蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ປະ​ເທດ​​ໃນສະ​ຫະ​ພາບ​ເອີ​ຣົບ​ກຽມ​ຫ້າມ​ບໍ່​ໃຫ້​ພົນ​ລະ​ເມືອງ​ອາ​ເມ​ຣິ​ກາ​ເຂົ້າ​ປະ​ເທດ​ຕົນ ເພື່​ອ​ປ້ອງ​ກັນ​ພະ​ຍາດ​ໂຄວິດ-19

2020-06-25 15:05:07 CRI

ຕົວ​ເລກ​ຂໍ້​ມູນ​ພະ​ຍາດ​ໂຄວິດ-19 ທີ່​ມະ​ຫາ​ວິ​ທະ​ຍາ​ໄລ​ຈອນ ຮັອບ​ຄິນ​ສ​ຂອງ​ອາ​ເມ​ຣິ​ກາ​ເປີດ​ເຜີຍ​ສະ​ແດງ​ໃຫ້​ເຫັນ​ວ່າ, ມາ​ຮອດ​ເວ​ລາ 5 ໂມງເຄິ່ງ​ຂອງວັນ​ທີ 25 ມິ​ຖຸ​ນາ​ນີ້​ຕາມ​ເວ​ລາ​ວຽງ​ຈັນ, ອາ​ເມ​ຣິ​ກາ​ມີ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ລວມ​ທັງ​ໝົດ 2.371.422 ກໍ​ລະ​ນີ, ເສຍ​ຊີ​ວິດ 121.870 ຄົນ. ວັນ​ທີ 24 ມິ​ຖຸ​ນາ​ນີ້, ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ​ຢູ່​ລັດ​ຟ​ລໍ​ຣີ​ດາ​ໄດ້​ເພີ່​ມ​ໃໝ່ 5.511 ກໍ​ລະ​ນີ ແລະ ໄດ້​ສ້າງ​ສະ​ຖິ​ຕິ​ສູງ​ສຸດ​ຕໍ່​ມື້​ນັບ​ແຕ່​ເກີດ​​ມີການ​ແຜ່​ລະ​ບາດ​ຂອງ​ພະ​ຍາດ​ໃນ​ເດືອນ​ມີ​ນາ​ຜ່ານ​ມາ​ເປັນ​ຕົ້ນ​ມາ. ມາ​ຮອດ​ປັດ​ຈຸ​ບັນ, ໃນລັດ​ດັ່ງ​ກ່າວ​ມີ 7.000 ຄົນ​​ລົງ​ຊື່​ທາງ​ອິນ​ເຕີ​ເນັດ ໂດຍ​ຮຽກ​ຮ້ອງ​ໃຫ້​ບໍ​ລິ​ສັດ​ດິ​ສ​ນີ ແລະ ເຈົ້າ​ໜ້າ​ທີ່​ອຳ​ນາດ​ການ​ປົກ​ຄອງ​ທ້ອງ​ຖິ່ນ​ພິ​ຈາ​ລະ​ນາ​ຄືນໃໝ່​ຕໍ່​ກຳ​ນົດ​ເວ​ລາ​ເປີດ​ສວນ​ສະ​​ໜຸດິ​ສ​ນີແລນ ເພື່ອຫຼຸດ​ຜ່ອນ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19, ແຕ່​ເຈົ້າ​ໜ້າ​ທີ່​ອຳ​ນາດ​ການ​ປົ​ກ​ຄອງ​ລັດ​ຟ​ລໍ​ຣີ​ດາ​ກ່າວ​ວ່າ, ແຜນ​ການ​ເປີດ​ສວນ​ສະ​ໜຸ​ດິ​ສ​ນີແລນ​ໃນ​ວັນ​ທີ 11 ກໍ​ລະ​ກົດ​ໜ້າ​ນີ້​ຈະ​ບໍ່​ມີ​ການ​ປ່ຽນ​ແປງ.

ຍ້ອນ​ວ່າ​ພະ​ຍາດ​ໂຄວິດ-19 ໄດ້​ແຜ່​ລະ​ບາດ​ຢູ່​ອາ​ເມ​ຣິ​ກາ​ຢ່າງ​ໜັກ​ໜ່ວງ ແລະ ຫຼາຍ​ລັດ​ຂອງ​ອາ​ເມ​ຣິ​ກາ​ມີ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ດັ່ງ​ກ່າວ​ເພີ່ມ​ຂຶ້ນ​ຢ່າງຫຼວງຫຼາຍ. ນອກ​ນີ້, ​ລັດ​ຖະ​ບານ​ສະ​ຫະ​ລັດ​ອາ​ເມ​ຣິ​ກາ​ຍັງ​ມີ​ທ່າ​ທີ​ບໍ່​ເຄັ່ງ​ຄັດ​ຕໍ່​ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ. ປັດ​ຈຸ​ບັນ, ປະ​ເທດ​ສ​ະ​ມາ​ຊິກ​ສະ​ຫະ​ພາບ​ເອີ​ຣົບ​ພວມ​ພິ​ຈາ​ລະ​ນາ​ເພື່ອ​ຫ້າມ​ບໍ່​ໃຫ້​ພົນ​ລະ​ເມືອງ​ອາ​ເມ​ຣິ​ກາ​ເຂົ້າ​ປະ​ເທດ​ຕົນ ເພື່ອ​ປ້ອງ​ກັນ​ບໍ່​ໃຫ້ການ​ແຜ່​ລະ​ບາດ​ຂອງ​ພະ​ຍາດ​ໃນ​ປະ​ເທດ​ຕົນ​ຮ້າຍ​ແຮງ​ຂຶ້ນ​ອີກ. ເດືອນ​ມີ​ນາ​ປີ​ນີ້, ໃນ​ຂະ​ນະ​ທີ່​ພະ​ຍາດ​ແຜ່​ລະ​ບາດ​ຢູ່​ເອີ​ຣົບ​ຢ່າງ​ໜັກ​ໜ່ວງ, ອາ​ເມ​ຣິ​ກາ​​ໄດ້ປະ​ກາດ​ຄຳ​ສັ່ງ​ຫ້າມ​​ໂດຍ​ສານ​ໄປ 20 ກວ່າ​ປະ​ເທດ​​ໃນເອີ​ຣົບ.

ທ່າ​ທີ​​ທີ່​ບໍ່​ເຄັ່ງ​ຄັດຂອງ​ລັດ​ຖະ​ບານ​ອາ​ເມ​ຣິ​ກາ​ໄດ້ເຮັດ​ໃຫ້​ການ​ແຜ່​ລະ​ບາດ​ຂອງ​ພະ​ຍາດ​​ໜັກໜ່ວງ​ຂຶ້ນ​ອີກ ແລະ ແຜ່​ລະ​ບາດ​​ໄວ​ກວ່າ​ເກົ່າ, ແຕ່​ວ່າ, ນອກ​ຈາກ​ມາດ​ຕະ​ການ​ກະ​ຕຸ້ນ​ເສດ​ຖະ​ກິດ​ແລ້ວ, ອາ​ເມ​ຣິ​ກາ​ໄດ້​ສຸມ​ໃສ່​ການ​​ຂຶ້ນ​ພາ​ສີ​ຕໍ່​ປະ​ເທດ​ອື່ນ ແລະ ໃສ່​ຮ້າຍ​ປ້າຍ​ສີ​ປະ​ເທດ​ອື່ນ ເພື່ອ​ຍາດ​ເອົາ​ສຽງ​ສະ​ໜັບ​ສະ​ໜູນ​ໃນ​ການ​ເລືອກ​ຕັ້ງ​ທົ່ວ​ໄປ. ການ​ກະ​ທຳ​ແບບ​ຂາດ​ນ້ຳ​ໃຈ​ຮັບ​ຜິດ​ຊອບ​ແບບ​ “​ໃຫ້​ຄົນ​ອື່ນ​ກິນ​ຢາ​ແທນ​ຕົນ​ທີ່​ເປັນ​ພະ​ຍາດ" ​ຂອງ​ອາ​ເມ​ຣິ​ກາ​ແບບ​ນີ້ ຈະ​ເຮັດ​ໃຫ້​ຊື່​ສຽງ​ຂອງ​ອາ​ເມ​ຣິ​ກາ​ເສື່ອມ​ເສຍ​​ໄວ​ກວ່າ​ເກົ່າ​ ແລະ ຈະ​ເຮັດ​ໃຫ້​ອາ​ເມ​ຣິ​ກາ​ມີ​ທ່າ​ທີ​ຝືນ​ກັບ​ກະ​ແສ​ສາ​ກົນ​ນັບ​ມື້​ນັບຫຼາຍ​ຂຶ້ນ.

ຄຳ​ເຫັນ

0