ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນພິທີອວຍພອນບຸນກຸດຈີນປີ 2015ຂອງສູນກາງພັກແລະລັດຖະບານຈີນ，ທ່ານສີຈິ້ນຜິງໄດ້ອ່ານບົດກະວີບົດໜຶ່ງໄດ້ຢ່າງຊື້ງໃຈຄື:ບົດກະວີ “ລູກອອກເດີນທາງໄກ” ເຊິ່ງເປັນຜົນງານຂອງທ່ານເມີ້ງຈ່ຽວນັກກະວີຜູ້ທີ່ມີຊື່ສຽງໃນລາຊະວົງຖັງ,ເນື້ອໃນບົດກະວີບົດນີ້ຂຽນວ່າ:“ແມ່ຖືເຂັມຄ້ອງດ້າຍປາຍສອດຜູກ, ຫຍິບເສື້ອລູກ ດວງໃຈກຽມໄກຈາກ, ແມ່ຫຍິບຮ້ອຍແໜ້ນສຸດໃຈສຸດວິຊາ, ຫ່ວງບຸດຕາຫວນກັບຊ້າຈາກແດນໄກ. ໃຜວ່າຫຍ້າເສັ້ນນ້ອຍ ເທົ່າປອຍນຸ່ນຈະທຽບຄຸນແສງແດດອຸ່ນແຫ່ງລະດູບານໃໝ່.”
ໃນໂລກນີ້ ພໍ່ແມ່ເປັນຜູ້ທີ່ມີຄວາມເມດຕາກະລຸນາຫຼາຍທີ່ສຸດ, ລູກເຕົ້າເປັນຜູ້ທີ່ມີຄວາມກະຕັນຍູຮູ້ຄຸນຕໍ່ພໍ່ແມ່ທີ່ສຸດ.
ໃນຖານະເປັນແມ່, ຄວາມປອດໄພ ຄວາມສຸກສຳລານຂອງລູກເປັນສິ່ງທີ່ເຮັດໃຫ້ແມ່ສຸກໃຈທີ່ສຸດ.ໃນເວລາຝາກຄວາມຫວັງໄວ້ນຳທ່ານສີຈິ້ນຜິງ, ທ່ານນາງຊີຊິນຜູ້ເປັນແມ່ຍິ່ງຫວັງໃຫ້ລູກແບກຫາບຄວາມຮັບຜິດຊອບທີ່ມີຕໍ່ປະເທດຊາດແລະປະຊາຊົນໃຫ້ຫຼາຍກວ່າເກົ່າ.ການອົບຮົມບົ່ມສອນດ້ວຍການປະພຶດທີ່ດີຂອງແມ່ໄດ້ສົ່ງອິດທິພົນທີ່ເປັນປະໂຫຍດໃຫ້ກັບທ່ານສີຈິ້ນຜິງຕະຫຼອດຊີວິດ.
ຕອນທີ່ທ່ານສີຈິ້ນຜິງມີອາຍຸປະມານ 5-6 ປີ,ແມ່ເຄີຍເຈ່ຍເພິ່ນໄປຊື້ປື້ມປະກອບຮູບແຕ້ມກ່ຽວກັບຢ້ວຍເຟີ່ຍ. ທ່ານສີຈິ້ນຜິງເລົ່າສູ່ຟັງວ່າ: ເມື່ອຊື້ປື້ມມາແລ້ວ,ແມ່ກໍ່ໄດ້ເລົ່າເລື່ອງວ່າ:“ແມ່ຂອງຢ້ວຍເຟີຍໄດ້ເອົາເຂັມສັກຕົວໜັງສືໃສ່ຫຼັງຂອງຢ້ວຍ
ເຟີຍເພື່ອໃຫ້ຢ້ວຍເຟີຍຮູ້ບຸນຄຸນແລະຕອບແທນປະເທດຊາດ.” ຂ້າພະເຈົ້າຖາມແມ່ວ່າ: ປັກເຂັມໃສ່ຫຼັງບໍ່ເຈັບບໍ! ແມ່ຕອບວ່າ: ເຈັບແທ້, ແຕ່ກໍ່ຈະຈົດຈຳໄວ້ໃນໃຈໄດ້ດີ.” ຄຳວ່າ“ຕອບແທນບຸນຄຸນປະເທດຊາດ “ກໍ່ໄດ້ເຮັດໃຫ້ທ່ານສີຈິ້ນຜິງຈື່ຈຳ
ໄວ້ໃນໃຈຕະຫຼອດມາຈົນຮອດປັດຈຸບັນແລະກາຍເປັນເປົ້າໝາຍທີ່ທ່ານສະແຫວງຫາໃນຕະຫຼອດຊີວິດຂອງຕົນ.
ເປັນເວລາດົນນານມາແລ້ວ, ທ່ານນາງຊີຊິນໄດ້ຍຶດໝັ້ນແບບແຜນວິທີດຳລົງຊີວິດທີ່ປະຢັດແລະລຽບງ່າຍ, ໂດຍບໍ່ໄດ້ໃຊ້ສິດພິເສດໃນນາມເປັນພັນລະຍາຂອງທ່ານສີຈົ້ງຊຸນຮອງນາຍົກລັດຖະມົນຕີຈີນໃນເວລານັ້ນ. ເວລາທີ່ລູກເຕົ້າກິນນອນກຢູ່ໂຮງຮຽນຫຼືຢູ່ໂຮງລ້ຽງເດັກ,ທ່ານນາງຊີຊິນບໍ່ໄດ້ຈ້າງແມ່ເຮືອນມາຊ່ວຍວຽກບ້ານການເມືອງ.ເພິ່ນບໍ່ເຄີຍຄິດຈັກເທື່ອທີ່ຈະສວຍໃຊ້ສິດຕຳແໜ່ງຂອງສາມີສັບຊ້ອນບ່ອນເຮັດວຽກທີ່ໃກ້ເຮືອນຕົນ.ເພິ່ນໄດ້ເຂົ້າຮ່ວມກິດຈະກຳການຕ່າງປະເທດໃນຖານະເປັນພັນລະຍາຮອງນາຍົກລັດຖະມົນຕີພຽງເທື່ອດຽວເທົ່ານັ້ນ. ເຖິງຈະຢູ່ໃນສະພາບທີ່ຊີວິດການເປັນຢູ່ທຸກຍາກລຳບາກທີ່ສຸດ, ແຕ່ລະເດືອນ, ທ່ານນາງຊີຊິນກໍຍັງຍຶດໝັ້ນການເສຍເງິນສະຕິພັກຢ່າງທັນເວລາ.
ພໍ່ແມ່ຂອງທ່ານສີຈິ້ນຜິງໄດ້ຍຶດໝັ້ນໃນແບບແຜນຄອບຄົວທີ່ເຂັ້ມງວດໃນການອົບຮົມສັ່ງສອນລູກເຕົ້າ,ຮັກສາມູນເຊື້ອທີ່ດຸໝັ່ນແລະປະຢັດມັດທະຍັດ. ບໍ່ວ່າຈະອິດເມື່ອຍລຳບາກປານໃດກໍຕາມ, ທ່ານນາງຊີຊິນລ້ວນແຕ່ໄດ້ຍຶດໝັ້ນໃນການຖືໜ້າທີ່ການງານເປັນສຳຄັນແລະບໍ່ໃຫ້ເລື່ອງຄອບຄົວກະທົບເຖິງວຽກງານ.ທ່ານນາງຊີຊິນ ຜູ້ເປັນແມ່ໄດ້ເປັນແບບຢ່າງດ້ວຍການປະຕິບັດຕົວຈິງໂດຍສົ່ງອິດທິພົນແລະອົບຮົມສັ່ງສອນລູກເຕົ້າດ້ວຍແບບແຜນຄອບຄົວທີ່ດີງາມ.ທ່ານສີຈິ້ນຜິງໄດ້ຮັບອິດທິພົນຈາກແບບແຜນຄອບຄົວທີ່ຊື່ສັດສຸດຈະລິດແລະປອງດອງກັນ,ເພິ່ນກໍໄດ້ປະພຶດຕົວຕາມແບບແຜນທີ່ປະຢັດມັດທະຍັດ,ລຽບງ່າຍແລະຕິດແທດຕົວຈິງ.
ເມື່ອທ່ານສີຈິ້ນຜິງລົງພື້ນຖານຢູ່ພາກເໜືອແຂວງສ້ານຊີ່, ແມ່ໄດ້ຫຍິບຖົງໃສ່ເຂັມຖົງໜຶ່ງໃຫ້ລູກ ແລະ ຍັງໄດ້ແສ່ວຕົວໜັງສືສີແດງ 3 ໂຕໃສ່ດ້ານນອກຂອງຖົງໃສ່ເຂັມຄື: ດວງໃຈແມ່.
ໃນເວລາທີ່ລົງພື້ນຖານຢູ່ບ້ານຫຼຽງເຈ່ຍເຫີ, ທ່ານສີຈິ້ນຜິງບໍ່ໄດ້ເຮັດໃຫ້ແມ່ ຜິດຫວັງ. 7 ປີທີ່ດຳລົງຊີວິດຢູ່ຊົນນະບົດ ເຮັດໃຫ້ທ່ານຜູກພັນມິດຕະພາບແລະຄວາມຮັກແພງກັບພີ່ນ້ອງຊາວບ້ານຢູ່ຊົນນະບົດພາກເໜືອແຂວງສ້ານຊີ.
ເມື່ອອຳລາຈາກບ້ານຫຼຽງເຈ່ຍເຫີໄປ, ທ່ານສີຈິ້ນຜິງໄດ້ເອົາຖົງໃສ່ເຂັມທີ່ແມ່ຫຍິບນັ້ນມອບໃຫ້ເພື່ອນບ້ານຊື່ ຈ່າງເວີ້ຍຜາງ ເພື່ອໄວ້ເປັນທີ່ລະນຶກ, ຄືດັ່ງທີ່ທ່ານສີຈິ້ນຜິງໄດ້ເວົ້າວ່າ: ເຖິງວ່າຂ້າພະເຈົ້າໄດ້ອຳລາຈາກໄປ, ແຕ່ຈິດໃຈຂອງຂ້າພະເຈົ້າຍັງຝັງແໜ້ນຢູ່ແຫ່ງນີ້ຄືເກົ່າ.ບ້ານຫຼຽນເຈ່ຍເຫີໄດ້ກາຍເປັນຈຸດເລີ່ມຕົ້ນຂອງອຸດົມການແຕ່ຫົວທີຂອງທ່ານສີຈິ້ນຜິງ.
ບຸນກຸດຈີນໃນປີ 2001, ທ່ານນາງຊີຊິນ ໄດ້ໂທລະສັບລົມ ກັບທ່ານສີຈິ້ນຜິງທີ່ເປັນເຈົ້າແຂວງແຂວງຝູຈ້ຽນໃນເວລານັ້ນ. ເຊິ່ງປີ ນັ້ນ ທ່ານບໍ່ສາມາດກັບໄປປັກກິ່ງເພື່ອຮ່ວມສະຫຼອງບຸນກຸດຈີນນຳ.
ເມື່ອໄດ້ຮູ້ວ່າລູກບໍ່ສາມາດກັບເມືອຢາມບ້ານຍ້ອນຄານຳວຽກ, ທ່ານນາງຊີຊິນ ຜູ້ເປັນແມ່ພັດດີໃຈ. ເພິ່ນເວົ້າກັບທ່ານສີຈິ້ນຜິງວ່າ: “ຂໍພຽງແຕ່ລູກເຮັດວຽກໃຫ້ດີກໍ່ຖືວ່າແມ່ນຄວາມກະຕັນຍູຕໍ່ພໍ່ແມ່ທີ່ດີທີ່ສຸດແລ້ວ, ນີ້ຄືຮັບຜິດຊອບຕໍ່ຄອບຄົວແລະຮັບຜິດຊອບ ຕໍ່ລູກເອງ, ທັງສອງຢ່າງນີ້ເປັນເອກະພາບກັນ.
ຢູ່ໃນຫ້ອງການຂອງທ່ານສີຈິ້ນຜິງ ປະທານປະເທດຈີນ ໄດ້ມີຮູບຖ່າຍຫຼາຍ ໃບຂອງທ່ານສີຈິິນຜິງກັບພໍ່ແມ່ ແລະຄອບຄົວ, ໃນນັ້ນມີຮູບຖ່າຍໃບໜຶ່ງທີ່ປະທັບໃຈຫຼາຍເຊິ່ງ ໄດ້ບັນທຶກກ່ຽວກັບທ່ານສີຈິ້ນຜິງຈັບມືແມ່ຂອງເພິ່ນໄປຍ່າງຫຼີ້ນ. ທ່ານສີຈິ້ນຜິງ ມີຄວາມກະຕັນຍູຕໍ່ແມ່. ເມື່ອໃດມີເວລາຫວ່າງກິນເຂົ້າກັບແມ່ແລ້ວ,ກໍ່ຈະຈູງມືແມ່ອອກໄປຍ່າງຫຼີ້ນ ແລະລົມກັນ.
ຄຳເຫັນ
0