ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ມິຖຸນານີ້, ຈີນໄດ້ສົ່ງດາວທຽມດວງສຸດທ້າຍຂອງລະບົບດາວທຽມນຳທາງເປີຍໂຕວເລກ 3 ຢ່າງສຳເລັດຜົນກ່ອນແຜນການທີ່ກຳນົດໄວ້ເຄິ່ງປີ.
ໃນມື້ທີ່ຈີນໄດ້ສົ່ງດາວທຽມເຂົ້າສູ່ວົງໂຄຈອນຢ່າງສຳເລັດຜົນ, ບໍລິສັດວິທະຍຸອັງກິດຫຼືBBC ໄດ້ລາຍງານວ່າ: ຈີນໄດ້ສົ່ງດາວທຽມດວງສຸດທ້າຍຂອງລະບົບດາວທຽມນຳທາງເປີຍໂຕວເລກ 3 ເຂົ້າສູ່ວົງໂຄຈອນຢ່າງສຳເລັດຜົນ ເຊິ່ງໄດ້ຊຸກຍູ້ຖານະບົດບາດສຳຄັນຂອງຈີນໃນດ້ານອະວະກາດຕື່ມອີກ. ຈີນໄດ້ກາຍເປັນປະເທດທີ່ມີກຳລັງແຂ່ງຂັນກັບອາເມຣິກາຢ່າງເຂັ້ມແຂງໃນຂົງເຂດຄົ້ນຄວ້າອະວະກາດ.
ໜັງສືພິມເດີກາດຽນຂອງອັງກິດລາຍງານວ່າ: ຈີນໄດ້ສົ່ງດາວທຽມດວງສຸດທ້າຍຂອງກຸ່ມດາວທຽມເປີຍໂຕວ, ລະບົບເປີຍໂຕວຄ້າຍຄືກັນກັບລະບົບບອກທີ່ຕັ້ງຢູ່ເທິງໂລກ(GPS)ຂອງອາເມຣິກາ ເຊິ່ງເປັນຂີດໝາຍສະແດງໃຫ້ເຫັນວ່າຈີນໄດ້ຢວ່າງບາດກ້າວສຳຄັນອີກຕື່ມໃນຖານະເປັນປະເທດໃຫຍ່ດ້ານອະວະກາດທີ່ສຳຄັນ.
ໜັງສືພິມເດີໂປສລາຍວັນຂອງອັງກິດເຫັນວ່າ: ຈີນໄດ້ປັບປຸງລະບົບນຳທາງໂລກຂອງຕົນເອງໃຫ້ສົມບູນຂຶ້ນ, ສາມາດຫຼຸດພົ້ນອອກຈາກການເພິ່ງພາອາໄສລະບົບ GPS ຂອງອາເມຣິກາ,ພ້ອມທັງສາມາດຍົກສູງກຳລັງຕົວຈິງແລະຊື່ສຽງຂອງປະເທດຕົນໃນດ້ານອະວະກາດໃຫ້ສູງເດັ່ນຂຶ້ນ. ຂ່າວແຈ້ງວ່າ: ລະບົບດາວທຽມເປີຍໂຕວຢູ່ອັນດັບ 3 ໃນລະບົບນຳທາງດ້ວຍດາວທຽມຂອງໂລກ 4 ລະບົບທີ່ມີຢູ່ໃນປັດຈຸບັນ. ອັນທີ່ມີປະຫວັດດົນນານກວ່າໝູ່ແມ່ນ GPS ຂອງອາເມຣິກາ, ຖັດມາແມ່ນ GLONASS ຂອງຣັດເຊຍ, ສຸດທ້າຍຈະແມ່ນລະບົບ Galileo ຂອງເອີຣົບທີ່ຍັງບໍ່ທັນສ້າງສຳເລັດໃນປັດຈຸບັນ.
ການສ້າງລະບົບນຳທາງດາວທຽມເປີຍໂຕວສຳເລັດໃນທີ່ສຸດ,ແມ່ນຄວາມພະຍາຍາມຂອງຈີນໃນຂົງເຂດເຕັກໂນໂລຊີທີ່ບໍລິການທົ່ວໂລກ, ຄວາມເປັນເຈົ້າຕົນເອງເຮັດໃຫ້ຈີນສາມາດຫຼຸດພົ້ນອອກຈາກການເພິ່ງພາອາໄສອາເມຣິກາໃນຂົງເຂດນຳທາງ ເຊິ່ງໄດ້ສະແດງໃຫ້ເຫັນເຖິງວິໄສທັດລະດັບໂລກຂອງຈີນທີ່ຮອບດ້ານກວ່າເກົ່າ.
ຄຳເຫັນ
0