ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 8 ມິຖຸນານີ້, ທ່ານສີຈິ້ນຜິງທີ່ພວມສຳຫຼວດກວດກາວຽກງານຢູ່ເຂດປົກຄອງຕົນເອງເຜົ່າຫຸຍນິງເຊ້ຍໄດ້ໄປສຳຫຼວດກວດເບິ່ງແມ່ນ້ຳເຫຼືອງຕອນເທສະບານນະຄອນອູຈົ່ງ, ເພື່ອຮັບຮູ້ສະພາບການອະນຸລັກລະບົບນິເວດຂອງເຂດລ້ອງແມ່ນ້ຳເຫຼືອງ.
ຕອນບ່າຍວັນທີ 8 ມິຖຸນານີ້, ທ່ານສີຈິ້ນຜິງທີ່ພວມສຳຫຼວດກວດກາວຽກງານຢູ່ເຂດປົກຄອງຕົນເອງເຜົ່າຫຸຍນິງເຊ້ຍໄດ້ໄປສຳຫຼວດກວດເບິ່ງແມ່ນ້ຳເຫຼືອງຕອນເທສະບານນະຄອນອູຈົ່ງ
ນີ້ແມ່ນການເຄື່ອນໄຫວຂອງທ່ານສີຈິ້ນຜິງທີ່ໄປສຳຫຼວດກວດເບິ່ງແມ່ນ້ຳເຫຼືອງຄັ້ງທີ 4 ພາຍໃນປີດຽວ.
ແມ່ນ້ຳເຫຼືອງໄຫຼຜ່ານ9 ແຂວງ ແລະເຂດປົກຄອງຕົນເອງຂອງຈີນ. ໃນນັ້ນມີພຽງເຂດນິງເຊ້ຍເຂດດຽວທີ່ມີເນື້ອທີ່ທັງໝົດນອນຢູ່ໃນເຂດລ້ອງແມ່ນ້ຳເຫຼືອງ. ໃນປີ 2019 ຜ່ານມາ, ທ່ານສີຈິ້ນຜິງໄດ້ໄປສຳຫຼວດ 6 ເຂດແຂວງລຽບຕາມເຂດລ້ອງແມ່ນ້ຳເຫຼືອງ. ເຊິ່ງສະແດງໃຫ້ເຫັນວ່າ:ທ່ານສີຈິ້ນຜິງໄດ້ໃຫ້ຄວາມສຳຄັນຢ່າງສູງຕໍ່ແມ່ນ້ຳເຫຼືອງ.
ແມ່ນ້ຳເຫຼືອງແມ່ນແມ່ນ້ຳແຫ່ງມານດາຂອງປະຊາຊາດຈີນ, ມີຈຸດກຳເນີດຈາກພູພຽງຊິ່ງໄຫຕິເບດ, ມີຄວາມຍາວທັງໝົດ 5464 ກິໂລແມັດ, ເຂດລ້ອງແມ່ນ້ຳມີເນື້ອທີ່ເຖິງ 795000 ກິໂລຕາແມັດ, ແມ່ນແມ່ນ້ຳຍາວອັນດັບສອງຂອງຈີນ ຖັດຈາກແມ່ນ້ຳຢາງເຊ. ຢູ່ເຂດລ້ອງແມ່ນ້ຳເຫຼືອງມີເຂດນິເວດລະດັບຊາດທີ່ສຳຄັນຫຼາຍແຫ່ງ, ປະລິມານສະສົມຖ່ານຫີນກວມຫຼາຍກວ່າເຄິ່ງໜຶ່ງຂອງທົ່ວປະເທດ, ມີບົດບາດສຳຄັນທີ່ສຸດໃນການພັດທະນາເສດຖະກິດສັງຄົມ ແລະ ຄວາມປອດໄພດ້ານນິເວດຂອງຈີນ.
ຍ້ອນວ່າຢູ່ເຂດລ້ອງແມ່ນໍ້າເຫຼືອງມັກເກີດມີໄພທຳມະຊາດເລື້ອຍໆ, ໄດ້ສ້າງຜົນກະທົບຢ່າງຮ້າຍແຮງຕໍ່ປະຊາຊົນທີ່ອາໄສຢູ່ແຄມຝັ່ງ.ຈາກສະໄໝກ່ອນລາດຊະວົງຊິນຈົນຮອດປີ 1949, ຢູ່ລຽບຕາມແມ່ນໍ້າເຫຼືອງໄດ້ເກີດເຫດຝາຍແຕກ1590ເທື່ອ, ໄດ້ປ່ຽນແລວນໍ້າໄຫຼ 26 ເທື່ອ. ແມ່ນໍ້າເຫຼືອງກໍເຄີຍມີໄລຍະທີ່ມີຄວາມໝັ້ນທ່ຽງໂດຍທຽບຖານ, ແຕ່ບໍ່ສາມາດຫຼຸດພົ້ນອອກຈາກວັດທະຈັກທີ່ “ປ້ານຝາຍ-ດິນໄຫຼມາທັບຖົມກັນ-ຝາຍແຕກ-ປ່ຽນແລວນໍ້າໄຫຼ”.
ເດືອນສິງຫາປີ 2019, ຢູ່ນະຄອນລານໂຈ່ ຍ່ານເໜືອຂອງແມ່ນ້ຳເຫຼືອງ, ທ່ານສີຈິ້ນຜິງໄດ້ກ່າວວ່າ: “ຂ້າພະເຈົ້າເຄີຍເວົ້າວ່າ ແມ່ນ້ຳຢາງເຊເຈັບປ່ວຍແລ້ວ, ທັງເຈັບໜັກ. ມື້ນີ້ຂ້າພະເຈົ້າຢາກເວົ້າວ່າ, ແຕ່ໃດໆມາ ແມ່ນ້ຳເຫຼືອງກໍມີຄວາມອ່ອນແອ ແລະ ມັກເຈັບເປັນເລື້ອຍໆ, ເກີດໄພນ້ຳຖ້ວມເລື້ອຍໆ.”
ຕອນບ່າຍວັນທີ 8 ມິຖຸນານີ້, ທ່ານສີຈິ້ນຜິງທີ່ພວມສຳຫຼວດກວດກາວຽກງານຢູ່ເຂດປົກຄອງຕົນເອງເຜົ່າຫຸຍນິງເຊ້ຍໄດ້ໄປສຳຫຼວດກວດເບິ່ງແມ່ນ້ຳເຫຼືອງຕອນເທສະບານນະຄອນອູຈົ່ງ
ເດືອນກັນຍາປີດຽວກັນ, ທ່ານສີຈິ້ນຜິງໄດ້ເປັນປະທານຈັດກອງປະຊຸມສຳມະນາກ່ຽວກັບການອະນຸລັກລະບົບນິເວດ ແລະ ພັດທະນາເຂດລ້ອງແມ່ນ້ຳເຫຼືອງດ້ວຍຄຸນນະພາບສູງ.
ກອງປະຊຸມຄັ້ງນີ້ແມ່ນກອງປະຊຸມລະດັບສູງ, ຜູ້ຮັບຜິດຊອບຂອງ 9 ເຂດແຂວງໃນເຂດລ້ອງແມ່ນ້ຳເຫຼືອງ ຜູ້ຮັບຜິດຊອບຂອງພາກສ່ວນທີ່ກ່ຽວຂ້ອງຂັ້ນສູນກາງໄດ້ເຂົ້າຮ່ວມ. ທ່ານສີຈິ້ນຜິງໄດ້ປະກອບຄຳເຫັນທີ່ສຳຄັນ ໂດຍໄດ້ມີຂໍ້ສະເໜີຢ່າງຈະແຈ້ງວ່າ: “ການອະນຸລັກແມ່ນ້ຳເຫຼືອງແມ່ນແຜນການສຳຄັນຍາວນານທີ່ພົວພັນເຖິງການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ ແລະ ການພັດທະນາແບບຍືນຍົງຂອງປະຊາຊາດຈີນ.”
ຕັ້ງແຕ່ນັ້ນມາ, ການອະນຸລັກ ແລະພັດທະນາລະບົບນິເວດໃນເຂດລ້ອງແມ່ນໍ້າເຫຼືອງດ້ວຍຄຸນນະພາບສູງ ກໍໄດ້ກຳນົດໃຫ້ເປັນຍຸດທະສາດລະດັບຊາດທີ່ສຳຄັນໂດຍເທົ່າທຽມກັນກັບການພັດທະນາທີ່ມີການປະສານສົມທົບກັນລະຫວ່າງປັກກິ່ງ ທຽນສິນ ເຫີເປີຍ, ການພັດທະນາແລວເສດຖະກິດແມ່ນໍ້າຢາງເຊ, ການສ້າງເຂດອ່າວໃຫຍ່ກວາງຕຸ້ງ-ຮົງກົງ-ມາກາວ, ແລະການພັດທະນາເຂດສາມຫຼ່ຽມປາກແມ່ນໍ້າຢາງເຊໃຫ້ເປັນອັນໜຶ່ງອັນດຽວກັນ.
“ຈຸດສຳຄັນຢູ່ກັບການອະນຸລັກ, ຂໍກຸນແຈຂຶ້ນຢູ່ກັບການປົວແປງ”. ນີ້ແມ່ນຫຼັກການສຳຄັນທີ່ທ່ານສີຈິ້ນຜິງກຳນົດໄວ້ເພື່ອອະນຸລັກ ແລະ ພັດທະນາເຂດລ້ອງແມ່ນໍ້າເຫຼືອງດ້ວຍຄຸນນະພາບສູງ. ໃນຍຸດທະສາດແຫ່ງຊາດດັ່ງກ່າວ, “ການອະນຸລັກລະບົບນິເວດ” ມີຖານະສູງກວ່າການພັດທະນາ, ນີ້ແມ່ນປະຖົມປັດໄຈຂັ້ນພື້ນຖານ, ທັງແມ່ນສິ່ງຮັບປະກັນທີ່ສຳຄັນ. ນີ້ໄດ້ສະແດງໃຫ້ເຫັນແນວຄິດຊີ້ນຳທີ່ໃຫ້ບຸລິມະສຸດແກ່ການອະນຸລັກລະບົບນິເວດ ແລະ ການພັດທະນາແບບສີຂຽວທີ່ ທ່ານສີຈິ້ນຜິງກ່າວເນັ້ນມາຫຼາຍເທື່ອ, ທັງສ່ອງແສງເຖິງແນວຄວາມຄິດທີ່ວ່າພູຂຽວນໍ້າໃສກໍແມ່ນພູເງິນພູຄຳ.
ທ່ານສີຈິ້ນຜິງເຫັນວ່າ, ລະບົບນິເວດແມ່ນໍ້າເຫຼືອງແມ່ນໂຄງປະກອບແບບກາຍອິນຊີ, ການປົວແປງແມ່ນໍ້າເຫຼືອງແມ່ນໂຄງການທີ່ເປັນລະບົບ, “ຕ້ອງພິຈາລະນາເຖິງຄວາມແຕກຕ່າງລະຫວ່າງຍ່ານເໜືອ ຍ່ານກາງ ແລະ ຍ່ານໃຕ້ຢ່າງເຕັມສ່ວນ” “ວາງແຜນພັດທະນາຍ່ານເໜືອຍ່ານໃຕ້ຂອງແມ່ນໍ້າ ສາຍຫຼັກແລະສາຂາ, ທັງຝັ່ງຊ້າຍຝ່າຍຂວາໃຫ້ເປັນເອກະພາບກັນ”.
ສຳລັບແຂວງກ່ານຊູ້, ທ່ານສີຈິ້ນຜິງກ່າວເນັ້ນວ່າ ກ່ານຊູ້ແມ່ນເຂດບຳລຸງແຫຼ່ງນໍ້າ ແລະ ເຂດຮັກສາແຫຼ່ງນໍ້າທີ່ສຳຄັນລຽບຕາມເຂດລ້ອງແມ່ນໍ້າເຫຼືອງ, ຕ້ອງແບກຫາບໜ້າທີ່ສຳຄັນກ່ອນໝູ່ໃນການປົວແປງແລະຟື້ນຟູລະບົບນິເວດໃນຍ່ານເໜືອແມ່ນໍ້າເຫຼືອງ ຮັກສາດິນແລະນໍ້າ, ປ້ອງກັນແລະປັບປຸງມົນລະພິດ;
ສຳລັບແຂວງເຫີນານ, ທ່ານສີຈິ້ນຜິງໄດ້ຮຽກຮ້ອງໃຫ້ອະນຸລັກລະບົບນິເວດລຽບຕາມແມ່ນໍ້າເຫຼືອງ, ຍົກສູງຄຸນນະພາບ ແລະ ຄວາມຍືນຍົງຂອງລະບົບນິເວດທຳມະຊາດ.
ສຳລັບແຂວງສ້ານຊີ່, ທ່ານຮຽກຮ້ອງໃຫ້ຊຸກຍູ້ການຫັນປ່ຽນການບຸກເບີກຫຼາຍເກີນໄປ ການນຳໃຊ້ຫຼາຍເກີນໄປ ເປັນການປົວແປງ ແລະ ການຟື້ນຟູແບບທຳມະຊາດ, ປັບປຸງຄຸນນະພາບຂອງສິ່ງແວດລ້ອມນິເວດໃນເຂດລ້ອງແມ່ນໍ້າ.
ຢູ່ແຂວງສ່ານຊີ່, ທ່ານສີຈິ້ນຜິງໄດ້ໄປສຳຫຼວດກວດເບິ່ງສະພາບການອະນຸລັກ ແລະ ປົວແປງແມ່ນໍ້າເຟີນເຫີ, ໂດຍເນັ້ນວ່າ “ໃຫ້ແມ່ນໍ້າໃສສະອາດໄຫຼເຂົ້າສູ່ແມ່ນໍ້າເຫຼືອງ”; ຊຸກຍູ້ໃຫ້ເຂດແຄມຝັ່ງແມ່ນໍ້າເຫຼືອງຂອງແຂວງສ່ານຊີ່ພັດທະນາໃນການອະນຸລັກ, ແລະອະນຸລັກໃນການພັດທະນາ.
ທ່ານສີຈິ້ນຜິງໄປສຳຫຼວດກວດເບິ່ງແມ່ນໍ້າເຫຼືອງຕອນນິງເຊ້ຍ, ເປັນການເນັ້ນໜັກເຖິງການອະນຸລັກລະບົບນິເວດເຂດລ້ອງແມ່ນໍ້າເຫຼືອງອີກເທື່ອໜຶ່ງ, ກໍເປັນການຕິດຕາມກວດກາສະພາບການຈັດຕັ້ງປະບັດຄວາມຮຽກຮ້ອງຕ່າງໆໃນໄລຍະຜ່ານມາ.
ການກ່າວເນັ້ນເຖິງການອະນຸລັກສິ່ງແວດລ້ອມນິເວດ, ບໍ່ໝາຍຄວາມວ່າບໍ່ໃຫ້ພັດທະນາ. ເຂດລ້ອງແມ່ນໍ້າເຫຼືອງແມ່ນກຳແພງນິເວດທີ່ສຳຄັນຂອງຈີນ, ທັງເປັນເຂດເສດຖະກິດທີ່ສຳຄັນ, ແມ່ນພາກພື້ນສຳຄັນທີ່ເອົາຊະນະໃນບັ້ນລຶບລ້າງຄວາມທຸກຍາກ.
ຂໍ້ມູນສະແດງໃຫ້ເຫັນວ່າ, ໃນທ້າຍປີ 2018ເຂດແຂວງໃນເຂດລ້ອງແມ່ນໍ້າເຫຼືອງມີປະຊາກອນ 420 ລ້ານຄົນ, ກວມເອົາ 30,3%ຂອງປະຊາກອນທົ່ວປະເທດ; GDP ຂອງພາກພື້ນນີ້ມີ 23900 ຕື້ຢວນ, ກວມເອົາ 26,5%. ປະຈຸບັນ, ລະດັບການພັດທະນາເສດຖະກິດຂອງຫຼາຍທ້ອງຖິ່ນລຽບຕາມແມ່ນໍ້າເຫຼືອງຍັງຫຼ້າຫຼັງຢູ່.
“ຕ້ອງພິຈາລະນາຈາກສະພາບຄວາມເປັນຈິງ, ຢູ່ບ່ອນທີ່ມີທ່າແຮງທາງນໍ້າກໍພັດທະນາຕາມນໍ້າ, ມີທ່າແຮງທາງພູດອຍກໍພັດທະນາຕາມພູດອຍ, ມີທ່າແຮງດ້ານການຜະລິດທັນຍາຫັນ ກໍພັດທະນາຂະແໜງການທັນຍາຫັນ, ເໝາະສົມແກ່ການພັດທະນາກະສິກຳ ກໍພັດທະນາກະສິກຳ,ເໝາະສົມແກ່ການພັດທະນາອຸດສາຫະກຳ ກໍພັດທະນາອຸດສາຫະກຳ, ເໝາະສົມແກ່ການພັດທະນາການຄ້າກໍພັດທະນາການຄ້າ, ຕັ້ງໜ້າຊອກຫາເສັ້ນທາງໃໝ່ແຫ່ງການພັດທະນາທີ່ມີຄຸນນະພາບສູງ ແລະ ມີເອກະລັກພິເສດຂອງທ້ອງຖິ່ນ.” ໃນກອງປະຊຸມສຳມາະນາກ່ຽວກັບການອະນຸລັກລະບົບນິເວດ ແລະ ພັດທະນາເຂດລ້ອງແມ່ນໍ້າເຫຼືອງດ້ວບຄຸນນະພາບສູງ, ທ່ານສີຈິ້ນຜິງໄດ້ຊີ້ແຈງທິດທາງພັດທະນາຂອງເຂດລ້ອງແມ່ນໍ້າເຫຼືອງ.
ນີ້ກໍໝາຍຄວາມວ່າ, ໃນແຜນແມ່ບົດທີ່ພັດທະນາເຂດລ້ອງແມ່ນໍ້າເຫຼືອງດ້ວຍຄຸນນະພາບສູງນັ້ນ, ເຂດຕ່າງໆຕ້ອງມີຈຸດສຸມທີ່ແຕກຕ່າງກັນໃນການພັດທະນາ. ເຂດສະຫງວນທຳມະຊາດ ແລະ ສິ່ງແວດລ້ອມ ກໍຄວນປະດິດສ້າງຜະລິດຕະພັນນິເວດໃຫ້ຫຼາຍກວ່າເກົ່າ, ເຂດແຫຼ່ງຜະລິດທັນຍາຫານກໍຕ້ອງຍົກສູງຄຸນນະພາບຂອງຜະລິດຕະພັນກະສິກຳ, ເຂດທຸກຍາກກໍຕ້ອງສຸມທຸກຄວາມພະຍາຍາມເພື່ອຮັບປະກັນ ແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ກ່ຽວກັບການອະນຸລັກລະບົບນິເວດ ແລະ ພັດທະນາແມ່ນໍ້າເຫຼືອງດ້ວຍຄຸນນະພາບສູງ, ທ່ານສີຈິ້ນຜິງຍັງໄດ້ຍົກເອົາຄວາມເວົ້າບູຮານປະໂຫຍກໜຶ່ງຂອງຈີນ ຄື “ທ່ານອີສາມາດແກ້ໄຂບັນຫານ້ຳຖ້ວມໄດ້, ຍ້ອນເພິ່ນໄດ້ເຄົາລົບກົດເກນທຳມະຊາດຂອງນ້ຳ”, ໂດຍຊີ້ອອກວ່າ, ຕ້ອງເຄົາລົບກົດເກນ, ປະຖິ້ມແນວຄິດຮ້ອນຮົນຟ້າວຟັ່ງທີ່ຕ້ອງເອົາຊະນະນ້ຳແລະ ເອົາຊະນະທຳມະຊາດ.
ຈາກສັນຊາດຕະຍານທີ່ຮ້ອນຮົນຟ້າວຟັ່ງທີ່ຢາກເອົາຊະນະນ້ຳ ແລະ ທຳມະຊາດ, ຫັນມາສູ່ແນວຄວາມຄິດທີ່ເຄົາລົບກົດເກນ ແລະ ອະນຸລັກທຳມະຊາດ, ຢູ່ເບື້ອງຫຼັງຂອງພຶດຕິກຳປົວແປງແມ່ນ້ຳເຫຼືອງ, ໄດ້ສ່ອງແສງໃຫ້ເຫັນເຖິງຄວາມປ່ຽນແປງຂອງການຮັບຮູ້ຕໍ່ທຳມະຊາດຂອງຊາວຈີນໃນຫຼາຍພັນປີມານີ້. ກໍຍ້ອນເປັນແນວນີ້, ທ່ານສີຈິ້ນຜິງໄດ້ກ່າວວ່າ: “ເວົ້າໃນຄວາມໝາຍດ້ານໃດໜຶ່ງແລ້ວ, ປະຫວັດສາດທີ່ປົວແປງແມ່ນ້ຳເຫຼືອງຂອງປະຊາຊາດຈີນກໍແມ່ນປະຫວັດສາດບໍລິຫານປະເທດ.”
ຄຳເຫັນ
0