ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອີງຕາມການແຈ້ງການ, ນັບແຕ່ວັນທີ 11 ຫາວັນທີ 14 ມິຖຸນານີ້, ນະຄອນຫຼວງປັກກິ່ງໄດ້ມີຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມໃໝ່ 79 ກໍລະນີ, ຢູ່ແຂວງເຫີເປີຍແລະແຂວງຫຼຽວໜິງກໍມີຜູ້ເປັນພະຍາດເພີ່ມໃໝ່ເຊັ່ນກັນ ແລະ ລ້ວນແຕ່ເປັນຜູ້ທີ່ຢູ່ໃກ້ຊິດກັບຜູ້ເປັນພະຍາດເພີ່ມໃໝ່ທີ່ຢູ່ນະຄອນຫຼວງປັກກິ່ງ. ນະຄອນຫຼວງປັກກິ່ງປອດໄພຫຼືບໍ່? ສະພາບການແຜ່ລະບາດຂອງພະຍາດໜັກໜ່ວງຫຼືບໍ່? ເຊື້ອພະຍາດໄດ້ແຜ່ລະບາດເປັນວົງກວ້າງແລ້ວຫຼືບໍ່? ບັນຫາເຫຼົ່ານີ້ເຮັດໃຫ້ພວກເຮົາອົດບໍ່ໄດ້ຕ້ອງຮູ້ສຶກມີຄວາມກັງວົນອີກ. ແຕ່ໃນສະພາບທີ່ການປ້ອງກັນແລະຄວບຄຸມພະຍາດໂຄວິດ-19 ຂອງຈີນໄດ້ເຂົ້າສູ່ສະພາວະປົກກະຕິ, ພະຍາດພັດກັບມາ “ລະບາດຄືນໃໝ່”, ນີ້ເປັນເລື່ອງທີ່ທຳມະດາ ຫາກບໍ່ແມ່ນເລື່ອງເໜືອຄວາມຄາດຄິດ, ພວກເຮົາບໍ່ຄວນມີຄວາມວິຕົກກັງວົນເກີນໄປ.
ເຖິງວ່າພະຍາດໄດ້ລະບາດຄືນໃໝ່ຢ່າງກະທັນຫັນ, ແຕ່ນະຄອນຫຼວງປັກກິ່ງກໍໄດ້ໃຊ້ມາດຕະການຢ່າງວ່ອງໄວແລະທັນການ. ຕາມຂ່າວລາຍງານວ່າ: ນັບລວມແລ້ວ, ຢູ່ນະຄອນຫຼວງປັກກິ່ງໄດ້ກວດນິວຄະເລອິກຫາເຊື້ອໄວຣັດໃຫ້ເກືອບ 2 ແສນຄົນທີ່ເປັນພະນັກງານ ຫຼື ລູກຄ້າທີ່ເຄີຍໄປຕະຫຼາດຂາຍຍົກຜະລິດຕະພັນກະສິກຳຊິນຟາຕີ້ຢູ່ນະຄອນຫຼວງປັກກິ່ງ. ຢູ່ທ້ອງຖິ່ນອື່ນໆຂອງຈີນ, ໂດຍສະເພາະແມ່ນຕົວເມືອງໃກ້ຄຽງນະຄອນຫຼວງປັກກິ່ງກໍໄດ້ໃຊ້ມາດຕະການຢ່າງທັນການເຊັ່ນກັນ ເຊິ່ງໄດ້ກວດນິວຄະເລອິກຫາເຊື້ອໃຫ້ກັບບຸກຄົນທີ່ມີສ່ວນກ່ຽວຂ້ອງກັບຕະຫຼາດແຫ່ງດັ່ງກ່າວ ແລະ ມີຄວາມຮຽກຮ້ອງຕ້ອງການໃນການປ້ອງກັນແລະຄວບຄຸມພະຍາດຕໍ່ບຸກຄົນທີ່ເດີນທາງມາຈາກນະຄອນຫຼວງປັກກິ່ງ. ອາດເວົ້າໄດ້ວ່າ, ນີ້ເປັນການສ້າງເຄືອຂ່າຍປ້ອງກັນແລະຄວບຄຸມພະຍາດທີ່ດີ.
ສະພາບການແຜ່ລະບາດຂອງພະຍາດທີ່ເກີດຂຶ້ນຢູ່ນະຄອນຫຼວງປັກກິ່ງໃນຄັ້ງນີ້ສະແດງໃຫ້ເຫັນວ່າ: ພວກເຮົາຍັງບໍ່ສາມາດກຳໄດ້ກົດເກນແຜ່ລະບາດຂອງພະຍາດໂຄວິດ-19, ພະຍາດຍັງສືບຕໍ່ແຜ່ລະບາດຢູ່ຕ່າງປະເທດຄືເກົ່າ, ພວກເຮົາຍັງຜະເຊີນກັບຄວາມກົດດັນບໍ່ໜ້ອຍໃນການປ້ອງກັນ ແລະ ຄວບຄຸມພະຍາດຢູ່ພາຍໃນປະເທດ ແລະປ້ອງກັນບໍ່ໃຫ້ພະຍາດແຜ່ລະບາດມາຈາກຕ່າງປະເທດ. ສະນັ້ນ, ພວກເຮົາບໍ່ຄວນມີຈິດໃຈລະເຫຼີງຕໍ່ການປ້ອງກັນແລະຄວບຄຸມພະຍາດແບບປົກກະຕິ. ແຕ່ເມື່ອຜ່ານຈາກບັ້ນທົດສອບຈາກການແຜ່ລະບາດຂອງພະຍາດທີ່ເກີດຂຶ້ນຢ່າງກະທັນຫັນຢູ່ນະຄອນອູຮັ້ນ, ພວກເຮົາມີປະສົບການຢ່າງພຽງພໍ, ມີວິທີແກ້ໄຂບັນຫາທີ່ອຸດົມສົມບູນ ແລະ ມີຄວາມໝັ້ນໃຈຢ່າງເຕັມປ່ຽມວ່າ: ຈະສາມາດປ້ອງກັນແລະຄວບຄຸມການແຜ່ລະບາດຂອງພະຍາດທີ່ເກີດຂຶ້ນຢ່າງກະທັນຫັນຢູ່ນະຄອນຫຼວງປັກກິ່ງໃນຄັ້ງນີ້ໄດ້ຢ່າງແນ່ນອນ.
ຄຳເຫັນ
0