການບິນ-ການບິນອະວະກາດ, ວິສະວະກຳຊີວະພາບ ແລະອື່ນໆ ເຊິ່ງເປັນອຸດສາຫະກຳໃໝ່ທີ່ມີມູນຄ່າເພີ່ມສູງ ແລະ ສິ້ນເປືອງພະລັງງານໜ້ອຍ, ໄດ້ປ່ຽນວິກິດການເປັນໂອກາດພັດທະນາແລະສຳເລັດການປ່ຽນແປງໂຄງປະກອບອຸດສາຫະກຳຂອງປະເທດຕົນ.
ປີ 1997, ໃນເວລາເກີດວິກິດການການເງິນອາຊີ, ຍີ່ປຸ່ນ ແລະ ສ.ເກົາຫຼີໄດ້ນຳໃຊ້ທ່າແຮງຂອງຕົນຢ່າງເຕັມທີ່, ຊຸກຍູ້ການຍົກລະດັບອຸດສາຫະກຳປະເທດຕົນ ແລະ ໄດ້ຕ້ອນຮັບມາໂອກາດພັດທະນາອຸດສາຫະກຳ “ບັນເທີງພາບກາຕູນ” ແລະ “ເຕັກນິກຂໍ້ມູນຂ່າວສານ.”
ປີ 2003, ພາຍຫຼັງເອົາຊະນະການແຜ່ລະບາດຂອງພະຍາດຊາສແລ້ວ, ການຄ້າເອເລັກໂຕຼນິກຂອງຈີນໄດ້ພັດທະນາຢ່າງວ່ອງໄວ, ບໍລິສັດອິນເຕີເນັດຈຳນວນຫຼວງຫຼາຍທີ່ດຳເນີນທຸລະກິດການຊື້ຂາຍເຄື່ອງທາງອິນເຕີເນັດ ແລະ ການຊຳລະເງິນແບບເຄື່ອນທີ່ເປັນຕົວແທນນັ້ນ ໄດ້ເຮັດໃຫ້ເສດຖະກິດດີຈີຕອນຂອງຈີນພັດທະນາຢ່າງວ່ອງໄວ.
ປັດຈຸບັນ, ໃນການຕໍ່ຕ້ານກັບການແຜ່ລະບາດຂອງພະຍາດໂຄວິດ-19 ທັງພາຍໃນແລະຕ່າງປະເທດ ແລະ ຄວາມສ່ຽງແຫ່ງເສດຖະກິດຊຸດໂຊມລົງ, ຈີນຕ້ອງສະແຫວງຫາໂອກາດຈາກວິກິດການ ແລະ ປ່ຽນວິກິດການກັບເປັນໂອກາດພັດທະນາ. “ປ່ຽນແປງແນວຄິດແລ້ວກໍມີຊ່ອງທາງພັດທະນາຢ່າງກວ້າງຂວາງ”, ເມື່ອຄົ້ນຄິດໄຕ່ຕອງຕໍ່ເສັ້ນທາງການສຳຫຼວດຄົ້ນຄວ້າຢູ່ແຂວງເຈີ້ຈ່ຽງຂອງທ່ານສີຈິ້ນຜີງໃນຄັ້ງນີ້ຈະເຫັນໄດ້ວ່າ, ທັດສະນະຄະຕິໃໝ່ດ້ານການພັດທະນາທີ່ “ປະດິດສ້າງໃໝ່, ປະສານງານກັນ, ສີຂຽວ, ເປີດປະຕູສູ່ພາຍນອກ, ແບ່ງປັນຮ່ວມກັນ” ກໍຄືເນື້ອໃນໃຈຄວາມໃນຕະຫຼອດໄລຍະສຳຫຼວດຂອງທ່ານ.
ຄຳເຫັນ
0