ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມິຖຸນານີ້, ອາເມຣິກາໄດ້ຜ່ານການຮັບຮອງອັນທີ່ເອີ້ນວ່າ: “ຍັດຕິກ່ຽວກັບນະໂຍບາຍສິດທິມະນຸດເຜົ່າອຸຍເກີປີ 2020”, ຍັດຕິດັ່ງກ່າວໄດ້ໃສ່ຮ້າຍປ້າຍສີສະພາບການສິດທິມະນຸດຢູ່ເຂດປົກຄອງຕົນເອງເຜົ່າອຸຍເກີຊິນຈ່ຽງຈີນ ແລະ ໄດ້ໂຈມຕີນະໂຍບາຍຂອງລັດຖະບານຈີນຢ່າງໂຫດຮ້າຍກ່ຽວກັບການບໍລິຫານເຂດປົກຄອງຕົນເອງເຜົ່າອຸຍເກີຊິນຈ່ຽງ. ການກະທຳດັ່ງກ່າວໄດ້ລະເມີດກົດໝາຍສາກົນ ແລະ ຫລັກການພື້ນຖານຂອງການພົວພັນສາກົນຢ່າງໜັກໜ່ວງ, ເປັນການແຊກແຊງວຽກງານພາຍໃນຂອງຈີນຢ່າງບັງອາດ, ຈີນສະແດງຄວາມບໍ່ພໍໃຈຢ່າງແຮງແລະຄັດຄ້ານຢ່າງເດັດດ່ຽວຕໍ່ເລື້ອງນີ້.
ທີ່ຈິງແລ້ວ, ບັນຫາຊິນຈ່ຽງບໍ່ແມ່ນບັນຫາຊົນເຜົ່າ, ບໍ່ແມ່ນບັນຫາສາສະໜາ ແລະ ບໍ່ແມ່ນບັນຫາສິດທິມະນຸດ, ຫາກແມ່ນບັນຫາການຕໍ່ຕ້ານການກໍ່ການຮ້າຍແລະການແບ່ງແຍກດິນແດນຂອງປະເທດຈີນ. ນັກການເມືອງອາເມຣິກາຈຳນວນໜຶ່ງບໍ່ເອົາຫົວຊາຕໍ່ສະພາບຄວາມເປັນຕົວຈິງຂອງເຂດຊິນຈ່ຽງ, ໃຊ້ສອງມາດຕະຖານກ່ຽວກັບບັນຫາຕ້ານການກໍ່ການຮ້າຍແລະສິດທິມະນຸດ, ໃສ່ຮ້າຍປ້າຍສີຕໍ່ມາດຕະການອັນຊອບທຳຂອງລັດຖະບານຈີນໃນການຕໍ່ຕ້ານການກໍ່ການຮ້າຍແລະການປອດກຸ່ມຫົວຮຸນແຮງ, ຍິ່ງກວ່ານັ້ນຍັງໄດ້ສະໜັບສະໜູນກຸ່ມແບ່ງແຍກດິນແດນປະເທດຈີນ ແລະ ກຸ່ມຕໍ່ຕ້ານລັດຖະບານຈີນທີ່ພົວພັນກັບກຸ່ມກໍ່ການຮ້າຍ.
ອາເມຣິກາຜ່ານການຮັບຮອງອັນທີ່ເອີ້ນວ່າ: “ຍັດຕິກ່ຽວກັບນະໂຍບາຍສິດທິມະນຸດເຜົ່າອຸຍເກີປີ 2020” ຄັ້ງນີ້, ໄດ້ສະແດງໃຫ້ເຫັນເຖິງເຈດຕະນາຮ້າຍຂອງນັກການເມືອງອາເມຣິກາຈຳນວນໜຶ່ງທີ່ຍຸແຫຍ່ແບ່ງແຍກແລະໃຊ້ແຮງກົດດັນຕໍ່ຈີນ. ໃນເມື່ອບໍ່ດົນມານີ້, ບັນຫາຈຳແນກເຊື້ອຊາດຜີວພັນໄດ້ເຮັດໃຫ້ທົ່ວປະເທດອາເມຣິກາເກີດມີການເດີນຂະບວນປະທ້ວງຂະໜາດໃຫຍ່, ເຈົ້າໜ້າທີ່ອາເມຣິກາບໍ່ພຽງແຕ່ບໍ່ເອົາຫົວຊາຕໍ່ຄຳຮຽກຮ້ອງທີ່ສົມເຫດສົມຜົນຂອງປະຊາຊົນພາຍໃນປະເທດຕົນເທົ່ານັ້ນ, ກົງກັນຂ້າມຍັງໄດ້ປາບປາມຜູ້ປະທ້ວງດ້ວຍຄວາມຮຸນແຮງ. ພວກເຮົາຈຶ່ງຢາກຖາມວ່າ: ອາເມຣິກາທີ່ມີບັນຫາສິດທິມະນຸດຢູ່ພາຍໃນປະເທດຢ່າງໜັກໜ່ວງຢູ່ແລ້ວນັ້ນ, ຍັງມີສິດຫຍັງອີກທີ່ຈະໄປເອົາໃຈໃສ່ບັນຫາຊິນຈ່ຽງຂອງປະເທດອື່ນ?
ບັນຫາຊິນຈ່ຽງແມ່ນວຽກງານພາຍໃນຂອງຈີນ. ປະຊາຊົນຈີນມີຄວາມຕັດສິນໃຈອັນເດັດດ່ຽວໃນດ້ານການປົກປັກຮັກສາສິດອະທິປະໄຕ, ຄວາມໝັ້ນຄົງ ແລະ ຜົນປະໂຫຍດໃນການພັດທະນາຂອງປະເທດຕົນ. ຖ້າວ່າອາເມຣິກາຢາກຍຸຍົງສົ່ງເສີມອິດທິກຳລັງຫົວຮຸນແຮງ ແລະ ກຸ່ມກໍ່ການຮ້າຍດ້ວຍຂໍ້ອ້າງສິດທິມະນຸດນັ້ນຈະຕ້ອງໄດ້ຮັບຜົນຮ້າຍຕາມມາໃນທີ່ສຸດຢ່າງແນ່ນອນ.
ຄຳເຫັນ
0