ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອີງຕາມແຜນການ, ປີນີ້ ຈີນຈະສຳເລັດໜ້າທີ່ລົບລ້າງຄວາມທຸກຍາກ ແລະບັນລຸການສ້າງເປັນສັງຄົມທີ່ອິ່ມໜຳສຳລານຢ່າງຮອບດ້ານ.
ແຕ່ວ່າ ສະພາບພະຍາດໂຄວິດ-19 ທີ່ເກີດຂຶ້ນຢ່າງກະທັນຫັນ ໄດ້ສ້າງຄວາມຫຍຸ້ງຍາກໃຫ້ແກ່ເປົ້າໝາຍດັ່ງກ່າວ. ປັດຈຸບັນ, ຫ່າງຈາກການສຳເລັດໜ້າທີ່ເປົ້າໝາຍດັ່ງກ່າວຍັງເຫຼືອແຕ່ 200 ກວ່າມື້ເທົ່ານັ້ນ, ຈີນຈະສາມາດບັນລຸເປົ້າໝາຍຕາມເວລາກຳນົດໄດ້ຫຼືບໍ່?
ໃນໄລຍະທີ່ທ່ານສີຈິ້ນພິງລົງໄປກວດການແຂວງສ້ານຊີ ແຕ່ວັນທີ 20 ຫາ 23 ເມສານີ້, ໄດ້ຊີ້ແຈງທິດທາງແລະເສັ້ນທາງໃຫ້ແກ່ການນຳໃຊ້ມາດຕະການເພື່ອລົບລ້າງຄວາມທຸກຍາກ.
ໃນຕອນບ່າຍວັນທີ 20 ແລະຕອນເຊົ້າວັນທີ 21 ເມສານີ້, ທ່ານສີຈິ້ນຜິງໄດ້ໄປຮອດສອງເມືອງ ທີ່ຕັ້ງຢູ່ເຂດພູດອຍຊີນຫຼີງແລະຕ້າປ່າຊ່ານ. ເຂດດັ່ງກ່າວເປັນໜຶ່ງໃນເຂດທຸກຍາກທີ່ສຸດ 14 ແຫ່ງຂອງຈີນ. ທ່ານສີຈິ້ນຜິງໄດ້ໄປກວດກາຂະແໜງການປູກເຫັດຫູໜູ ແລະສວນປູກຕົ້ນຊາທ້ອງຖິ່ນ, ຍັງໄດ້ໄປຢ້ຽມຢາມຄຸ້ມຊຸມຊົນ, ໂຮງໝໍ ແລະໂຮງຮຽນໃຈກາງຢູ່ເມືອງ ເກົ່າໂດຍສະເພາະ.
ໃນເວລາກວດການ, ທ່ານສີຈິ້ນຜິງກ່າວເນັ້ນວ່າ: ຕ້ອງມີການຮັບປະກັນໃນ 6 ດ້ານ ແລະ ຮັກສາຄວາມໝັ້ນທ່ຽງໃນ 6 ດ້ານ ເພື່ອຜ່ານຜ່າຄວາມຫຍຸ້ງຍາກທີ່ເກີດມາຈາກການແຜ່ລະບາດຂອງພະຍາດໂຄວິດ-19, ຮັບປະກັນໃຫ້ສຳເລັດເປົ້າໝາຍຫຼຸດພົ້ນອອກຈາກຄວາມທຸກຍາກ ແລະ ສ້າງສັງຄົມທີ່ອີ່ມໜຳສຳລານຢ່າງຮອບດ້ານ.
ການຮັບປະກັນໃນ 6 ດ້ານກໍຄື: ຮັບປະກັນການມີວຽກເຮັດງານທຳຂອງປະຊາຊົນ, ຮັບປະກັນພື້ນຖານການດຳລົງຊີວິດຂອງປະຊາຊົນ, ຮັບປະກັນການເຄື່ອນໄຫວຂອງຕະຫຼາດ, ຮັບປະກັນຄວາມປອດໄພດ້ານທັນຍາຫານແລະພະລັງງານ, ຮັບປະກັນຄວາມໝັ້ນທ່ຽງຂອງຕ່ອງໂສ້ອຸດສາຫະກຳ ແລະ ຮັບປະກັນການເຄື່ອນໄຫວຂັ້ນຮາກຖານ.
ສ່ວນການຮັກສາຄວາມໝັ້ນທ່ຽງໃນ 6 ດ້ານກໍຄື: ຮັກສາຄວາມໝັ້ນທ່ຽງດ້ານການປະກອບອາຊີບ, ຮັກສາຄວາມໝັ້ນທ່ຽງດ້ານການທະນາຄານ, ຮັກສາຄວາມໝັ້ນທ່ຽງດ້ານການຄ້າກັບຕ່າງປະເທດ, ຮັກສາຄວາມໝັ້ນທ່ຽງດ້ານການລົງທຶນຂອງຕ່າງປະເທດ ແລະ ຮັກສາຄວາມໝັ້ນທ່ຽງດ້ານຄາດໝາຍ.
“ຄວາມໝັ້ນທ່ຽງ” ແມ່ນສະພາບກວມລວມ, “ການຮັບປະກັນ” ແມ່ນຮັບປະກັນເສັ້ນເພດານຕ່ຳສຸດ.
ໃນເວລາໄປກວດກາວຽກງານຢູ່ແຂວງສ້ານຊີ່, ທ່ານເລຂາທິການໃຫຍ່ສີຈິ້ນຜິງໄດ້ໃຫ້ຄວາມສຳຄັນທີ່ສຸດ ຕໍ່ວຽກງານການລຶບລ້າງຄວາມທຸກຍາກ ດ້ວຍການພັດທະນາອຸດສາຫະກຳ,ບົນພື້ນຖານ “ຄວາມໝັ້ນທ່ຽງ” ແລະ “ການຮັບປະກັນ”, ຍັງຕ້ອງມີການ “ພັດທະນາ” ອີກ.
ຂໍຍົກເອົາແຂວງສ້ານຊີ່ເປັນຕົວຢ່າງຄືເກົ່າ: ການຫຼຸດພົ້ນອອກຈາກຄວາມທຸກຍາກຂອງທ້ອງຖິ່ນ ບໍ່ພຽງແຕ່ອີງອາໄສ “ການຊ່ວຍເຫຼືອຈາກພາຍນອກ” ເທົ່ານັ້ນ, ຫາກຍັງຈະຕ້ອງເອົາໃຈໃສ່ອົບຮົມບົ່ມສ້າງອຸດສາຫະກຳ ເພື່ອສ້າງຄວາມສາມາດໃຫ້ຕົນເອງອີກດ້ວຍ,ຕ້ອງຈັດເອົາຄຸນນະພາບດ້ານການຫຼຸດພົ້ນອອກຈາກຄວາມທຸກຍາກ ໄວ້ຢູ່ອັນດັບໜຶ່ງ, ສ້າງພູຂຽວນ້ຳໃສໃຫ້ກາຍເປັນພູເງິນພູຄຳ ດ້ວຍແນວຄວາມຄິດພັດທະນາໃໝ່, ໃຫ້ເຕັກນິກຖ່າຍທອດສົດຂາຍສິນຄ້າທາງອິນເຕີເນັດ ເຊື່ອມຕໍ່ກັບຕະຫຼາດໃຫຍ່ ແລະ ເຮັດໃຫ້ຕ່ອງໂສ້ອຸດສາຫະກຳການຜະລິດຂະຫຍາຍຕົວ.
ເມື່ອສັງເກດຈາກຂອບເຂດທົ່ວປະເທດແລ້ວເຫັນວ່າ: ເສດຖະກິດທີ່ແທ້ຈິງ ໂດຍສະເພາະແມ່ນອຸດສາຫະກຳການຜະລິດ ໄດ້ອີງໃສ່ “ເຕັກນິກຂັ້ນສູງ(cloud technology)” ແລະ ເຕັກນິກອື່ນໆ ເພື່ອນຳມາໃຊ້ໃນການຜະລິດທີ່ມີລະດັບສູງກວ່າເກົ່າ, ການກໍ່ສ້າງພື້ນຖານໂຄງລ່າງໃໝ່ ເຊັ່ນ: 5G ແລະ ລະບົບອິນເຕີເນັດແຫ່ງສັບພະສິ່ງເປັນຕົ້ນ ໄດ້ກາຍເປັນ “ທາງດ່ວນໃໝ່” ທີ່ຮັບປະກັນການພັດທະນາທີ່ຍືນຍົງ, ການກໍ່ສ້າງພື້ນຖານໂຄງລ່າງ ແລະ ການຕາບຈູນຄວາມບົກຜ່ອງດ້ານການບໍລິການສາທາລະນະຢູ່ຊົນນະບົດ ເຮັດໃຫ້ຂັ້ນຮາກຖານມີຄວາມໝັ້ນຄົງກວ່າເກົ່າ ເຊິ່ງຈະຮ່ວມກັນຊຸກຍູ້ໃຫ້ເສດຖະກິດຈີນ ພັດທະນາໄດ້ໄວກວ່າເກົ່າແລະ ມີຄຸນນະພາບສູງກວ່າເກົ່າ.
ທ່ານໂຣເບີດ ໂລຣານສ ກູນ, ປະທານມູນນິທິກູນຂອງອາເມຣິກາຕີລາຄາວ່າ, ນັກປະຫວັດສາດໃນອະນາຄົດ ຈະບັນທຶກການເຄື່ອນໄຫວລົບລ້າງຄວາມທຸກຍາກຂອງຈີນ ທີ່ບໍ່ເຄີຍມີມາກ່ອນ ໃນປະຫວັດສາດນັ້ນ ໃຫ້ເປັນການປະ ກອບສ່ວນທີ່ສໍາຄັນທີ່ສຸດໃນປະຫວັດສາດຂອງໂລກ ໃນດ້ານການປັບປຸງຊີວິດ ການເປັນຢູ່ຂອງມວນມະນຸດໃຫ້ດີຂຶ້ນ.
ປິນີ້,ຈີນບັນລຸເປົ້າໝາຍຫຼຸດພົ້ນອອກຈາກຄວາມທຸກຍາກຢ່າງຮອບດ້ານຕາມເວລາກໍານົດ, ຈະໝາຍຄວາມວ່າ ຈີນບັນລຸເປົ້າໝາຍຫຼຸດຜ່ອນຄວາມທຸກຍາກ ທີ່ລະບຸໄວ້ໃນວາລະການພັດທະນະແບບຍືນຍົງປີ 2030 ຂອງອົງການ ສະຫະປະຊາຊາດ ກ່ອນເວລາກຳນົດ 10 ປີ ເຊິ່ງມີຄວາມໝາຍທີ່ສໍາຄັນຕໍ່ ທົ່ວໂລກ.
ຄຳເຫັນ
0