蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ນັກຫຼິ້ນ​ການ​ເມືອງ​ອາ​ເມ​ຣິ​ກາບໍ່​​ແມ່ນຫຼິ້ນ​ກັບ​ໄຟ ຫາກ​ແມ່ນ​ເອົາ​ຊີ​ວິດ​ເຂົ້າ​ສ່ຽງ

2020-05-12 15:16:25 CRI

“ໜັງ​ສື​ພິມ​ນິວຢອກ​ທາມ​ສ໌” ​ຂອງ​ອາ​ເມ​ຣິ​ກາສະ​ບັບ​ວັນ​ທີ 10 ພຶດ​ສະ​ພາ​ນີ້​ໄດ້​ພິມ​ບົດ​ຄວາມ​ໂດຍ​ຂຽນ​ວ່າ: ອົງ​ການ​ສືບ​ສວນ​ກາງ​ຂອງສະ​ຫະ​ລັດ​ ຫຼື FBI ແລະ ກະ​ຊວງ​​ຮັກ​ສາຄວາມ​ໝັ້ນ​ຄົງ​ດິນ​ແດນແຫ່ງ​ອາ​ເມ​ຣິ​ກາ ກຽມ​ຈະ​ປະ​ກາດ​ຄຳ​ເຕືອນ​ສະ​ບັບ​ໜຶ່ງ​ຢ່າງ​ເປີດ​ເຜີຍ ໂດຍ​ກ່າວ​ວ່າ: “ແຮັກ​ເກີ ຫຼື ນັກ​ໂຈ​ລະ​ກຳ​ຂໍ້​ມູນ​ຈີນ​ພວມ​ຢາກ​ລັກ​ເອົາ​ຜົນ​ການ​ຄົ້ນ​ຄວ້າ​ໃນ​ດ້ານ​ຄົ້ນ​ຄວ້າ​ພັດ​ທະ​ນາ​ຢາ​ວັກ​ແຊັງ ແລະ ວິ​ທີ​ການ​ປິ່ນ​ປົວ​ພະ​ຍາດ​ໂຄວິດ-19 ຂອງ​ອາ​ເມ​ຣິ​ກາ”.

​ການ​ສ້າງ​ເລື່ອງ​ຂຶ້ນ​ກ່ຽວ​ກັບ​ການ​ຄົ້ນ​ຄວ້າ​ພັດ​ທະ​ນາ​ຢາ​ວັກ​ແຊັງ, ແມ່ນ​ກົນ​ອຸ​ບາຍ​ໃໝ່​ສຸດ​ຂອງ​ອາ​ເມ​ຣິ​ກາ​ທີ່​ໄດ້​ໃສ່​ຮ້າຍ​ປ້າຍ​ສີ​ຈີນ​ໃນ​ໄລ​ຍະ​ມໍ່ໆ​ມາ​ນີ້. ນີ້​ໄດ້​ສະ​ທ້ອນ​ໃຫ້​ເຫັນ​ຄວາມ​ອິດ​ສາ​ອຶດອັດ​ຂອງ​ເຂົາ​ເຈົ້າ ທີ່​ຢ້ານ​ຈີນ​​ລື່ນ​ກາຍ​ອາ​ເມ​ຣິ​ກາ​ໃນ​ຂົງ​ເຂດການ​ຄົ້ນ​ຄວ້າ​ພັດ​ທະ​ນາ​ຢາ​ວັກ​ແຊັງ ແລະ ຢາກ​ໃຫ້​ອາ​ເມ​ຣິ​ກາ​ຄຸມ​ສິດ​ການ​ຄົ້ນ​ຄວ້າ​ພັດ​ທະ​ນາ​ຢາ​ວັກ​ແຊັງ​ແຕ່​ພຽງ​ຝ່າຍ​ດຽວ, ອີກ​ດ້ານ​ໜຶ່ງ, ກໍ​ສ​ະ​ແດງ​ໃຫ້​ເຫັນ​ວ່າ, ບຸກ​ຄົນ​ອາ​ເມ​ຣິ​ກາ​ເຫຼົ່າ​ນີ້​ໄດ້​ໃຊ້​ທຸກວິ​ທີ​ທາງ​ເພື່ອ​ໂຈມ​ຕີ​ຈີນ​ແບບ​ປ່ວງ​ບ້າ.

ໃນ​ຖາ​ນະ​ເປັນ​ປະ​ເທດ​ທີ່​ໄດ້​ລາຍ​ງານ​ກ່ຽວ​ກັບ​ສະ​ພາບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ກ່ອນ​ໝູ່, ຈີນ​ມີ​ທ່າ​ທີ​ເປີດ​ເຜີຍ​ມາ​ໂດຍ​ຕະຫຼອດ​ໃນ​ການ​ຮ່ວມ​ມື​ຄົ້ນ​ຄວ້າ​ພັດ​ທະ​ນາ​ຢາ​ວັກ​ແຊັງ. ຈີນ​ໄດ້​ນຳ​ໜ້າໝູ່​ໃນ​ການ​ຄົ້ນ​ຄວ້າ​ພັດ​ທະ​ນາ​ຢາ​ວັກ​ແຊັງ ແລະ ວິ​ທີ​ການ​ປິ່ນ​ປົວ​ພະ​ຍາດ​ດັ່ງ​ກ່າວ ພ້ອມ​ດຽວ​ກັນ​ນີ້, ​ຈີນ​ກໍ​ມີ​ທ່າ​ທີ​ເປີດ​ເຜີຍ​ໃນ​ດ້ານ​ນີ້. ດັ່ງ​ຄຳ​ເວົ້າ​ຂອງ​ຜູ້​ສັງ​ເກດ​ການ​ຈຳ​ນວນ​ໜຶ່ງ​ທີ່​ກ່າວວ່າ: “ໃນ​ຖາ​ນະ​ເປັນ​ປະ​ເທດ​ທີ່​ມີ​ປະ​ສົບ​ການ​ທີ່​ອຸ​ດົມ​ສົມ​ບູນ​ທີ່​ສຸດ​ໃນ​ການ​ຮັບ​ມື​ກັບ​ເຊື້ອ​ໄວ​ຣັ​ສ​ໂຄວິດ-19, ຈີນ​ບໍ່​ມີ​ຄວາມ​ຈຳ​ເປັນ​ສັ່ງ​ໃຫ້​ແຮັກ​ເກີ​ໄປ​ລັກ​ເອົາ​ຂໍ້​ມູນ​ຂອງ​ຝ່າຍ​ອາ​ເມ​ຣິ​ກາ”.

ປັດ​ຈຸ​ບັນ, ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ​ຢູ່ອາ​ເມ​ຣິ​ກາ​ມີຫຼາຍກວ່າ 1,32 ລ້ານ​ກໍ​ລະ​ນີ​ແລ້ວ. ນັກ​ການ​ເມືອງ​ອາ​ເມ​ຣິ​ກາ​ບໍ່​ພຽງ​ແຕ່​ບໍ່​ໄດ້​ເອົາ​ໃຈ​ໃສ່ຕໍ່​ປະ​ຊາ​ຊົນ​ອາ​ເມ​ຣິ​ກາ ກໍ​ຄື​ປະ​ຊາ​ຊົນ​ທົ່ວ​ໂລກ ທີ່​​ພວມປະ​ເຊີນ​ກັບ​ໄພ​ຂົ່ມ​ຂູ່​ຂອງ​ເຊື້ອ​​ພະ​ຍາດ​ເທົ່າ​ນັ້ນ, ແຕ່​ຫາກ​ຍັງໄດ້​ຖື​ເອົາ​ການ​ຄົ້ນ​ຄວ້າ​ພັດ​ທະ​ນາ​ວັກ​ແຊັງ​ເປັນ​ເຄື່ອງ​ມື, ໃສ່​ຮ້າຍ​ປ້າຍ​ສີ ແລະ ມີເຈດ​ຕະ​ນາ​ໂຈມ​ຕີ​ວຽກ​ງານ​ຄົ້ນ​ຄວ້າ​ພັດ​ທະ​ນາ​ຢາ​ວັກ​ແຊັງ​ຂອງ​ປະ​ເທດ​ອື່ນ. ນັກ​ການ​ເມືອງ​ເຫຼົ່າ​ນີ້​ບໍ່​ແມ່ນ​ຫຼິ້ນ​ກັບ​ໄຟ, ແຕ່​ແມ່ນ​ເອົາ​ຊີ​ວິດ​ເຂົ້າ​ສ່ຽງ.

ຄຳ​ເຫັນ

0