尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ຄຳ​ວ່າ “ການ​ປາ​ສະ​ຈາກ​ຈີນ”​ຫຼື “De-Sinicization” ເປັນ​ຄຳ​ເວົ້າ​ທາງ​ການ​ເມືອງ​ຫຼາຍກວ່າ​ຄວາມ​ໝາຍ​ຕົວ​ຈິງ

2020-04-17 16:33:22 cri

ຫວ່າງ​ມໍ່ໆ​ມາ​ນີ້, ນັກ​ການ​ເມືອງ​ບາງຄົນ​ຂອງ​ອາ​ເມ​ຣິ​ກາ​ໄດ້​ສວຍ​ໃຊ້​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ​ເລີ່ມ​ປັ່ນຂ່າວ​ກ່ຽວ​ກັບ​ຫົວ​ຂໍ້​ຕ່າງໆ​ອີກເຊັ່ນ: ວິ​ສາ​ຫະ​ກິດ​ອາ​ເມ​ຣິ​ກາ​ຢູ່​ຈີນ​​ຈະ​ຍ້າຍ​ຖານ​ການ​ຜະ​ລິດກັບຄືນ​ສູ່​ປະ​ເທດຕົນ,ວິ​ສາ​ຫະ​ກິດ​ຈຳ​ນວນ​ໜຶ່ງ​ມີ​ແຜນ​​ຈະ​ຍ້າຍ​​ຖານ​ການ​ຜະ​ລິດໄປ​ອາ​ຊີ​ຕາ​ເວັນ​ອອກ​ສຽງ​ໃຕ້​ແລະ​ຫົວ​ຂໍ້​ອື່ນໆ,ເພື່ອ​ສ້າງ​ຄວາມ​ປັ່ນ​ປ່ວນ​ໃຫ້ຕ່ອງ​ໂສ້​ອຸດ​ສາ​ຫະ​ກຳ​ໂລກ​ດ້ວຍ​ຖ້ອຍ​ຄຳ“​ການ​ປາ​ສະ​ຈາກ​ຈີນ”. ​ນັກ​ວິ​ເຄາະ​ຊີ້​ໃຫ້​ເຫັນ​ວ່າ: ການ​ສວຍ​ໃຊ້​ການ​​ແຜ່​ລະ​ບາດ​ຂອງ​ພະ​ຍາດ​ໂຄວິດ-19​ ເພື່ອ​ປັ່ນຂ່າວ​ແບບ“​ການ​ປາ​ສະ​ຈາກ​ຈີນ”, ເປັນ​ຄຳ​ເວົ້າ​ທາງ​ການ​ເມືອງ​ຫຼາຍກວ່າ​ຄວາມ​ໝາຍ​ຕົວ​ຈິງ. ໂດຍ​ສະ​ເພາະ​ຢູ່​ອາ​ເມ​ຣິ​ກາ, ພາຍ​ໃຕ້​​ນະ​ໂຍ​ບາຍ​ກ່ຽວ​ກັບ​ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ເກີດ​ມີ​ສະ​ພາບຄວາມ​ຜິດ​ພາດ ແລະ​ອັດ​ຕາ​ກາ​ນວ່າງ​ງານ​​ເພີ່ມສູງ​ຂຶ້ນ​ຢ່າງວ່ອງ​ໄວ​ເຮັດ​ໃຫ້​ຄວາມ​ຂັດ​ແຍ້ງ​ກັນ​ພາຍ​ໃນ​ປະ​ເທດ​ຕົນ​ນັບ​ມື້​ນັບ​ຮຸນ​ແຮງ​ຂຶ້ນ, ການ​ປັ່ນ​ຂ່າວ​ກ່ຽວ​ກັບຫົວ​ຂໍ້​ດັ່ງ​ກ່າວ​ກໍ​ເປັນ​ການ​ກະ​ທຳ​ເພື່ອ​ຫັນ​ເຫ​ຄວາມ​ສົນ​ໃຈ​ແລະ​ຜ່ອນ​ຄາຍ​ຄວາມ​ຂັດ​ແຍ້ງ​ກັນ.
 

ປັດ​ຈຸ​ບັນ,ຖາ​ນະ​ຂອງ​ຈີນ​ໃນ​ຕ່ອງ​ໂສ້​ອຸດ​ສາ​ຫະ​ກຳ​ຂອງ​ໂລກ,​ກໍແມ່ນ​ຍ້ອນ​ຜົນ​ຈາກ​ທ່າ​ແຮງຕ່າງໆທີ່​ໄດ້​ສະ​ສົມ​ໄວ້​ໃນ​ການ​ພັດ​ທະ​ນາ​ໃນ​ຫຼາຍ​ສິບ​ປີ​ຜ່ານ​ມາ​ເຊັ່ນ:ລະ​ບົບ​ອຸດ​ສາ​ຫະ​ກຳ​ທີ່​ສົມ​ບູນ,ພື້ນ​ຖານ​ໂຄງ​ລ່າງ​ທີ່ສົມ​ບູນ,ບຸກ​ຄະ​ລາ​ກອນແລະ​ແຮງ​ງານ​ທີ່​ອຸ​ດົມ​ສົມ​ບູນ​ແລະ​ອື່ນໆ,ທັງແມ່ນ​ຍ້ອນວິ​ສາ​ຫະ​ກິດ​ຂ້າມ​ຊາດໄດ້​ເລືອກ​ລົງ​ທຶນ​ຢູ່​ຈີນ.
 

ຄົນ​ອາ​ເມ​ຣິ​ກາ​ບາງ​ຄົນ​ໄດ້​ຮຽກ​ຮ້ອງ​ໃຫ້​ວິ​ສາ​ຫະ​ກິດປະ​ເທດ​ຕົນ​ກັບ​ຄືນ​ສູ່​ອາ​ເມ​ຣິ​ກາ,ກໍ​ຕ້ອງ​ຖາມ​ຜູ້​ບໍ​ລິ​ໂພກ​​ຊາວ​ອາ​ເມ​ຣິ​ກາ​ກ່ອນວ່າ: ຈະ​ຍິນ​ດີ​​ຈ່າຍເງິນ 2 ພັນ​ໂດ​ລາ​ສະ​ຫະ​ລັດ​ຊື້​ມື​ຖື​ຍີ່​ຫໍ້​ແອັບ​ເປີ້ນ​ເຄື່ອງ​ໜຶ່ງ​ຫຼື​ບໍ່?ຫຼື​ວ່າ​ຈະ​ຍິນ​ດີ​ຈ່າຍ​ເງິນ 25 ໂດ​ລາ​ສະ​ຫະ​ລັດ​ຊື້​ຖົງ​ຕີນ​ຄູ່​ໜຶ່ງ​ຫຼື​ບໍ່?
 

ໜັງ​ສື​ພິມ​ການ​ເງິນ​ທາມ​ສ໌​ຂອງ​ອັງ​ກິດ​ໄດ້​ພິມ​ບົດ​ວິ​ເຄາະ​ໂດຍ​ຂຽນ​ວ່າ​: ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ແມ່ນ​ວິ​ກິດ​ການ​​ທົ່ວ​ໂລກ,ຫາກ​ບໍ່​ແມ່ນ​ວິ​ກິດ​ການ​ແບບ​ໂລ​ກາ​ພິ​ວັດ. ບໍ່​ວ່າ​ໃນ​ດ້ານ​ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຫຼື​ວ່າ​ໃນ​ດ້ານ​ການ​ພັດ​ທະ​ນາ​ເສດ​ຖະ​ກິດ,ການ​ຮ່ວມ​ມື​ແບບ​ມີ​ຄວາມ​ສາ​ມັກ​ຄີ​ກັນ​ຈຶ່ງ​ຈະ​ແມ່ນ​ທາງ​ອອກ​​ພຽງ​ທາງ​ດຽວ​ເທົ່າ​ນັ້ນ.

ຄຳ​ເຫັນ

0