ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວາລະສານ “ຊິວຊື້” ສະບັບວັນທີ 1 ພຶດສະພາປີ2020 ຈະລົງພິມບົດຄວາມສຳຄັນຂອງທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນ ທີ່ພາດຫົວຂໍ້ວ່າ “ຄຳເຫັນໃນກອງປະຊຸມສຳມະນາກ່ຽວກັບການເອົາຊະນະໃນບັ້ນລຶບລ້າງຄວາມທຸກຍາກ”.
ໃນບົດຄວາມໄດ້ເນັ້ນວ່າ, ການເອົາຊະນະໃນບັ້ນລຶບລ້າງຄວາມທຸກຍາກຢ່າງຖືກຕ້ອງກັບເປົ້າໝາຍທີ່ແນ່ນອນແມ່ນ 1 ໃນ 3 ບັ້ນສຳຄັນທີ່ສະເໜີອອກໃນກອງປະຊຸມໃຫຍ່ຂອງພັກກອມມູນິດຈີນຄັ້ງທີ 19, ມີຄວາມໝາຍທີ່ສຳຄັນຢ່າງຍິ່ງຕໍ່ການສ້າງສັງຄົມທີ່ອິ່ມໜຳສຳລານໃຫ້ສຳເລັດຢ່າງຮອບດ້ານຕາມເວລາກຳນົດ ແລະ ບັນລຸເປົ້າໝາຍສູ້ຊົນຂອງເຫດການ100ປີທຳອິດຂອງຈີນ. ຕ້ອງມີສະຕິຮັບຮູ້ຄວາມລຳບາກໃນການປະຕິບັດໜ້າທີ່ໃນການເອົາຊະນະໃນບັ້ນລຶບລ້າງຄວາມທຸກຍາກ, ຮັບຮູ້ບັນຫາທີ່ພົ້ນເດັ່ນໃນພຶດຕິກຳ ແລະ ຄວາມຮີບດ່ວນໃນການແກ້ໄຂບັນຫາເຫຼົ່ານີ້, ຖືເອົາການຍົກສູງຄຸນນະພາບຂອງການລຶບລ້າງຄວາມທຸກຍາກໄວ້ຢູ່ອັນດັບໜຶ່ງ, ສຸມໃສ່ເຂດທຸກຍາກທີ່ສຸດ, ຊຸກຍູ້ບັ້ນລຶບລ້າງຄວາມທຸກຍາກໃຫ້ກ້າວໄປໜ້າຢ່າງໜັກແໜ້ນ.
ບົດຄວາມຊີ້ອອກວ່າ, ໃນພຶດຕິກຳອັນຍິ່ງໃຫຍ່ຂອງບັ້ນລຶບລ້າງຄວາມທຸກຍາກ, ພວກເຮົາໄດ້ສະສົມບົດຮຽນອັນລ້ຳຄ່າຢ່າງຫຼວງຫຼາຍ. ຄື: ໜຶ່ງ ຍຶດໝັ້ນການນຳພາຂອງພັກ, ເພີ່ມທະວີການຮັບປະກັນດ້ານການຈັດຕັ້ງ. ສອງ, ຍຶດໝັ້ນໃນແຜນນະໂຍບາຍທີ່ຖືກຕ້ອງກັບເປົ້າໝາຍທີ່ແນ່ນອນ, ຍົກສູງປະສິດທິຜົນຂອງການລຶບລ້າງຄວາມທຸກຍາກ. ສາມ, ຍຶດໝັ້ນໃນເພີ່ມທະວີງົບປະມານ, ເພີ່ມທະວີການສະໜັບສະໜູນດ້ານເງິນທຶນ. ສີ່, ຍຶດໝັ້ນໃນການປຸກລະດົມທາງສັງຄົມ, ເຕົ້າໂຮມກຳລັງຂອງທຸກຝ່າຍ. ຫ້າ, ຍຶດໝັ້ນໃນການປະຕິບັດຕາມມາດຕະຖານຢ່າງເຂັ້ມງວດ, ຊຸກຍູ້ການເຮັດແທ້ທຳຈິງ. ຫົກ, ຍຶດໝັ້ນໃນການຖືປະຊາຊົນເປັນກຳລັງຕົ້ນຕໍ, ກະຕຸກຊຸກຍູ້ກຳລັງພາຍໃນ. ບົດຮຽນເຫຼົ່ານີ້ລ້ຳຄ່າຫຼາຍ, ຕ້ອງຍຶດໝັ້ນເປັນເວລາຍາວນານ ແລະ ປັບປຸງໃຫ້ຂະຫຍາຍຕົວຢ່າງບໍ່ຢຸດຢັ້ງ.
ຄຳເຫັນ
0