ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດວັນກຳມະກອນສາກົນ 1 ພຶດສະພາຈະໝູນວຽນມາເຖິງນີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນໄດ້ຕອບຈົດໝາຍພະນັກງານທຸກຖ້ວນໜ້າຂອງກຸ່ມບໍລິສັດຢວນຟ່າງນະຄອນເຈີ້ງໂຈ່ວໃນວັນທີ 30 ເມສາຜ່ານມາ ເພື່ອສົ່ງຄວາມຢື້ຢາມຖາມຂ່າວເຖິງເຂົາເຈົ້າກໍຄືປະຊາຊົນຜູ້ອອກແຮງງານບັນດາເຜົ່າໃນຂອບເຂດທົ່ວປະເທດ.
ຈົດໝາຍຂອງທ່ານສີຈິ້ນຜິງໄດ້ຂຽນວ່າ: ພາຍຫຼັງເກີດການແຜ່ລະບາດຂອງພະຍາດCOVID-19ແລ້ວ, ພາຍໃຕ້ການນຳພາຂອງຄະນະພັກກຸ່ມບໍລິສັດ, ພວກທ່ານໄດ້ເຝົ້າປະຈຳການຕາມໜ້າທີ່ຮັບຜິດຊອບຕ່າງໆເຊັ່ນ:ວຽກງານອະນາໄມ, ບໍລິການທີ່ກ່ຽວຂ້ອງເປັນຕົ້ນ,ພວກທ່ານຈຳນວນບໍ່ໜ້ອຍໄດ້ເປັນເຈົ້າການສະໝັກໄປຊ່ວຍເຫຼືອໂຮງໝໍແຫ່ງຕ່າງໆຢ່າງຮີບດ່ວນເຊັ່ນ:ອູຮັ້ນເປັນຕົ້ນ, ເຊິ່ງໄດ້ປະກອບສ່ວນໃນການຕ້ານກັບພະຍາດດ້ວຍການກະທຳຕົວຈິງຂອງຕົນ, ພວກທ່ານລຳບາກຫຼາຍ!
ທ່ານສີຈິ້ນຜິງຊີ້ໃຫ້ເຫັນວ່າ: ຄວາມຍິ່ງໃຫຍ່ມາຈາກຄວາມທຳມະດາ, ວິລະຊົນມາຈາກປະຊາຊົນ. ເມື່ອປະເຊີນໜ້າກັບການແຜ່ລະບາດຂອງພະຍາດ COVID-19 ທີ່ເກີດຂຶ້ນຢ່າງກະທັນຫັນຄັ້ງນີ້, ຈາກພະນັກງານແພດໝໍທີ່ສູ້ຊົນຢູ່ແນວໜ້າ ຕະຫຼອດຮອດບຸກຄົນຝ່າຍຕ່າງໆທີ່ເຂົ້າຮ່ວມການປ້ອງກັນແລະຄວບຄຸມພະຍາດ, ຈາກກຳມະກອນອະນາໄມ, ຜູ້ສົ່ງສິນຄ້າດ່ວນຕະຫຼອດຮອດກຳມະກອນຜະລິດວັດຖຸອຸປະກອນປ້ອງກັນພະຍາດ, ຜູ້ອອກແຮງງານນັບເປັນໝື່ນເປັນລ້ານໄດ້ຕັ້ງໃຈເຮັດວຽກຢ່າງດຸໝັ່ນອົດທົນແລະອຸທິຕົນຢ່າງງຽບໆຕາມໜ້າທີ່ວຽກງານຂອງຕົນ ເຊິ່ງໄດ້ເຕົ້າໂຮມກຳລັງແຮງອັນເຂັ້ມແຂງໃນການເອົາຊະນະພະຍາດ. ຫວັງວ່າ ປະຊາຊົນຜູ້ອອກແຮງງານອັນໄພສານຈະຍຶດໝັ້ນຄວາມໝັ້ນໃຈ,ຮັກສາຄວາມຫ້າວຫັນເຮັດວຽກແລະເຊີດຊູຈິດໃຈອອກແຮງງານ, ຜ່ານຜ່າຄວາມຫຍຸ້ງຍາກແລະອຸປະສັກຕ່າງໆນາໆ, ສືບຕໍ່ສ້າງວິລະກຳທີ່ບໍ່ທຳມະດາໃນໜ້າທີ່ວຽກງານທຳມະດາຂອງຕົນ, ອອກແຮງງານຢ່າງດຸໝັ່ນເພື່ອປະກອບສ່ວນຫຼາຍກວ່າເກົ່າເຂົ້າໃນການປ້ອງກັນແລະຄວບຄຸມພະຍາດກໍຄືການພັດທະນາເສດຖະກິດສັງຄົມ.
ຄຳເຫັນ
0