ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ້າຍເດືອນມັງກອນປີນີ້, ພະຍາດໂຄວິດ-19 ໄດ້ລະບາດຂຶ້ນຢູ່ນະຄອນອູຮັ້ນຢ່າງກະທັນຫັນ, ໂດຍຜະເຊີນໜ້າກັບການແຜ່ລະບາດຢ່າງຮ້າຍແຮງຂອງພະຍາດໂຄວິດ-19, ພາຍໃຕ້ການຊີ້ນຳນຳພາທີ່ເປັນເອກະພາບກັນຂອງສູນກາງພັກກອມມູນິດຈີນ, ຈີນໄດ້ຈັດສົ່ງທີມແພດ 340 ກວ່າທີມ ແລະ ພະນັກງານການແພດ 42 ພັນກວ່າຄົນມຸ້ງໜ້າໄປສູ່ນະຄອນອູຮັ້ນຢ່າງຮີບດ່ວນທີ່ສຸດ; ໄດ້ຈັດວາງ 19 ເຂດແຂວງໄປຊ່ວຍຕ້ານກັບການແຜ່ລະບາດຂອງພະຍາດຢູ່ແຂວງຫູເປີຍ, ທຸ້ມເທເຫື່ອແຮງ, ສູ້ຊົນຜ່ານຜ່າຢ່າງບໍ່ທໍ້ຖອຍຈົນເຖິງທີ່ສຸດ; ໄດ້ປຸກລະດົມຂົນຂວາຍປະຊາກອນ 1,4 ຕື້ຄົນເພື່ອຮ່ວມກັນປ້ອງກັນແລະຄວບຄຸມພະຍາດ ເຊິ່ງໄດ້ສ້າງກຳແພງຕ້ານພະຍາດທີ່ແໜ້ນໜາທີ່ສຸດ.
ທ່ານເຕໂດຣສ ອັດຮານົມ ເກເບຣເຢຊູສ ຜູ້ອຳນວຍການໃຫຍ່ອົງການອະນາໄມໂລກກ່າວດ້ວຍຄວາມຈິງໃຈວ່າ: “ຈີນໄດ້ປະຕິບັດງານຕອບໂຕ້ຢ່າງວ່ອງໄວທີ່ສຸດ ແລະ ມີຂະໜາດໃຫຍ່ທີ່ສຸດ, ນີ້ບໍ່ເຄີຍພົວພັນມາກ່ອນໃນຂອບເຂດທົ່ວໂລກ. ນີ້ກໍແມ່ນທ່າແຮງດ້ານລະບອບຂອງຈີນ.”
ທ່າແຮງດ້ານລະບອບຂອງຈີນຍັງໄດ້ສ່ອງແສງໃຫ້ເຫັນເຖິງການຊີ້ນຳນຳພາທີ່ເປັນເອກະພາບກັນຂອງພັກ, ທ່າແຮງແບບນີ້, ສາມາດປ້ອງກັນບໍ່ໃຫ້ທ້ອງຖິ່ນຕ່າງໆປະຕິບັດງານແບບຕ່າງຄົນຕ່າງຮັບຜິດຊອບ, ເຮັດແບບກະແຈກະຈາຍ.
ທ່າແຮງດ້ານລະບອບຂອງຈີນຍັງໄດ້ສ່ອງແສງໃຫ້ເຫັນວ່າ: ຈີນໄດ້ຍຶດໝັ້ນໂດຍຖືເອົາປະຊາຊົນໄວ້ໃນຖານະສຳຄັນທີ່ສຸດ, ພັກ ແລະ ລັດຖະບານຈີນໄດ້ຍຶດໝັ້ນໂດຍຖືເອົາປະຊາຊົນຢູ່ເໜືອທຸກສິ່ງທຸກຢ່າງ ແລະ ຈະບໍ່ຄິດຄ່າຕອບແທນຈັກຢ່າງ ເພື່ອປົກປ້ອງຄວາມປອດໄພດ້ານຊີວິດ ແລະ ສຸຂະພາບທາງຮ່າງກາຍຂອງປະຊາຊົນ. ນີ້ໄດ້ສ່ອງແສງໃຫ້ເຫັນເຖິງການຍຶດໝັ້ນຖືເອົາປະຊາຊົນໄວ້ໃນຖານະສຳຄັນທີ່ສຸດຂອງລະບອບສັງຄົມນິຍົມ, ເຄົາລົບສິດທິມະນຸດ ແລະ ປົກປ້ອງກຽດສັກສີຂອງຄົນ.
ທ່າແຮງດ້ານລະບອບຂອງຈີນຍັງສ່ອງແສງໃຫ້ເຫັນເຖິງຄວາມສາມາດປຸກລະດົມຂົນຂວາຍທາງສັງຄົມທີ່ເຂັ້ມແຂງ, ລະບອບສັງຄົມນິຍົມສາມາດປຸກລະດົມຂົນຂວາຍທົ່ວສັງຄົມ ແລະ ສັບຊ້ອນຊັບພະຍາກອນຢ່າງເປັນເອກະພາບກັນ, ກາຍເປັນກຳລັງສັງລວມໃນສັງຄົມ ເພື່ອເຮັດເລື່ອງໃຫຍ່ ແລະ ແກ້ໄຂບັນຫາຍາກ.
ທ່ານເລຂາທິການໃຫຍ່ສີຈິ້ນຜິງກ່າວວ່າ: ການຕໍ່ສູ້ຕ້ານກັບການແຜ່ລະບາດຂອງພະຍາດໃນທົ່ວປະເທດຈີນໄດ້ປະສົບຜົນສຳເລັດທາງຍຸດທະສາດທີ່ໃຫຍ່ຫຼວງ ເຊິ່ງໄດ້ສ່ອງແສງໃຫ້ເຫັນເຖິງທ່າແຮງດ້ານການເມືອງທີ່ພົ້ນເດັ່ນຂອງການນຳພາຂອງພັກກອມມູນິດຈີນ ແລະ ລະບອບສັງຄົມນິຍົມຂອງຈີນ.
ພຶດຕິກຳໃນການຕໍ່ສູ້ປ້ອງກັນແລະຄວບຄຸມພະຍາດໄດ້ພິສູດໃຫ້ເຫັນວ່າ: ການຍຶດໝັ້ນ ແລະ ບູລະນະລະບອບສັງຄົມນິຍົມທີ່ມີສີສັນພິເສດຂອງຈີນໃຫ້ດີກວ່າເກົ່າ, ເສີມສ້າງທ່າແຮງລະບອບສັງຄົມນິຍົມທີ່ມີສີສັນພິເສດຂອງຈີນຢ່າງບໍ່ຢຸດຢັ້ງ, ແມ່ນພື້ນຖານຂອງຈີນໃນການບັນລຸຄວາມໃຝ່ຝັນຂອງຈີນ ທີ່ຟື້ນຟູຄວາມຈະເລີນຮຸ່ງເຮືອງທີ່ຍິ່ງໃຫຍ່ຂອງຊົນຊາດຈີນ.
ຄຳເຫັນ
0