ຫວ່າງມໍ່ໆມານີ້, ນັກຮຽນຢູ່ຫຼາຍທ້ອງຖິ່ນຂອງຈີນເລີ່ມກັບໄປເຂົ້າໂຮງຮຽນ ແລະ ຟື້ນຟູການຮຽນ.
ເລີ່ມແຕ່ກາງເດືອນພຶດສະພາແລ້ວນີ້ເປັນຕົ້ນມາ, ກະຊວງສຶກສາທິການຂອງຈີນໄດ້ພະຍາຍາມຊຸກຍູ້ມະຫາວິທະຍາໄລ ໂຮງຮຽນມັດທະຍົມ ແລະ ໂຮງຮຽນປະຖົມໃຫ້ຟື້ນຟູການຮຽນການສອນຢ່າງຮອບດ້ານໃນຂະນະດຽວກັນກໍຕ້ອງປ້ອງກັນ ແລະ ຄວບຄຸມພະຍາດຕາມຫຼັກວິທະຍາສາດ, ເລັ່ງລັດການຟື້ນຟູການສຶກສາ. ແຫ່ງຕ່າງໆຂອງຈີນໄດ້ກຳນົດແຜນການຟື້ນຟູການຮຽນຕາມສະພາບຄວາມເປັນຈິງຂອງຕົນ.
ຫຼັງຈາກຟື້ນຟູການຮຽນແລ້ວ. ຄູອາຈານ ແລະ ນັກຮຽນນັກສຶກສາໄດ້ຂຶ້ນຫ້ອງ ແລະ ເລີກຮຽນຕາມເວລາທີ່ແຕກຕ່າງກັນ. ໃນເວລານັກຮຽນເຂົ້າໂຮງຮຽນຕ້ອງຍ່າງຕາມເສັ້ນທາງທີ່ກຳນົດໄວ້, ນັກຮຽນຕ້ອງເຂົ້າສູ່ຊ່ອງທາງກວດກາເພື່ອວັດແທກອຸນຫະພູມຮ່າງກາຍ ແລະ ກວດພິສູດ, ລ້າງມືແລ້ວຈຶ່ງເຂົ້າຫ້ອງຮຽນ. ໃນເວລາຂຶ້ນຫ້ອງຕ້ອງເປີດປ່ອງຢ້ຽມໄວ້ເພື່ອຮັບປະກັນການລະບາຍອາກາດໃຫ້ປອດໂປ່ງ, ໂຕະຂອງນັກຮຽນກໍຕ້ອງຮັກສາໄລຍະຫ່າງຕາມຄວາມເໝາະສົມ.
ຄຳເຫັນ
0