ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ລັດຖະບານຈີນໄດ້ເຜີຍແຜ່ປື້ມປົກຂາວ “ການເຄື່ອນໄຫວຂອງຈີນໃນການຕ້ານກັບການແຜ່ລະບາດຂອງພະຍາດໂຄວິດ-19” ເນື້ອໃນປື້ມດັ່ງກ່າວບໍ່ພຽງແຕ່ໄດ້ບັນທຶກຂະບວນການຕ້ານກັບການແຜ່ລະບາດຂອງພະຍາດໂຄວິດ-19 ທີ່ຫຍຸ້ງຍາກລຳບາກຂອງປະຊາຊົນຈີນເທົ່ານັ້ນ, ຍັງໄດ້ສະທ້ອນໃຫ້ເຫັນໄລຍະເວລາທີ່ຈີນຮ່ວມມືກັບສາກົນຢ່າງທັນເວລາໂດຍຜ່ານຕົວເລກຂໍ້ມູນທີ່ລະອຽດຮອບຄອບແລະເລື່ອງຈິງທີ່ອຸດົມສົມບູນ ເຊິ່ງລວມທັງການແຈ້ງຂໍ້ມູນຢ່າງເປັນເຈົ້າການແລະທັນເວລາ, ການແບ່ງປັນບົດຮຽນດ້ານການຕ້ານກັບພະຍາດໂຄວິດ-19,ການໃຫ້ການຊ່ວຍເຫຼືອດ້ານມະນຸດສະທຳຕາມຄວາມສາມາດຂອງຕົນ,ສົ່ງອອກວັດຖຸອຸປະກອນຕ້ານກັບພະຍາດໂຄວິດ-19 ຢ່າງເປັນລະບຽບຮຽບຮ້ອຍ,ດຳເນີນການແລກປ່ຽນແລະການຮ່ວມມືສາກົນໃນດ້ານການຄົ້ນຄວ້າວິທະຍາສາດແລະອື່ນໆ.
ທ່ານ ຄຸງພາວ ຮອງເລຂາທິການໃຫຍ່ອາຊຽນເຫັນວ່າ: ປື້ມປົກຂາວຈະຊ່ວຍໃຫ້ປະເທດທີ່ມີສະພາບການແຜ່ລະບາດຂອງພະຍາດໂຄວິດ-19 ທີ່ແຕກຕ່າງກັນສາມາດຖອດຖອນບົດຮຽນສຳເລັດຜົນຂອງຈີນໃນການຕ້ານພະຍາດຢ່າງມີປະສິດທິຜົນ. ທ່ານ ຊັບຮີ ຄຮາລິດ ນັກວິຊາການຊາອຸດິດ ອາຣັບບີ ທີ່ຕິດຕາມການພັດທະນາຂອງຈີນມາເປັນເວລາດົນນານໄດ້ຕີລາຄາສູງວ່າ: ລັດຖະບານຈີນໄດ້ພິສູດໃຫ້ເຫັນດ້ວຍການກະທຳຕົວຈິງໃນໄລຍະການແຜ່ລະບາດຂອງພະຍາດໂຄວິດ-19 ວ່າ: ການສ້າງປະຊາຄົມຮ່ວມຊາຕາກຳມວນມະນຸດມີຄວາມໝາຍສຳຄັນຕົວຈິງ.
ປື້ມປົກຂາວຍັງເປີດເຜີຍໃຫ້ຮູ້ວ່າ: ມາຮອດວັນທີ 31 ພຶດສະພາຜ່ານມາ, ຈີນໄດ້ສົ່ງຄະນະຜູ້ຊ່ຽວຊານການແພດທັງໝົດ 29 ຄະນະໄປ 27 ປະເທດ, ໄດ້ແລະພວມໃຫ້ການຊ່ວຍເຫຼືອດ້ານການຕ້ານກັບພະຍາດໂຄວິດ-19 ໃຫ້ແກ່ 150 ປະເທດແລະອົງການຈັດຕັ້ງສາກົນ 4 ແຫ່ງ, ໃນຂະນະດຽວກັນ, ຈີນຍັງໄດ້ສົ່ງອອກວັດຖຸອຸປະກອນຕ້ານພະຍາດໂຄວິດ-19 ໃຫ້ 200 ປະເທດແລະເຂດແຄວ້ນ ເຊິ່ງເປັນການສະໜັບສະໜູນທີ່ເຂັ້ມແຂງຕໍ່ການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ຢູ່ປະເທດທີ່ກ່ຽວຂ້ອງ.
ໃນການບຸກບືນສູ້ຊົນທີ່ມີສ່ວນກ່ຽວຂ້ອງກັບຊາຕາກຳແລະອະນາຄົດຂອງມວນມະນຸດໃນຄັ້ງນີ້, ຈີນຈະປະກອບສ່ວນຕາມຄວາມສາມາດຂອງຕົນເຂົ້າໃນການຕໍ່ສູ້ເອົາຊະນະການແຜ່ລະບາດຂອງພະຍາດໂຄວິດ-19 ໃຫ້ໄດ້ໃນທີ່ສຸດໂດຍຜ່ານການເຄື່ອນໄຫວແລະຂໍ້ລິເລີ່ມຕ່າງໆໂດຍບໍ່ຕ້ອງສົງໄສ.
ຄຳເຫັນ
0