尚艳波

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ສັງ​ຄົມ​ອາ​ເມ​ຣິ​ກາ​ມີ​ຄວາມ​ສົງ​ໄສຕໍ່​ລັດ​ຖະ​ບານ​ທີ່​ບໍ່​ຍອມ​ຮັບ​ຜິດ​ຊອບ​​ຕໍ່​ໜ້າ​ທີ່ຂອງ​ຕົນ​ໃນ​ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19

2020-04-18 17:25:17 cri

ໂດຍ​ປະ​ເຊີນ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຢ່າ​ງວ່ອງ​ໄວ​ຢູ່​ອາ​ເມ​ຣິ​ກາ, ລັດ​ຖະ​ບານ​ອາ​ເມ​ຣິ​ກາ​ໄດ້​ຫາ​ຂໍ້​ອ້າງ​ເພື່ອ​ປັດ​ປ່າຍ​ເລື່ອງ​ທີ່​ຕົນ​ບໍ່​ໄດ້​ສຸມ​ຄວາມ​ພະ​ຍາ​ຍາມ​​ໃນ​ການ​ປ້ອງ​ກັນ​ພະ​ຍາດ.

ຂໍ້​ອ້າງ​ທີ 1 : ອາ​ເມ​ຣິ​ກາ​ບໍ່​ເຂົ້າ​ໃຈຕໍ່ສະ​ພາບ​ບໍ່?

ໃນ​ຕົ້ນ​ເດືອນ​ມີ​ນາ​ປີ​ນີ້,ເນື່ອງ​ຈາກ​ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ​ຢູ່​ອາ​ເມ​ຣິ​ກາ​ໄດ້ເພີ່ມ​ຂຶ້ນ​ຢ່າງ​​ຮ້າຍ​ແຮງ,ແລະເພື່ອ​ປິດ​ບັງ​ການ​ເຄື່ອນ​ໄຫວ​ຮັບ​ມື​ທີ່​ຊັກ​ຊ້າ​ໃນ​ຕົ້ນ​ໄລ​ຍະ​ການ​ແຜ່​ລະ​ບາດ​ຂອງ​ພະ​ຍາດ,ລັດ​ຖະ​ບານ​ອາ​ເມ​ຣິ​ກາ​ໄດ້​ກ່າວ​ວ່າ​: ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຢູ່​ອາ​ເມ​ຣິ​ກາແມ່ນ​ຍ້ອນ​ຈີນ​ບໍ່​ໄດ້​ແຈ້ງ​ຂໍ້​ມູນ​ທີ່​ລະ​ອຽດ​ກ່ຽວ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ​ໃຫ້​ບັນ​ດາ​ປະ​ເທດ​ໃນ​ໂລກ​ແລະ​ອົງ​ການ​ອະ​ນາ​ໄມ​ໂລກ​ຫຼື WHO ​ໄດ້​ຮູ້​ຢ່າງ​ທັນ​ການ.ແຕ່​ທີ່​ຈິງ​ແລ້ວ,ໃນ​ວັນ​ທີ 3 ມັງ​ກອນປີ​ນີ້, ຈີນ​ກໍ່​ໄດ້​ແຈ້ງ​ຂ່າວກ່ຽວ​ກັບ​ພະ​ຍາດ​ໂຄວິດ-19 ຕໍ່​ຝ່າຍ​ອາ​ເມ​ຣິ​ກາ​ແລ້ວ,ພ້ອມ​ທັງ​ໄດ້​ກ່າວ​ເນັ້ນເຖິງ​ຄວາມ​ອັນ​ຕະ​ລາຍ​ຂອງ​ເຊື້ອ​ພະ​ຍາດ​ດັ່ງ​ກ່າວ. “ໜັງ​ສື​ພິມ ​ນິວຢອກ​ທາມ​ສ໌” “ໜັງ​ສື​ພິມ​ວໍ​ຊິງ​ຕັນ​ໂພ​ສ໌” CNN ແລະ​ສື່ມວນ​ຊົນ​ອື່ນໆ​ຫຼາຍ​ແຫ່ງຂອງ​ອາ​ເມ​ຣິ​ກາ​ລ້ວນ​ແຕ່​ໄດ້​ພິມ​ບົດ​ຄວາມ​ກ່ຽວ​ຂ້ອງ​ກັບ​ຂ່າວ​ດັ່ງ​ກ່າວ.

图片默认标题_fororder_webwxgetmsgimg (1)
ຂໍ້​ອ້າງ​ທີ 2 : ປ​ະ​ເທດ​ອື່ນໆ​ໃນ​ໂລກ​ມີ​ໜ້າ​ທີ່​ຮັບ​ຜິດ​ຊອບ

ຕາມ CNBC ລາຍ​ງານ​ໃນ​ວັນ​ທີ 24 ມີ​ນາ​​ຜ່ານ​ມາ​ວ່າ: ພາຍ​ຫຼັງ​ພະ​ຍາດ​ໂຄວິດ-19 ໄດ້​ເລີ່ມ​ແຜ່​ລະ​ບາດ​ຂະ​ໜາດ​ໃຫຍ່​ຢູ່​ອາ​ເມ​ຣິ​ກາ​ແລ້ວ,ທ່ານ ໂດ​ໂນ ທ​ຣຳ ກໍ​ໄດ້​ເລີ່ມ​ປັດ​ປ່າຍ​ໜ້າ​ທີ່​​ຄວາມຮັບ​ຜິດ​ຊອບ​ໃຫ້​ແກ່​ທ່ານ ບາ​ຣັກ ໂອ​ບາ​ມາ ອະ​ດີດ​ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ເລື້ອຍໆ,ພ້ອມ​ທັງ​ກ່າວ​ວ່າ​ຕົນ​ “​ບໍ່​ມີ​ຄວາມ​ຮັບ​ຜິດ​ຊອບ​ແຕ່​ຢ່າງ​ໃດ” ຕໍ່​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19.

图片默认标题_fororder_webwxgetmsgimg (2)
ໃນ​ວັນ​ທີ 14 ເມ​ສາ​ນີ້, ທ່ານ ໂດ​ໂນ ທ​ຣຳ ໄດ້​ກ່າວ​ຢ່າງ​ເປີດ​ເຜີຍ​ວ່າ: ຈະ​ຢຸດ​ຕິ​ການ​ໃຫ້​ເງິນ​ອຸດ​ໜູນ​ແກ່ WHO, ພ້ອມ​ທັງ​ຕຳໜິ WHO ວ່າ “ບໍ່​ໄດ້​​ມີຄວາມ​ຮັບ​ຜິດ​ຊອບ​ເທົ່າ​ທີ່​ຄວນ​”. ໜັງ​ສື​ພິມ​ວໍ​ຊິງ​ຕັນ​ໂພ​ສ໌ລາຍ​ງານ​ວ່າ: ການ​ກະ​ທຳ​ຂອງ​ທ່ານ ໂດ​ໂນ ທ​ຣຳ ດັ່ງ​ກ່າວ​ມີ​ຈຸດ​ປະ​ສົງ​ເພື່ອ​ປັດ​ປ່າຍ​ໃນ​ສິ່ງ​ທີ່​ຕົນ​ບໍ່​ໄດ້ສຸມ​ຄວາມ​ພະ​ຍາ​ຍາມໃນ​ການ​ປ້ອງ​ກັນ​ພະ​ຍາດ​ກ່ອນ​ໜ້າ​ນີ້.

ລັດ​ຖະ​ບານ​ອາ​ເມ​ຣິ​ກາ​ບໍ່​ໄດ້​ໃຫ້​ຄວາ​ມ​ສຳ​ຄັນ​ຕໍ່​ການ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ໂຄວິດ-19

ໃນ​ຂະ​ນະ​ທີ່​ລັດ​ຖະ​ບານ​ໂດ​ໂນ ທ​ຣຳ ບໍ່​ຍອມ​​ຮັບ​ຜິດ​ຊອບຕໍ່​ໜ້າ​ທີ່​ຂອງ​ຕົນ,ນະ​ໂຍ​ບາຍ​ກ່ຽວ​ກັບ​ການ​ປ້ອງ​ກັນ​ພະ​ຍາດ​ຂອງ​ປະ​ເທດ​ຕົນ​ຍັງ​ບໍ່​ໄດ້​ມີ​ການ​ວາງ​ແຜນ​ຮັບ​ມື​ໄດ້​ດີ​ເທົ່າ​ທີ່​ຄວນ. ການ​ທີ່​ສິ້ນ​ເປືອງ​ເວ​ລາ​ແລະ​ປະ​ຕິ​ບັດ​ວຽກ​ງານຢ່າງ​ຊັກ​ຊ້າ​ຊ້ຳ​ແລ້ວ​ຊ້ຳ​ອີກ,ເຮັ​ດ​ໃຫ້​ອາ​ເມ​ຣິ​ກາ​ກາຍ​ເປັນ​ປະ​ເທດ​ທີ່​ມີ​ຈຳ​ນວນ​ຜູ້​ຕິດ​ແປດ​ພະ​ຍາດ​ໂຄວິດ-19 ຫຼາຍກວ່າ​ໝູ່​ໃນ​ໂລກ,ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ແລະ​ຜູ້​ເສຍ​ຊີ​ວິດ​ຍ້ອນ​ເປັນ​ພະ​ຍາດ​ໄດ້​ເພີ່ມ​ຂຶ້ນ​ຢ່າງວ່ອງ​ໄວ.

​ນັກການ​ເມືອງ​ອາ​ເມ​ຣິ​ກາ​​ໄດ້​ຖ່ວງ​ດຶງ​ການ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ໂຄວິດ-19 ຂອ​ງ​ທົ່ວ​ປະ​ເທດ​ຕົນ

图片默认标题_fororder_webwxgetmsgimg (3)
ທ່ານ ເຮັນ​ຣີ ໄຣ​ມອ​ນ​ດ໌ ຮອງ​ສາ​ສະ​ດາ​ຈານ​ຄະ​ນະ​ສາ​ທາ​ລະ​ນະ​ສຸ​ກ​ຂອງ​ມະ​ຫາ​ວິ​ທະ​ຍາ​ໄລຣຸດ​ເກີ​ສ໌​ຂອງ​ອາ​ເມ​ຣິ​ກາ, ​ນັກ​ລະ​ບາດ​ວິ​ທະ​ຍາໄດ້​ແຈ້ງ​ສາ​ເຫດ​ທີ່​ພາ​ໃຫ້ມີ​ການ​ສິ້ນ​ເປືອງ​ເວ​ລາ​ໃນ​ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອ​ງ​ພະ​ຍາດ​ໂຄວິດ-19 ​ຢູ່ອາ​ເມ​ຣິ​ກາ​. ທ່ານ​ກ່າວ​ວ່າ: “ໂດຍ​ໄດ້​ພິ​ຈາ​ລະ​ນາ​ເຖິງ​​ການ​ຮັບ​ມື​ທີ່​ພວກ​ເຮົາເຄີຍ​ໄດ້​ແກ້​ໄຂ​ບັນ​ຫາ​ພະ​ຍາດ SARS ແລະ MERS ກໍ​ຄື​ວິ​ກິດ​ການ​ສາ​ທາ​ລະ​ນະ​ສຸກ​ອື່ນໆ,ຂ້າ​ພະ​ເຈົ້າ​ຄິດ​ວ່າ​ອາ​ເມ​ຣິ​ກາ​ຈະ​ມີ​ຄວາມ​ສາ​ມາດ​ຮັບ​ມື​ໄດ້​ຢ່າງວ່ອງ​ໄວ​ກວ່າ​ເກົ່າ. ແຕ່​ກ່ອນ​ໜ້າ​ນີ້,ການ​ແຜ່​ລະ​ບາດ​ຂອງ​ພະ​ຍາດ​​ດັ່ງ​ກ່າວ​ມີ​ຄວາມ​ຊັກ​ຊ້າກວ່າ,ແລະ​ສ່ວນ​ໃຫຍ່​ໄດ້​ຖືກສະ​ກັດ​ກັ້ນ​​ໄວ້​ໄດ້ຢ່າງວ່ອງ​ໄວ ສິ່ງ​ເຫຼົ່ານີ້​ອາດ​ຈະ​ເຮັດ​ໃຫ້​ປະ​ຊາ​ຊົນ​ມີ​ຄວາມ​ໝັ້ນ​ໃຈ​ຫຼາຍ​ເກີນ​ໄປ​​ຈຶ່ງ​ບໍ່​ໄດ້​ເອົາ​ໃຈ​ໃສ່​ຢ່າງ​ພຽງ​ພໍ​ກັບ​ເຫດ​ການ​ຄັ້ງ​ນີ້.”

ຄຳ​ເຫັນ

0