ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວາລະສານເດີແລນເຊັດລາຍສັບປະດາທີ່ມີຊື່ສຽງຂອງອັງກິດໄດ້ພິມບົດຄວາມໃນວັນທີ 25 ກໍລະກົດນີ້ໂດຍຂຽນວ່າ: ຈີນໃນຖານະເປັນປະເທດທີ່ມີປະຊາກອນຈຳນວນ 1,4 ຕື້ຄົນແລະມີເນື້ອທີ່ທາງບົກແຫ່ງຊາດຄ້າຍຄືກັນກັບເນື້ອທີ່ທາງບົກຂອງທົ່ວເອີຣົບແລະອາເມຣິກາ, ໃນໄລຍະປັດຈຸບັນ, ການແຜ່ລະບາດຂອງພະຍາດໂຄວິດ-19 ຢູ່ຈີນໄດ້ຮັບການຄວບຄຸມຢ່າງມີປະສິດທິຜົນ,ແລະບໍ່ໄດ້ເກີດມີສະພາບການແຜ່ລະບາດໃນຂອບເຂດທີ່ກວ້າງຂວາງອີກແລ້ວ ເຊິ່ງເປັນການຄວບຄຸມການແຜ່ລະບາດຂອງພະຍາດໂຄວິດ-19 ຢູ່ພາຍໃນປະເທດຈີນໄດ້ໃນລະດັບສູງ.
ບົດຄວາມຂຽນວ່າ: ໃນ 10 ກວ່າປີຜ່ານມາ, ຈີນໄດ້ລົງທຶນຢ່າງຫຼວງຫຼາຍໃນດ້ານການກໍ່ສ້າງແລະຄົ້ນຄວ້າວຽກງານສາທາລະນະສຸກຢູ່ໃນປະເທດຕົນ ເຊິ່ງເຮັດໃຫ້ຈີນສາມາດກະກຽມໄດ້ຢ່າງເຕັມສ່ວນໃນການຮັບມືກັບການແຜ່ລະບາດຂອງພະຍາດໂຄວິດ-19 ຫຼາຍກວ່າການກະກຽມໃນການຮັບມືກັບພະຍາດ SARS ໃນປີ 2003. ປະສົບການຂອງຈີນໄດ້ສະແດງໃຫ້ເຫັນວ່າ:ການລົງທຶນດ້ານສາທາລະນະສຸກແຫ່ງຊາດແລະລະບົບການຄົ້ນຄວ້າ ແລະ ການຍົກລະດັບຄວາມສາມາດຂອງຫ້ອງທົດລອງໃຫ້ສູງຂຶ້ນຢ່າງມີປະສິດທິຜົນແມ່ນມີຄວາມສຳຄັນຫຼາຍ. ນີ້ເປັນບົດຮຽນທີ່ຫຼາຍປະເທດໃນໂລກຄວນຖອດຖອນຮ່ຳຮຽນນຳ ໂດຍສະເພາະແມ່ນປະເທດທີ່ມີລາຍຮັບປານກາງແລະຕ່ຳ.
ນອກນີ້,ບົດຮຽນຂອງຈີນໄດ້ຢັ້ງຢືນວ່າ: ບົນພື້ນຖານການຄົ້ນຄວ້າທີ່ເຂັ້ມແຂງ, ຕ້ອງມີການນຳຂັ້ນສູງທີ່ເຂັ້ມແຂງໃນການນຳໃຊ້ນະໂຍບາຍທີ່ຖືກຕ້ອງຢ່າງເດັດຂາດຕາມຫຼັກວິທະຍາສາດ, ຈຶ່ງຈະສາມາດເຮັດໃຫ້ການແຜ່ລະບາດຂອງພະຍາດໂຄວິດ-19 ໄດ້ຮັບການຄວບຄຸມຢ່າງມີປະສິດທິຜົນ.
ພຶດຕິກຳໄດ້ຢັ້ງຢືນວ່າ: ລັດຖະບານກໍຄືຜູ້ນຳປະເທດຕ້ອງເຄົາລົບວິທະຍາສາດ, ເຂົ້າໃຈຄຸນຄ່າຂອງວິທະຍາສາດ,ພ້ອມທັງປະຕິບັດງານຕ້ານກັບການແຜ່ລະບາດຂອງພະຍາດໂຄວິດ-19 ດ້ວຍວິທີທີ່ມີຜົນປະໂຫຍດຕໍ່ສັງຄົມຫຼາຍທີ່ສຸດ ຈຶ່ງຈະສາມາດຄວບຄຸມພະຍາດໂຄວິດ-19 ຢ່າງມີປະສິດທິຜົນໄດ້. ນອກນີ້, ການຮັບມືກັບສະພາບສຸກເສີນດ້ານສາທາລະນະສຸກທີ່ມີລັກສະນະທົ່ວໂລກຍັງປາສະຈາກບໍ່ໄດ້ກັບການຮ່ວມມືແລະຄວາມສາມັກຄີຈາກບັນດາປະເທດໃນໂລກ.
ຄຳເຫັນ
0