ຕາມຂ່າວCRI: ເມືອງປູ້ໂທຂອງແຂວງເສສວນຕັ້ງຢູ່ໃນພູຜາດ້າລຽງ, ແມ່ນເຂດທີ່ອະນຸລັກຮີດຄອງປະເພນີວັດທະນະທຳອາດູເຜົ່າຢີຢ່າງດັ້ງເດີມແລະຄົບຖ້ວນສົມບຸນທີ່ສຸດ. ເມື່ອສີມືການຜະລິດເຄື່ອງເອ້ຢ້ອງເງິນເຜົ່າຢີທີ່ສືບທອດກັນມາທຸກເຊັ່ນຄົນຖືກຈັດເຂົ້າໃນບັນຊີລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸແລ້ວ, ກໍຄ່ອຍທັງກາຍເປັນວິທີສ້າງຄວາມຮັ່ງມີແລະຫຼຸດພົ້ນອອກຈາກຄວາມທຸກຍາກຂອງຊ່າງຕີເຄື່ອງເງິນເມືອງປູ້ໂທຕ່າງໆ.
ຢູ່ຕົວເມືອງຂອງຕາແສງປູໂທມີຖະໜົນຂາຍເຄື່ອງເງິນທີ່ມີຊື່ສຽງ, ຢູ່ສອງຟາກທາງເຕັມໄປແຕ່ຮ້ານຂາຍເຄື່ອງເງິນ. ຕາມຜູ້ຮັບຜິດຊອບທີ່ກ່ຽວຂ້ອງຂອງຫໍວັດທະນະທຳເມືອງປູ້ໂທແນະນຳໃຫ້ຮູ້ວ່າ, ປັດຈຸບັນ, ຊ່າງຕີເງິນທີ່ເປີດຮ້ານຂາຍຢູ່ນີ້ມີທັງໝົດ 68 ຄອບຄົວ, ຜູ້ເຮັດວຽກທີ່ກຽວຂ້ອງມີ 120 ກວ່າຄົນ, ຍອດມູນຄ່າການຈຳໜ່າຍມີເກືອບ 30 ລ້ານຢວນຕໍ່ປີ, ເຊິ່ງມີກຳໄລປະມານ 4 ລ້ວນຢວນ.
ສາສະດາຈານທາວ ຢູ,ຊ່ຽວຊານໃນສູນແລກ່ປ່ຽນເຄື່ອງສີລະປະຂອງສະມາຄົມການລົງທຶນຈີນກ່າວວ່າ, ມໍລະດົກທີ່ບໍ່ເປັນວັດຖຸແລະການລຶບລ້າງຄວາມທຸກຍາກແມ່ນມີການພົວພັນຊ່ວຍຊູຍູ້ໜູນກັນ, ແລະຊຸກຍູ້ເຊິ່ງກັນແລະກັນ. ເມືອງປູໂທຄວນເສີມຂະຫຍາຍທ່າແຮງອຸດສາຫະກຳຂອງເຄື່ອງສີລະປະດັ້ງເດີມທີ່ເປັນມໍລະດົກຕ່າງໆ, ເຊັ່ນ: ເສື້ອຜ້າເຜົ່າຢີ, ເຄື່ອງເງິນເຜົ່າຢີ, ເຄື່ອງທາສີເຜົ່າຢີແລະອື່ນໆ, ຊຸກຍູ້ພັດທະນາໃຫ້ເປັນອຸດສາຫະກຳແລະມີຂະໜາດໃຫຍ່ກວ່າເກົ່າບົນພື້ນຖານທີ່ມີຢູ່ໃນປັດຈຸບັນນີ້, ເຮັດໃຫ້ມວນຊົນຢູ່ເຂດທຸກຍາກສາມາດປະກອບອາຊີບຢູ່ໃກ້ບ້ານຫຼືຢູ່ໃນບ້ານຕົນເອງໄດ້ຫຼາຍກວ່າເກົ່າ.
ຄຳເຫັນ
0