蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

“ຊີ​ວິດ​ຄົນ​ຜິວ​ດຳ​ກໍ​ມີ​ຄ່າ” ນີ້​ຈິ່ງ​ແມ່ນ​ສຽງ​ຮຽກ​ຮ້ອງ​​ຈາກ​ໃຈ​ຂອງ​ປະ​ຊາ​ຊົນ​ອາ​ເມ​ຣິ​ກາ

2020-06-08 14:10:04 CRI

ການ​ເດີນ​ຂະ​ບວນ​ປະ​ທ້ວງ​ໃນ​ທົ່ວ​ປະ​ເທດ​ອາ​ເມ​ຣິ​ກາ ​ຍ້ອນ​ “ການ​ເສຍ​ຊີ​ວິດ​ຂອງ​ທ້າວ​ຈອ​ສ ຟ​ລອຍ” ຍັງ​ສືບ​ຕໍ່​ດຳ​ເນີນ​ຕໍ່​ໄປ. ວັນ​ທີ 6 ມິ​ຖຸ​ນາ​ນີ້, ຈຳ​ນວນ​ຜູ້​ເຂົ້​າ​ຮ່ວມ​ການ​ເດີນ​ຂະ​ບວນ​ປະ​ທ້ວງ​ໃນ​ທົ່ວ​ປະ​ເທ​ດ​ອາ​ເມ​ຣິ​ກາ​ມີ​ເຖິງ 2 ລ້ານ​ຄົນ ເພື່ອ​ສະ​ແດງ​ຄວາມ​ບໍ່​ພໍ​ໃຈ​ຕໍ່​ການ​ຈຳ​ແນກ​ເຊື້ອ​ຊາດ​ຜິວ​ພັນ.

ວັນ​ທີ 5 ມິ​ຖຸ​ນາ​ນີ້​ຕາມ​ເວ​ລາ​ທ້ອງ​ຖິ່ນ, ທ່ານ​ມູ​ຣຽວ ບາວ​ເຊີ ເຈົ້າ​ຄອງ​ເຂດ​ ​ພິ​ເສດ​ວໍ​ຊິງ​ຕັນ​ອາ​ເມ​ຣິ​ກາ​ໄດ້​ອອກ​ຄຳ​ສັ່ງ​ໃຫ້​ພະ​ແນກ​ວິ​ສະ​ວະ​ກຳ​ສາ​ທາ​ລະ​ນະ​ຂອງ​ເຂດ​ດັ່ງ​ກ່າວ​ໃຊ້ນ້ຳ​ສີ​ສີ​ເຫຼືອງ​ຂຽນ​ໂຕ​ໜັງ​ສື​ໃຫຍ່ຢູ່​ຕາມ​ເສັ້ນ​ທາງຫຼັກ​ເສັ້ນ​ໜຶ່ງ​ທີ່​ເນັ່ງ​ໄປ​ຫາ​ທຳ​ນຽບ​ຂາວ​ວ່າ: “ຊີ​ວິດ​ຄົນ​ຜິວ​ດຳ​ກໍ​ແມ່ນ​ຊີ​ວິດ”. ນອກ​ນີ້, ເສັ້ນ​ທາງ​ອີກ​ເສັ້ນ​ໜຶ່ງ​ຢູ່​ເຂດ​ອ້ອມ​ຂ້າງ​​ທຳ​ນຽບ​ຂາວກໍ​ຖືກ​ຕັ້ງ​ຊື່​ໃໝ່​ເປັນ “ຊີ​ວິດ​ຄົນ​ຜິວ​ດຳ​ກໍ​ແມ່ນ​ຊີ​ວິດ”.

ໂດຍ​ຜະ​ເຊີນ​ໜ້າ​ກັບ “ສະ​ຖາ​ນະ​ການ​ປັ່ນ​ປ່ວນ​ວຸ້ນ​ວາຍ ​” ​ຢູ່​ອາ​ເມ​ຣິ​ກາ. ຫວ່າງ​ມໍ່ໆ​ມາ​ນີ້, ທ່ານບ​າ​ຣັກ ໂອ​ບາ​ມາ, ທ່ານ​ບິວ ຄ​ລິນ​ຕັນ ​ແລະ ທ່ານ​ຈອ​ສ ດັບ​ເບິນ​ຢູ ບຸ​ສ ອະ​ດີດ​ປະ​ທານ​ທິ​ບໍ​ດີ​ອາ​ເມ​ຣິ​ກາ ພ້ອມ​ທັງ​ທ່ານ​ຈິມ​ມີ ​ຄາ​ເຕີ ອະ​ດີດ​ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ທີ່​ມີ​ອາ​ຍຸ 95 ປີ ຕ່າງ​​ກໍໄດ້​ສະ​ແດງ​ຄວາມ​ຄຽດ​ແຄ້ນ​ຕໍ່​ການ​ຈຳ​ແນກ​ເຊື້ອ​ຊາດ​ຜິວ​ພັນ ແລະ ສະ​ແດງ​ຄວາມ​ເຫັນ​ໃຈ​ຕໍ່​ຜູ້​ໄດ້​ຮັບເຄາະ​ຮ້າຍ​ແລະ​ຄອບ​ຄົວ​ຂອງ​ເຂົາ​ເຈົ້າ ພ້ອມ​ທັງ​ຮຽກ​ຮ້ອງ​ໃຫ້​ຜູ້​ກຳ​ອຳ​ນາດ​ອາ​ເມ​ຣິ​ກາ​ລຸກ​ຂຶ້ນມາ​ຕໍ່​ຕ້ານ​ກັບ​ລັດ​ທິ​ຈຳ​ແນກ​ເຊື້ອ​ຊາດ.

ທີ່​ຈິງ​ແລ້ວ, ຢູ່​ທ້ອ​ງ​ຖິ່ນຫຼາຍ​ແຫ່ງ​ຂອງ​ອາ​ເມ​ຣິ​ກາ​ໄດ້​ປາ​ກົດ​ມີ​ເຈົ້າ​ໜ້າ​ທີ່​ຕຳຫຼວດ​​ເຂົ້າ​ຮ່ວມ​ການ​ເດີນ​ຂະ​ບວນ​ປະ​ທ້ວງ​ແລ້ວ, ພວກ​ເຂົ​າ​ເຈົ້າ​ຄຸ​ເຂົ່າ​​ລົງເບື້ອງ​​ໜຶ່ງ ເພື່​ອ​ສະ​ແດງ​ຄວາມ​ເຄົາ​ລົບ​ນັບ​ຖື​ຕໍ່​ທ້າວ​ຈອ​ສ ຟ​ລອຍ, ​ຮຽກ​ຮ້ອງ​ສິດ​ເພື່ອ​ກຸ່ມ​ຄົນ​ຜິວ​ດຳທີ່​ອອກ​ມາປະ​ທ້ວງ​ທັງຫຼາຍ. ຄຳ​ວ່າ “ຊີ​ວິດ​ຄົນ​ຜິວ​ດຳ​ກໍ​ມີ​ຄ່າ”, ນີ້​ຈິ່ງ​ແມ່ນ​ສຽງ​ຮຽກ​ຮ້ອງຈາກ​ໃຈ​ຂອງ​ປະ​ຊາ​ຊົນ​ອາ​ເມ​ຣິ​ກາ.

ຄຳ​ເຫັນ

0