ຫວ່າງມໍ່ໆມານີ້, ໂຮງໝໍແຫ່ງໜຶ່ງຢູ່ນະຄອນອາເຊັນສ໌ລັດຈໍເຈຍຂອງອາເມຣິກາໄດ້ຖືກປະຈານວ່າເປັນຜູ້ຄວບຄຸມຜົນການກວດຫາເຊື້ອພະຍາດໂຄວິດ-19 ໃນການກວດນິວຄິລອິກ. ພວກເຂົາເຈົ້າໄດ້ເຮັດຜົນກວດລົບປອມແທນຜົນກວດບວກຂອງຜູ້ເປັນພະຍາດທີ່ໄດ້ຮັບການກວດຫາເຊື້ອພະຍາດໃນການກວດນິວຄິລອິກ. ມີພະຍາບານເວົ້າວ່າ: ທາງໂຮງໝໍເຮັດແນວນີ້ແມ່ນເພື່ອບໍ່ຮັບແລະປິ່ນປົວຜູ້ຖືກບົ່ງມະຕິເປັນພະຍາດໂຄວິດ-19.
ຂະນະດຽວກັນ, ມີສະມາຊິກໃນຄະນະຫາສຽງເລືອກຕັ້ງຂອງທ່ານ ໂດໂນ ທຣຳ ກ່າວວ່າ: ໃນຄະນະນຳໜ້າປະຕິບັດງານໃນທິມງານຫາສຽງທີ່ກະກຽມເພື່ອຈັດການໂຮມຊຸມນຸມຢູ່ເມືອງຕູນຊາໃນຕອນຄ່ຳວັນທີ 27 ມິຖຸນານີ້, ມີສະມາຊິກ 6 ຄົນໄດ້ຮັບການກວດຫາເຊື້ອພະຍາດໂຄວິດ-19 ໃນການກວດນິວຄິລອິກເປັນຜົນບວກ. ມາຮອດເວລາ 10 ໂມງຂອງວັນທີ 21 ມິຖຸນານີ້, ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ທີ່ເພີ່ມໃໝ່ຢູ່ອາເມຣິກາມີເຖິງ 36 ພັນຄົນ, ລວມທັງໝົດຂອງຜູ້ຖືກບົ່ງມະຕິເປັນພະຍາດໂຄວິດ-19 ຢູ່ອາເມຣິກາມີເຖິງ 2,2 ລ້ານຄົນ; ແຕ່ວ່າ, ໃນຂະນະທີ່ການແຜ່ລະບາດຂອງພະຍາດໂຄວິດ-19 ຢູ່ອາເມຣິກາມີຄວາມຮ້າຍແຮງໄວຂຶ້ນ, ທ່ານ ໂດໂນ ທຣຳ ປະທານາທິບໍດີອາເມຣິກາໄດ້ຈັດງານໂຮມຊຸມນຸມເພື່ອຫາສຽງເລືອກຕັ້ງຢູ່ເມືອງຕູນຊາລັດໂອຄລາໂຮມາ, ເພື່ອກ່າວປາຖະກະຖາຫາສຽງທີ່ໃຊ້ເວລານານເຖິງ 1 ຊົ່ວໂມງ 40 ນາທີ, ໃນໂທລະພາບຖ່າຍທອດສົດຈະໄດ້ເຫັນວ່າ: ຜູ້ຊົມທີ່ນັ່ງຢູ່ເບື້ອງຫຼັງທ່ານ ໂດໂນ ທຣຳ ເກືອບວ່າບໍ່ມີໃຜໃສ່ຜ້າປິດປາກ.
ສະນັ້ນອາດເວົ້າໄດ້ວ່າ: ໃນສາຍຕາຂອງນັກທຸລະກິດແລະນັກການເມືອງໃນສັງຄົມທຶນນິຍົມ, ເງິນຄຳແລະຜົນປະໂຫຍດເທົ່ານັ້ນຈຶ່ງແມ່ນສິ່ງທີ່ໜ້າກອບໂກຍ, ສ່ວນຊີວິດຂອງປະຊາຊົນເວົ້າສຳລັບເຂົາເຈົ້າແລ້ວເປັນພຽງແຕ່ຕົວເລກເທົ່ານັ້ນແລະບໍ່ເປັນຜົນປະໂຫຍດຫຍັງເລີຍ.
ຄຳເຫັນ
0