ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ມາຮອດວັນທີ 2 ມິຖຸນານີ້ ຕາມເວລາທ້ອງຖິ່ນ, ເຫດການທີ່ເຈົ້າໜ້າທີ່ຕຳຫຼວດອາເມຣິກາບັງຄັບໃຊ້ກົດໝາຍດ້ວຍຄວາມຮຸນແຮງແລະເຮັດໃຫ້ທ້າວຈອສ ຟລອຍ ຊາວອາເມຣິກາເຊື້ອສາຍອາຟຣິກາເສຍຊີວິດ ນີ້ຈິ່ງນຳໄປສູ່ການປະທ້ວງຂະໜາດໃຫຍ່ທີ່ແຜ່ລາມໄປເຖິງ 140 ກວ່າຕົວເມືອງຂອງອາເມຣິກາ, ມາຮອດປັດຈຸບັນ, ສະຖານະການຍັງເຄັ່ງຕຶງຄືເກົ່າ.
ວັນທີ 2 ມິຖຸນານີ້, ທ່ານນາງໄມເຄີນ ບາເຊວເລດ ເຈົ້າໜ້າທີ່ລະດັບສູງດ້ານວຽກງານສິດທິມະນຸດອົງການສະຫະປະຊາຊາດໄດ້ອອກຖະແຫຼງການຜ່ານທາງສື່ມວນຊົນວ່າ, ການປະທ້ວງຢູ່ອາເມຣິກາບໍ່ພຽງແຕ່ໄດ້ສ່ອງແສງໃຫ້ເຫັນເຖິງບັນຫາການປະຕິບັດກົດໝາຍດ້ວຍຄວາມຮຸນແຮງຕໍ່ກຸ່ມຄົນບໍ່ແມ່ນຄົນຜິວຂາວເທົ່ານັ້ນ, ຫາກຍັງໄດ້ສ່ອງແສງໃຫ້ເຫັນເຖິງບັນຫາຄວາມບໍ່ສະເໝີພາບ ແລະ ການຈຳແນກເຊື້ອຊາດໃນດ້ານສາທາລະນະສຸກ, ການສຶກສາ, ການປະກອບອາຊີບ ແລະ ອື່ນໆຂອງອາເມຣິກາ. ຢູ່ອາເມຣິກາ, ອັດຕາຜູ້ຕິດເຊື້ອພະຍາດໂຄວິດ-19 ແລະ ເສຍຊີວິດຍ້ອນພະຍາດດັ່ງກ່າວຂອງຊາວອາເມຣິກາເຊື້ອສາຍອາຟຣິກາໄດ້ມີຈຳນວນຫຼາຍກວ່າ 2 ເທົ່າຂອງຜູ້ຕິດເຊື້ອພະຍາດເຊື້ອສາຍອື່ນ.
ສັງຄົມອາເມຣິກາໄດ້ດູໝິ່ນເຊື້ອສາຍຂອງຄົນສ່ວນໜ້ອຍມາແຕ່ດົນນານ, ນອກນີ້, ການເບິ່ງຂ້າມຕໍ່ຂໍ້ຮຽກຮ້ອງຂອງປະຊາຊົນ ແລະ ການຮັບມືກັບການປະທ້ວງດ້ວຍວິທີຮຸນແຮງຂອງລັດຖະບານອາເມຣິກາໃນປັດຈຸບັນ ໄດ້ເຮັດໃຫ້ “ປະເທດພັນທະມິດຊັ້ນຈຳ” ຂອງອາເມຣິກາຮັບບໍ່ໄດ້ເຊັ່ນກັນ. ວັນທີ 3 ມິຖຸນານີ້, ທ່ານໂບຣິສ ຈອນສັນ ນາຍົກລັດຖະມົນຕີອັງກິດກ່າວປາໄສວ່າ: “ພວກເຮົາຂໍສະແດງຄວາມໄວ້ອາໄລຕໍ່ທ້າວຈອສ ຟລອຍ, ລັດທິຈຳແນກເຊື້ອຊາດຜິວພັນ ແລະ ການໃຊ້ຄວາມຮຸນແຮງຂອງລັດທິຈຳແນກເຊື້ອຊາດຜິວພັນ ຈະບໍ່ແມ່ນທາງອອກຂອງອັງກິດ.”
ແຕ່ວ່າ, ສິ່ງທີ່ກົງກັນຂ້າມຢ່າງຈະແຈ້ງກັບການປະທ້ວງຕໍ່ການຈຳແນກເຊື້ອຊາດຜິວພັນຢູ່ອາເມຣິກາ ກໍຄືໃນຂອບເຂດທົ່ວໂລກແມ່ນຕະຫຼາດຫຸ້ນຂອງອາເມຣິກາບໍ່ໄດ້ຮັບຜົນກະທົບຈາກການປະທ້ວງ, ຫາກຍັງໄດ້ຖີບຕົວສູງຂຶ້ນຢ່າງຕໍ່ເນື່ອງໃນຫຼາຍມື້ຜ່ານມາ. ນີ້ແມ່ນຍ້ອນລະບອບສັງຄົມຂອງອາເມຣິການັ້ນແຫຼະ, ບໍ່ວ່າລະບຽບການສ່ວຍສາອາກອນ, ຫຼືວ່າລະບຽບການແບ່ງປັນລາຍຮັບ, ລ້ວນແຕ່ເຂົ້າຂ້າງຄົນຮັ່ງມີ. ພາຍໃຕ້ສະພາບການທີ່ພະຍາດໂຄວິດ-19 ແຜ່ລະບາດ ແລະ ການປະທ້ວງເກີດຂຶ້ນ, ຄົນຮັ່ງມີຍັງສາມາດໄດ້ຮັບຜົນກຳໄລທີ່ດີຈາກຕະຫຼາດຫຸ້ນ ແລະ ສາມາດກອບໂກຍເອົາເງິນດ້ວຍວິທີປ່ຽນບໍລິສັດຂອງຕົນເປັນບໍລິສັດຫຸ້ນສ່ວນ.
ນາຍທຶນມີແຕ່ສົນໃຈນຳການລົງທຶນຂອງຕົນວ່າ ຈະໄດ້ຮັບຜົນກຳໄລຫຼືບໍ່, ນັກການເມືອງມີແຕ່ສົນໃຈນຳອັນທີ່ວ່າ “ປະຊາທິປະໄຕ”, ຈິ່ງປາກົດມີສະພາບການທີ່ຈັງຫວະການເຕີບໂຕຂອງເສດຖະກິດໄດ້ຫຼຸດລົງຢ່າງຫຼວງຫຼາຍ, ສັງຄົມປັ່ນປ່ວນວຸ້ວາຍ, ແຕ່ຕະຫຼາດຫຸ້ນພັດໄດ້ຖີບຕົວສູງຂຶ້ນ, ນີ້ເປັນສະພາບການທີ່ແປກປະຫຼາດທີ່ສຸດທີ່ເກີດຂຶ້ນໃນສັງຄົມອາເມຣິກາ.
ຄຳເຫັນ
0