ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດ “ວັນຕ້ານຢາເສບຕິດສາກົນ” ໄດ້ໝູນວຽນມາເຖິງ, ຕອນເຊົ້າວັນທີ 23 ມິຖຸນານີ້, ພິທີຍ້ອງຍໍລວມໝູ່ກ້າວໜ້າ ແລະ ບຸກຄົນກ້າວໜ້າໃນວຽກງານຕ້ານຢາເສບຕິດທົ່ວປະເທດຈີນໄດ້ຈັດຂຶ້ນຢູ່ນະຄອນຫຼວງປັກກິ່ງ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນໄດ້ໃຫ້ທິດຊີ້ນຳທີ່ສຳຄັນ, ທັງຕາງໜ້າໃຫ້ສູນກາງພັກກອມມູນິດຈີນ ສະແດງຄວາມຊົມເຊີຍຢ່າງສຸດໃຈຕໍ່ລວມໝູ່ກ້າວໜ້າ ແລະ ບຸກຄົນກ້າວໜ້າທີ່ໄດ້ຮັບການຍ້ອງຍໍ, ທັງສະແດງຄວາມຢື້ຢາມຖາມຂ່າວຢ່າງຈິງໃຈເຖິງບັນດາສະຫາຍທີ່ສູ້ຊົນຢູ່ແນວຮົບຕ້ານຢາເສບຕິດຂອງທົ່ວປະເທດ.
ທ່ານສີຈິ້ນຜິງກ່າວເນັ້ນວ່າ: ປະຈຸບັນ, ບັນຫາຢາເສບຕິດຢູ່ທັງພາຍໃນ ແລະຕ່າງປະເທດ, ໄພອັນຕະລາຍຈາກຢາເສບຕິດແບບເກົ່າ ແລະ ແບບໃໝ່, ການກະທຳຜິດກ່ຽວກັບຢາເສບຕິດທາງອອນລາຍ ແລະ ອອຟລາຍປົນເປກັນ, ໄດ້ສ້າງໄພອັນຕະລາຍຢ່າງໜັກໜ່ວງຕໍ່ຄວາມປອດໄພດ້ານຊີວິດ ສຸຂະພາບດ້ານຮ່າງກາຍຂອງປະຊາຊົນ, ແລະຄວາມສະຫງົບຂອງສັງຄົມ, ສະນັ້ນ,ຕ້ອງລົງເລິກປະຕິບັດວຽກງານຕ້ານຢາເສບຕິດຄືທີ່ໄດ້ເຮັດຜ່ານມາຢ່າງເດັດດ່ຽວ ແລະເຖິງກົກເຖິງຮາກ. ຄະນະພັກ ແລະ ອົງການປົກຄອງທຸກຂັ້ນຕ້ອງຍຶດໝັ້ນແນວຄິດການພັດທະນາທີ່ຖືປະຊາຊົນເປັນໃຈກາງ, ຍຶດໝັ້ນທິດທາງຕ້ານຢາເສບຕິດຢ່າງເຂັ້ມງວດ, ປັບປຸງລະບົບຄວບຄຸມຢາເສບຕິດ, ລົງເລິກການຮ່ວມມືສາກົນເພື່ອຕ້ານຢາເສບຕິດ, ຊຸກຍູ້ໃຫ້ວຽກງານຕ້ານຢາເສບຕິດໄດ້ຮັບປະສິດທິຜົນໃໝ່ຢ່າງບໍ່ຢຸດຢັ້ງ, ປະກອບສ່ວນໃໝ່ໃຫຍ່ຫຼວງກວ່າເກົ່າເຂົ້າໃນການປົກປັກຮັກສາຄວາມກົມກຽວປອງດອງ ແລະຄວາມສະຫງົບຂອງສັງຄົມ ກໍຄື ການຮັບປະກັນຄວາມຢູ່ເຢັນເປັນສຸກຂອງປະຊາຊົນ.
ຄຳເຫັນ
0