ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ກໍລະກົດນີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນໄດ້ຕອບຈົດໝາຍຂອງນັກສຶກສາຜູ້ຮຽນຈົບໃໝ່ຂອງມະຫາວິທະຍາໄລນ້ຳມັນເຊື້ອໄຟຈີນຢູ່ເຂດເຄີ້ລາມາອີ, ກ່ອນອື່ນທ່ານໄດ້ກ່າວຊົມເຊີຍເຂົາເຈົ້າທີ່ເລືອກຈະໄປເຮັດວຽກຢູ່ຮາກຖານເຂດຊາຍແດນ, ທັງໄດ້ຝາກຄວາມມຸ່ງຫວັງຢ່າງຈິງໃຈໄວ້ກັບນັກສຶກສາອັນໄພສານທີ່ຮຽນຈົບໃໝ່ຈາກມະຫາວິທະຍາໄລ.
ທ່ານສີຈິ້ນຜິງຊີ້ອອກວ່າ, ໃນບັ້ນຮົບຕ້ານກັບພະຍາດໂຄວິດ-19ທີ່ຂ້ຽວຂາດຄັ້ງນີ້, ເຮັດໃຫ້ນັກສຶກສາທີ່ຮຽນຈົບໃໝ່ຊຸດນີ້ໄດ້ຮັບການຝຶກຝົນຫຼໍ່ຫຼອມ ແລະ ມີຄວາມກ້າວໜ້າ, ເຮັດໃຫ້ນັກສຶກສາໄດ້ສຳຜັດກັບເຫດຜົນຕົວຈິງຄື: “ຜູ້ທີ່ບໍ່ສະແຫວງຫາການສ້າງຜົນງານແບບງ່າຍດາຍຈຶ່ງຈະໄດ້ຮັບຜົນສຳເລັດ, ຜູ້ທີ່ບໍ່ຫຼົບຫຼີກຄວາມຫຍຸ້ງຍາກຈຶ່ງຈະໄດ້ຮັບຄວາມກ້າວໜ້າ.” ເສັ້ນທາງທີ່ກ້າວໄປໜ້າຈະບໍ່ແມ່ນເສັ້ນທາງທີ່ສະດວກຢູ່ສະເໝີ, ການບັນລຸຄວາມຝັນຈີນແຫ່ງການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນຕ້ອງການຊາວໜຸ່ມຫຼາຍເຊັ່ນຄົນບຸກບືນສູ້ຊົນດ້ວຍຄວາມທໍລະຫົດອົດທົນຢ່າງບໍ່ລົດລະ. ພວກຫຼານນັກສຶກສາພໍດີພົບພໍ້ທັງກາລະໂອກາດ ແລະ ການແບກຫາບໜ້າທີ່ອັນໜັກໜ່ວງ. ຫວັງວ່ານັກສຶກສາຜູ້ຮຽນຈົບໃໝ່ອັນໄພສານໃນທົ່ວປະເທດຈົ່ງຕັ້ງອຸດົມການທີ່ສູງສົ່ງ, ປະຕິບັດງານຢ່າງໜັກແໜ້ນ, ບໍ່ຢ້ານຄວາມຫຍຸ້ງຍາກລຳບາກ, ກ້າແບກຫາບພາລະກຳຂອງຍຸກສະໄໝ, ເຊື່ອມໂຍງອຸດົມການຂອງຕົນເຂົ້າກັບພາລະກິດຂອງພັກ ແລະ ລັດ, ປະກອບສ່ວນຫຼາຍກວ່າເກົ່າໃຫ້ແກ່ພັກ ປະເທດຊາດ ແລະ ປະຊາຊົນ.
ຄຳເຫັນ
0